Aolep Rej Ruwainene Loļo̧k juon m̧ōn jar epaake eok.
Kajjitok ko Ekkā Kajjitōk Kaki
Membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata rej ke tōmak ilo Kraist?
Aaet! Āinwōt membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata, jej tōmak Jisōs Kraist ej Nejin Anij im Rilo̧mo̧o̧r eo an Laļ in. Ej iakwe kōj eļļap jān ad maron̄ antoone. Jej kile kōj make ro rej rikaļo̧o̧r ro reniknik an Jisōs Ijoke jet iaan tōmak ko ad rej jenolo̧k, jej tōmak bwe ilo kar mour eo An, jerbal eo an, an karmejete, jerkakpeje, Jisōs Kraist ej lo̧mo̧o̧r kōj jān jerawiwi, en̄taan, im mej.
Ekkatak eļapļo̧k kōn tōmak ko ad.
Elmen iien kabun̄jar ko an Kabun̄ in?
Awa in kweilo̧k in jar ko reoktak jān doon. Ijoke, kwomaron̄ aolep iien pedped wōt ioon juon wōt wāween kabun̄jar n̄an aolep, ālkintok kūlaaj ko n̄an ajri ro, jodikdik ro, im rūtto ro.
Kweilo̧k in jar eo n̄an aolep ej ņae etan “kweilo̧k in kwojkwoj.” Kweilo̧k in ekoba iien al ko, jar ko, katak ko (ak “kōnono ko”) letok jān membōr ro wōj ilo kumi in jar eo aolep wiik. Men eo eaorōktata ilo kweilo̧k in ej ilo ad bōk kwojkwoj eo (ejjeļo̧k oktak jen iien kōjeraam̧m̧an ko) n̄an keememej Rilo̧mo̧o̧r eo.
Ekatak eļapļo̧k kōn raan in Jabōt ak pukot juon m̧ōn jar epaake eok.
Etke ewōr an Kabun̄ eo an Jisōs Kraist im Armej ro Rekwojarjar ilo Raan ko Āliktata tampeļ ko?
N̄an Armej ro Rekwojarjar, juon tampeļ ej oktak jān im̧oko jet an Kabun̄. Tampeļ eo ej juon jikin eo Armej ro Rekwojarjar rej bōk kipel ko rejenoļo̧k kōn Anij im Jisōs Kraist. Ilo tampeļ eo, membōr ro rej kōm̧m̧an bujen ko n̄an indeeo (ak kallim̧ur ko) ippān Anij. Menin ej kitbuuj kallim̧ur ko n̄an pokake kien ko an Anij, mour kōn gospel eo an Jisōs Kraist, m̧ool ilo mour in m̧are eo, im jipan̄ lale doon ilo ad ajeej men ko ewōr ipped.
Bareinwōt, kōnke jej tōmak baam̧le ko rej n̄an indeeo, elōn̄ iaan jerbal ko rej kōm̧m̧an ilowaan tampeļ ko rej n̄an kōkajoorļo̧k bujen jemjerā ko an baam̧le ko. Mare ko ilo tampeļ rej kōm̧m̧an n̄an indeeo, ejjab wōt “n̄an mej im ejem̧ļo̧k.” Ajri im ro jiner im jemer rej erom̧ baam̧le ko n̄an indeeo ilo tampeļ. Baamle ko ad em̧ōj aer mej remaron̄ bar bōk kōjeraam̧m̧an ko an tampeļ n̄e juon ej kōm̧m̧ane jerbal in kain̄i ko rekwojarjar ilo etaer im rej bōke jerbal in. Tampeļ ko rej jikin ko eļap poub ie!
Ta in Bok in Mormon?
Bok in Mormon ej juon bok in eoon ko reim̧we me rej pād n̄an letok n̄an kōj iaļ ilo mour ko ad im kōkeijel kōj ippān Jisōs. Ej jipan̄ kōj bōk tōl ilo mour ko ad im jipan̄ kōj epaakeļo̧k Jisōs Kraist. Ia eo āt eo ej itok jene? Bukwi iiō ko remootļo̧k, juon rikanaan etan Mormon ekar karōke im kobaik juon rekoot in armej ro an. Rekar jelm̧aik eļap iaan apan̄ ko jej bar jelm̧aiki rainin. Im, āinwōt kōj, rekar lo kajoor ilo aer oktakļo̧k n̄an Jisōs Kraist. Lale im ekkatak kōn Bok in Mormon ippān mijenede ro.
Bok in Mormon ej rejetak Baibōļ eo āinwōt bar juon kallim̧ur kōn Jisōs Kraist im mijen eo An ekwojarjar āinwōt Rilo̧mo̧o̧r im Ripinmuur eo an laļin. Ippān doon, Baibōļ im Bok in Mormon eo rej letok eļapļo̧k meļeļe kōn iakwe eo eļap an Anij n̄an kōjwōj aolep im maron̄ jipan̄ kōj epaakeļo̧k E.
Ekatak eļapļo̧k kōn wāween an Baibōļ im Bok in Mormon jerbal ippen doon
Jej ke tōmak ilo Baibōļ eo?
Aaet. Baibōļ eo ej naan eo an Anij, juon laajrak in jeje ko rekwojarjar, im ālkin katak ko ej boktok lan̄lōn̄ ilo mour ko ad. Ippen Baibōļ eo, jej bar lo im̧we ilo bok ko jet an jeje ko rekwojarjar im rej jenolo̧k n̄an Kabun eo an Jisōs Kraist im Armej ro Rekwojarjar ilo Raan Ko Āliktata. Rej aolep jerbal ippen doon n̄an katakin kōj kōn m̧ool ko raorōk kōn Anij im Jisōs Kraist.
Ekatak eļapļo̧k kōn tōmak eo ad ilo Baibōļ eo.
Eddōkļo̧k n̄an epaakļo̧k Anij. Kweilo̧k ippān mijenede ro.
Ioon doon online ak ippān doon. Kem naaj uwaake kajjitōk ko am̧ im kwaļok kajjiem̧ n̄an ro ilo m̧ōn jar eo ilo jukjuk in pād eo am̧.
Juon Jukjuk in pād in Mije Jisōs Kraist
Lale meļeļe ko rekāāl tata jān Kabun̄ in.
Men ko rem̧m̧an rej bōk jikier ipeļaakin laļin. Lale meļeļe ko rekāāl tata kōn jerbal in jipan̄ ko, m̧akūtkūt ko, jerbal in jipan̄ jorāān ko, im elōn̄ļo̧k an Kabun̄ in.