Kandidato sa Pagka-pangserbisyo nga Misyonaryo

Kitang tanan espiritung mga anak sa Langitnong Amahan. Iya kitang gipadala dinhi sa yuta nga may managlahing mga abilidad ug mga talento. Uban niini nga mga abilidad, ang matag usa kanato makahatag og makahuloganong serbisyo sa pagtabang og tukod sa gingharian sa Dios dinhi sa yuta. Ang Ginoo miingon, “Kon kamo adunay tinguha sa pag-alagad sa Ginoo kamo gitawag ngadto sa buhat” (Doktrina ug mga Pakigsaad 4:3). Ang matag usa nga takos ug adunay tinguha sa pagserbisyo makabaton og oportunidad nga matawag isip usa ka misyonaryo.

Gusto ka bang moserbisyo sa Simbahan, sa imong komunidad, ug sa imong pamilya? Gusto ka bang makabaton og bililhon nga espirituhanon nga kasinatian isip misyonaryo? Tingali ikaw tawagon sa usa ka pinahaom sa imong panginahanglan nga pangserbisyo nga misyon! Ang pangserbisyo nga mga misyonaryo gitawag sa Ginoo nga moserbisyo sa mga assignment nga gipadagan sa Simbahan, sa aprobadong dili pangnegosyo nga mga organisasyon sa komunidad, ug diha sulod sa ilang stake.

Bisan asa ka moadto ug unsang paagi ang imong pagserbisyo, mapanalanginan ka sa hilabihan. Isip pangserbisyo nga misyonaryo, ikaw:

Mosunod sa ehemplo ni Jesukristo.
Mohatag og makahuloganong serbisyo.
Magtuon ug mag-ampo.
Mopalambo og mga kahanas sa kinabuhi.
Motabang sa pagtuman sa balaanong gipili nga mga responsiblidad sa Simbahan

Komon nga mga Pangutana

Ang pangserbisyo nga mga misyonaryo mopuyo sa balay ug moserbisyo sa lokal nga komunidad. Adunay daghang assignment nga ihatag kanimo. Aniay pipila ka ehemplo sa mga assignment nga imong madawat.

Family History: Pag-asister sa buhat alang sa mga patay pinaagi sa pagserbisyo sa programa sa family history. Ang imong tawag tingali maglakip sa FamilySearch indexing, tibuok kalibotan nga suporta sa FamilySearch, pag-asister sa family history center, ug pag-asister sa librarya sa family history.

Mga seminary ug mga Institute: Motabang sa mga miyembro sa pagkat-on og pagpakabuhi sa ebanghelyo pinaagi sa pagsuporta sa mga programa sa seminary ug institute. Makahimo ka og pang-opisina nga buluhaton ug suporta sa computer. Makatabang ka sa social media ug makasuporta og mga kalihokan. Makatabang ka usab sa pag-recruit ug pagpa-enroll sa mga estudyante.

Mga Pagpadagan sa Welfare: Pag-atiman sa mga kabos ug nanginahanglan pinaagi sa pagserbisyo sa usa sa daghang mga gipadagan nga welfare sa Simbahan. Ikaw mapanalanginan pinaagi sa pagserbisyo sa mga tipiganan sa bishop, mga pasilidad sa produksiyon, mga umahan, mga orchard, Deseret Industries, ug sa mga sentro nga kapanguhaan og pagpanarbaho.

Serbisyo sa Komunidad: Mohimo og serbisyo sa imong komunidad pinaagi sa aprobado nga dili pangnegosyo nga mga organisasyon. Ang imong tawag mahimong maglakip sa pagserbisyo sa mga lokal nga pundohanan og pagkaon, tipiganan, mga kasilongan, sentro sa mga senior citizen, ug daghan pa.

Compassionate Service nga I-assign sa Imong Bishop o Presidente sa Stake: Mohatag og serbisyo ngadto sa mga tawo sa imong stake. Makatabang ka sa daghang paagi! Sama pananglit, mahimo kang mobisita sa tigulang na nga mga miyembro o sa dili mga miyembro ug mohatag og serbisyo sa ilang mga nataran o mga panimalay. Mahimo sab nga magkat-on ka og kahanas nga ipaambit o itudlo, sama sa pag-adjust sa mga lawn mower o bisiklita.