Kallim̧ur ko an Tampeļ Rej Liāpe Kōj N̄an Anij im N̄an Doon

Kōn wōt katok eo an Jisōs Kraist, jemaron̄ bar mour ippān jittōn bōro ro ad im ippān Anij ālkin mour in. Jemaron̄ kāālet n̄an ļoor E ilo ad kōm̧m̧ani bujen ko, ak kallim̧ūr ko, Ippān.
Ilo Peij In
Both men and women walking outside the Accra Ghana Temple

Ta In Tampeļ?

Tampeļ ko rej jikin ko rekwojarjar. Jej watōke tampeļ ko āinwōt m̧ōko im̧ōn Irooj Jisōs Kraist. Tampeļ ko reoktak jān m̧ōnjar ko ijo jej kōm̧m̧ani jerbal in kabun̄jar ko an Jabōt im m̧akūtkūt ko jet. Tampeļ ko raar kōjenolo̧ki n̄an jerbal eo ekwojarjar tata an Anij.

Tampeļ ko robrak kōn kōkaļļe. N̄an waanjon̄ak, ro rej pād ilo tampeļ eo rej ekkanōk nuknuk mouj n̄an kwaļo̧k erreo im juon wōt im̧aan mejen Anij. Tampeļ ko rej juon jikin ko̧ne, ekwojarjar im aeņōm̧m̧an ijo rikaļoor ro an Kraist remaron̄ in lukkuun koneek n̄an Ippān.

Aorōk tata, Tampeļ ko rej jikin ko ijo jemaron̄ kōm̧m̧ani bujen ko ippān Anij.
An exterior image of the Helena Montana Temple. The image is taken in the evening.

Ta in bujen?

Jemaron̄ kōkajoorļo̧k jemdo̧o̧n ko ad ippān Anij im bōk kōjeraam̧m̧an ko rejenolo̧k jān E kōn bujen ko. Bujen ej juon kallim̧ur ekwojarjar ikōtaan Anij im ajri ro Nejin. Anij ej letok wāween ko n̄an bujen eo innām letok n̄an kōj kāālet eo n̄an bōki.
Jen kōjerbal peptaij āinwōt juon waanjon̄ak.

Jesus Christ is baptized in the River Jordan by John the Baptist. An angel shows this experience to Nephi after he inquires about Lehi's vision.
N̄e jej peptaij, jej kallim̧uri Anij bwe jenaaj jerbal n̄an E, “kōjparok kien ko An, im bōk iood etan Jisōs Kraist. N̄e jej kōm̧m̧ane men kein, Anij ej kallim̧ur n̄an jeorļo̧k bōd ko ad, kōjeraam̧m̧an kōj kōn Jetōb Kwojarjar eo An, im letok mour indeeo n̄an kōj im̧aan Mejen.

Jej kōkāāl bujen ko jej kōm̧m̧ani ilo iien peptaij n̄e jej bōk kwojkwoj eo, barāinwōt epaake, kajjojo Jabōt ilo m̧ōnjar eo. Kwojkwoj in ej āinwōt kwojkwoj in Kajota eo Āliktata me Jisōs ekar kwaļo̧k kadkad in n̄an Rijilōk ro An m̧okta wōt jān mij eo An.

Ālkin peptaij, membōr ro an Kabun̄ eo an Jisōs Kraist im Armej ro Rekwojarjar ilo Raan ko Āliktata remaron̄ kōm̧m̧an elōn̄ļo̧k bujen ko ippān Anij ilo tampeļ eo. Bujen kein im kallim̧ur ko rej kōkajoorļo̧k jemdo̧o̧n ko aer Ippān im bōktok elōn̄ kōjeraam̧m̧an ko reļļap ļo̧k.

Jej Kōm̧m̧an Bujen ko ilo Tampeļ

Menin Letok Kwojarjar

Naan eo menin letok kwojarjar ej meļeļein “menin letok.” Ilo tampeļ endowment, membōr ro rerūtto an Kabun̄ in rej kōm̧m̧ane bujen ko, ekoba kallim̧ur ko n̄an pokake kien ko an Anij im wujlepļo̧k iien im tōļan ko aer n̄an jerbal eo an Irooj. N̄an ukōtļo̧k, membōr ro rej būki kōjeraam̧m̧an ko reļļapļo̧k in jeļā kōn karōk an Anij, eļapļo̧k kajoor n̄an ļoor waanjon̄ak an Kraist, im jeraam̧m̧an n̄an mour indeeo ippān Anij.

Liāp

Juon iaan lan̄lōn̄ ko reļļap an gospel in an Jisōs Kraist ej bwe jemdo̧o̧n ko an baam̧le remaron̄ eļļā ion mour in wabanban ko ad. Ilo tampeļ eo, baam̧le ko rej kobaiki ak “liāp” ippān doon n̄an indeeo.

Ilo juon iien m̧are, ļeo pālele im lio̧ pālele rej bukwelōlō ion juon lokatok n̄an kōm̧m̧ani bujen ko ippān doon im ippān Anij. Rej kallim̧ur n̄an kautiej im iakwe doon im kallim̧ur n̄an ļoor katak ko im waanjon̄ak an Jisōs Kraist. N̄an ukōtļo̧k, em̧ōj kallim̧ur er bwe m̧are eo aer im baam̧le eo aer enaaj pād n̄an indeeo.
Young couple stands outside the Ogden Utah Temple. They are looking out at the temple in the background with the Angel Moroni being almost top center of the image. He is wearing a dark blue suit with white collared shirt. She is in a white dress. It is late afternoon/early evening.

Jerbal ilo etan ro nukid remej

Jej tōmak ilo juon Anij eo ejim̧we im tūriam̧o me eban kariab jabdewōt ajri ro Nejin jen kōjeraam̧m̧an ko an indeeo kōnke rej jab maron̄ lale jekjek ko rej pād ie.

