Mga Kard sa Kasaysayan sa Simbahan
Matag bulan, pagkat-on mahitungod sa importante nga mga tawo sa kasaysayan sa Simbahan! Guntinga ang kard, pil-a diha sa tuldok-tuldok nga linya, ug i-tape kini og sikit kaayo.
Ang Tulo ka mga Saksi
“Kami nakasud-ong ug nakapamatuod nga kini nga mga butang tinuod.”
“Ang Pagpamatuod sa Tulo Ka mga Saksi,” Basahon ni Mormon
-
Si Oliver Cowdery, David Whitmer, ug Martin Harris mga higala ni Propeta Joseph Smith.
-
Sila nakakita og anghel, kinsa mipakita kanila sa mga palid nga bulawan. Gisulat nila ang ilang pagpamatuod. Mabasa nimo kini human sa pasiuna sa Basahon ni Mormon.
-
Sila mao ang pipila sa unang mga tawo nga gibunyagan isip mga miyembro sa Ang Simbahan ni Jesukristo sa mga Santos sa Ulahing mga Adlaw.
Lucy Mack Smith
1775–1856
“Kana nga basahon mitungha pinaagi sa gahum sa Dios.”
Lucy Mack Smith, History of Joseph Smith (Bookcraft, 1958), p. 204
-
Siya mao ang inahan ni Joseph Smith.
-
Siya mitudlo sa iyang mga anak mahitungod sa Dios. Sila nag-ampo ug nagbasa og dungan sa Biblia.
-
Siya nangulo og usa ka grupo sa mga Santos ngadto sa Kirtland pinaagi sa bapor. Sa dihang ang tubig mibagtok sa yelo, iyang giawhag ang mga Santos sa pag-ampo. Ang yelo nabuak maong ang bapor nakaagi paglawig!
Mga paghulagway ni Brooke Smart