Ti Pammaneknek Dagiti Walo a Saksi

Maipakaammo iti amin a pagilian, puli, pagsasao, ken tattao, a pakaidanonanto daytoy nga aramid: Nga impakita kadakami ni Joseph Smith, Jun., ti nangipatarus daytoy nga aramid dagiti nasao a pinanid, a kasla balitok; ket kas iti kaadu ti binulong nga impatarus ti nasao a Smith ti naiggamanmi; ken nakitami met dagiti naikitikit kadagitoy, aglanglanga amin dagitoy a nagkauna nga aramid, ken naisangsangayan ti pannakaaramidna. Ket paneknekanmi dagitoy a sipaparbeng, a ti nasao a Smith ti nangipakita kadakami, ta nakitami ken binagkatmi, ket ammomi a sitatalged nga adda ken ni nasaomi a Smith dagiti pinanid. Ket itedmi ti nagnaganmi iti lubong, tapno saksianmi iti lubong ti nakitami. Ket saankami nga agulbod, saksian ti Dios daytoy.