Wōn Kōj
Ro Uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata rej ejaake juon jukjukin pād in armej ro rooktak jān doon jān peļaakin laļ in kōn juon wōt tōmak ilo Anij im Nejin, Jisōs Kraist.
Juon Tōmak Edim
Ro M̧ōttam im Ro Rūturim
Kwomaron̄ lo am mour, jerbal, im karrūtoļo̧k baam̧ļe ko aolepān laļ in. N̄an kōm, bōk kuņaam ilo jukjuk in pād eo am ej juon wāween kōm maron̄ iakwe eo iturim āinwōt Jisōs ekar katakin.
Kobaik Jarlepju ko
Ijello̧kin rūkaki eo kōļļāik wōņāān, kōmij aolep kōm̧m̧ane juo m̧ōttan ilo jarlepju ko am ijo jokwe ie kōn jerbal ko an ritōl, iien ekōnono ko, im iien ko rem̧m̧an jet kōn baļintier.
Jipan̄ eļapļo̧k jān Jabōt
N̄an kōm, m̧ōn jar eļapļo̧k jān kabun̄ jar ilo Jabōt—ej barāinwōt juon jikin n̄an pukot jipan̄ kōn jemjerā ko im en̄jake ko me rej kōkajoorļo̧k tōmak im leļo̧k lukkuun jipan̄ eo n̄an apan̄ ko an mour.
We Work Together as Followers of Jesus Christ
Improving lives and building strong communities
Kōmij Kabun̄jar Ippān Doon
Ilo elōn̄ļo̧k jān 30,000 jarlepju ko ilo ijo jokwe ie aolepān laļ in, armej ro rej ekkejel ippān ro jet ilo jukjukin pād eo aer n̄an kabun̄jar, jar, al al in jar ko, im ekkatak gospel eo an Jisōs Kraist.
Kōmij Katak Ippān Doon
Ilo wiik eo, armej ro jān aolep iiō ko rej koba ilo kūlaaj ko, ko āinwōt jemenere n̄an jodikdik ro ak institute n̄an rūm̧m̧an ded ro ejjeļo̧k rejtaer, n̄an ekkatak katak ko an Jisōs ippān doon.
Kōmij Jerbal N̄an Doon
Būroojāāk in jerbal in jipan̄ ko rej juon m̧ōttan aolep iien an m̧akūtkūt an kabun̄ eo im juon wāween aorōk kōmij pokake kein eo an Anij n̄an iakwe eo iturum.
Kōmij Kalōk Jemjerā ko
Jarlepu ko am rej juon m̧ōttan peļaak ko ijo kōm̧ij jokwe ie, im kōmij buuļ jerbal n̄an erom ro rūturin rem̧m̧an im jerami. M̧akūtkūt in ikitōltōl ko rej kalimomo im juon m̧ōttan aorōk an kalōk juon jukjuk in pad an kabun̄.
Kōmij Kōkajoorļo̧k Baam̧le ko
Kōtaan ko rekajoor an baam̧le rej kōm̧m̧an bwe mour in en lem̧ōņōņō im jipan̄ kōj kalōk kain laļ eo jej kōņaan. En̄jake eo ad kōn jar im iien jar ko em̧wilaļļo̧k aer rie im kōļapļo̧k jemjerā ko rem̧m̧an an baam̧le.
Kōmij Erom Em̧m̧anļo̧k
Erom kain armej eo kōmij kōjatdikdik kake n̄an erom ej juon m̧ōttan aorōk an mour in kabun̄ eo am. Būrookraam̧ ko an Kabun̄ in rej jipan̄ armej ro katak im eddōkļo̧k jim̧or ilo jetōb im ilo lukkuun wāween ko kōn gospel eo an Jisōs Kraist.
Find Our Church Near You
Want to see how a supportive church community can benefit you? Come and see for yourself by visiting a local congregation of The Church of Jesus Christ of Latter-day Saints.
Church Leadership
“As every man hath received the gift, even so minister the same one to another as good stewards of the manifold grace of God.” –
Jej Tōmak ilo Rikanaan ro im Rijilōk ro
Ļoor ejja jon̄ak eo wōt Jisōs Kraist ekar ejaake n̄an tōl armej ro An ilo iien ko ilo Baibōļ, Kabun̄ in ej tōl jān juon rikanaan im rijilōk ro rainin. Ritōl rein rej jerbal im kōm̧m̧an ium̧win tōl eo ejim̧we An. Kwomaron̄ katak eļapļo̧k kōn er ijin .
Ritōl ro rej Itok jān aolepān Laļ
Em̧maan ro im kōrā ro jān aolep jekjek ko an mour rej jipan̄ tōl jerbal eo an Kabun̄ in ilo jon̄ok eo an aolepān laļ ak ijo pād ie. Juon waanjon̄ak an menin ej kōra ro rej tōl Doulul eo an Kōra ro .
Ritōl ro Ijo Jokwe ie Rej Armej ro Rejjab Oktak
Ijello̧kin rūkaki eo kōļļāik wōņāān, jarlepju ko ijo jokwe ie rej tōl jān membōr ro an Kabun̄ in me rej baļintiere iien ko aer. Rej rie er jān membōr ro jet an Kabun̄ in me rej jipan̄ kōn aolep men jān katakin kūlaaj ko an Jabōt Jikuuļ n̄an karreoik im̧ōn jar eo.
Kōmij Katakin Doon
N̄e kwoj loļo̧k jarlepju ko am, kwonaaj kile kōmij katakin doon im katak ippān doon jān jeje ko rekwojarjar. Kōmij tōmak kajjojo ewōr juon men aorōk remaron̄ jipan̄ kake, im kōn menin ritōl ro rej kajjitōk ippān elōn̄ armej ro n̄an kwaļo̧k jān lokatok eo, jar, im katakin kūlaaj ko.
Bōk juon Kadkadūm̧ Make
Eļan̄n̄e kwoj itok limo ilo loļo̧k jarlepju eo am̧ ijo jokwe ie, kōmij kōņaan bwe kwon ineem̧m̧an wōt jon̄an wōt am̧ maron̄. Mijenede ro ijo jokwe ie remaron̄ lowaj eok m̧oktaļo̧k n̄an kōjjeļāik eok ta eo n̄an kōtmene, uwaaki kajjitōk ko am̧, im em̧ool kōjenolo̧k juon jea n̄an eok n̄e kwoj pojak in loļo̧k.
Likūt Am̧ Email N̄an Bōk Ennaan Ko Rōkōketak
Bōk pija in alooj ko rōkōketak, bwebwenato ko, im elōn̄ ilo juon email wiik otemjej.