Ilo tampeļ eo, jej kōm̧m̧ane peptaij ko, menin letok kwojarjar ko, im liāp ko ilo etan rūtto ro ekar ejeļo̧k aer iien em̧m̧an n̄an bōk kain̄i ko mokta jen aer kar mej. Ilo jerbal in, jueo eo emour ej jerbal einwōt juon ripinej jenkwan ak ribōk jikin juon eo me emej.

Jar ko an kain̄i kein rej kōm̧m̧an wōt ilo tampeļ ko rekwojarjar. Jej tōmak bwe rūtto ro ad remaron̄ kālet n̄an bōke ak jab bōke kain̄i ko me kar kōm̧m̧ani ilo iakwe n̄an er.

Kajjitok ko Ekkā Kajjitōk Kaki

  • Mōnjar ko rej jerbal n̄an kōm̧m̧ani kabun̄jar ko an Jabōt, m̧akutkut ko an jodikdik ilo wiik eo, iiaio ko, iien ko jet reļļap an jukjukinped, ilo an jeņoļo̧k tampeļ ko n̄an jerbal ko rekwojarjar im iien jar ko.
  • Komaron̄ kile juon tampeļ jān naan ko “The House of the Lord” em̧ōj je ņabōj in tampeļ eo, im juon m̧ōn jar eo ewōr bar naan kein iturin “Visitors Welcome” im “Kabun̄ eo an Jisōs Kraist im Armej ro Rekwojarjar ilo Raan ko Āliktata” ijo nabōj.
  • Im an kurup in iiaio im kalōk jukjukinped rej juon m̧ōttan eļap in ta eo ej waļo̧k ilo m̧ōnjar ko, tampeļ ko ewōr ie juon kautiej ejenolo̧k. Ilo tampeļ ko, armej rejeļā kōļmenļo̧kjeņ n̄an kautiej Irooj.
Elōn̄ iien komaron̄ deļo̧n̄ lowaan juon tampeļ! N̄e tampeļ ko rej jino kalōki, ak ālkin aer kar kōkāāl, epeļļo̧k m̧ōko n̄an an lo̧bwilej alooje. Barāinwōt, elōn̄ tampeļ ewōr an visitor center, jikin kōttar, ak meļan epeļo̧k n̄an jabdewōt.

Ālkin an juon tampeļ dedeļo̧k, jej aje n̄an kabun̄jar ko rekwojarjar. Kōn wōt ekwojarjar in jerbal ko jej kōm̧m̧ani ilo tampeļ ko, innām tampeļ eo ej pelļo̧k wōt n̄an ro uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata ro me em̧ōj aer kōpooj er make n̄an en̄jake eo.

Ilo am̧ jab maron̄ deļo̧n̄e juon tampeļ kiiō, aolep ajri ro nejin Anij rej ruwainene n̄an ekkatak eļapļo̧k kōn gospel eo an Jisōs Kraist im deļo̧n̄ ilo bujen jemjerā ko me renaaj kōtļo̧k aer lukkun bōk ko̧ņaer ilo kōjeraam̧m̧an ko an tampeļ eo.
Ilo juon iien jar eo elam waan im kadu, lio im ļeo rej jibwe pein doon ilo juon lokatok. Rej kōm̧m̧an bujen ippān Anij ke renaaj lukkuun kautiej im iakwe doon im kallim̧ur n̄an ļoor katak ko im waanjon̄ak an Rilo̧mo̧o̧r eo. N̄an ukōtļo̧k, em̧ōj kallim̧ur er bwe m̧are eo aer im baam̧le eo aer enaaj pād n̄an indeeo.

Ripālele ro em̧ōj aer m̧are ilo tampeļ ekutkut aer m̧ōņōņō ippān baam̧le im ro m̧ōttaer tokelik ilo juon kejota in m̧are ak iminene ko an m̧anit. Ripālele ro raar m̧are ilo kien ilikun tampeļ (āinwōt ro raar kobatok ilo Kabun̄ in ālkin aer m̧are) remaron̄ bar en̄jake kōjeraam̧m̧an in liāp ilo tampeļ.

Baam̧le Eo Am̧ Emaron̄ Ippān Doon N̄an Indeeo

Mijenede ro remaron̄ katakin eok eļapļo̧k kōn wāween an kōjeraam̧m̧an ko an peptaij im bujen ko an tampeļ—ekoba kallim̧ur eo an juon baam̧le indeeo—maron̄ juon m̧ōttan aorōk ilo mour eo am̧.
Kajjitōk juon iien loļo̧k
A family enjoys their time together as they walk down a sidewalk.

Baam̧le ko Remaron̄ Pād Ippān Doon N̄an Indeeo

Kadkad ko an baam̧le kwoj ejaki ilo mour in remaron̄ pād ālkin mej. Kōkajoorļo̧k jemjerā eo am̧ ippān Anij emaron̄ tōlļo̧k n̄an jemjerā ko rekajoorļo̧k ippān baam̧le eo am̧.
Joseph Smith, Jr. kneeling in the Sacred Grove during the First Vision. There are shafts of light shining down on Joseph.

Kabun̄ eo an Jisōs Kraist Em̧ōj an Jepļaaktok

Aolep remaron̄ bōk kōjeraam̧m̧an ko an Kabun̄ eo an Jisōs Kraist ioon laļ in rainin.
Missionaries helping distribute food during a service project in Hong Kong.

Jisōs Kraist eaar Katakin Kōj n̄an Iakwe Doon

Jisōs Kraist ej waanjon̄ak eo ej make wōt kōn iakwe. N̄an ļoor E ej n̄an iakwe Anij im jerbal n̄an ro ipeļaakum̧.