សួស្ដីមកពី ប្រទេសកូឡុំប៊ី !
ជម្រាបសួរពួកយើងឈ្មោះ ម៉ាហ្គោ និង ប៉ោឡូ ។
សូមចូលរួមជាមួយពួកយើង ពេលយើងទៅលេងប្រទេសកូឡុំប៊ី !
ប្រទេសកូឡុំប៊ី ស្ថិតនៅក្នុងទ្វីបអាមេរិកត្បូងភាគខាងជើង ។ ប្រទេសនិយាយភាសាអេស្ប៉ាញនេះមានប្រជាជនប្រហែល ៤៩ លាននាក់ ដែលមានសមាជិកសាសនាចក្រប្រហែល ២០០០០០ នាក់ ។
ប្រទេសកូឡុំប៊ីមានអាកាសធាតុត្រូព្រិច មានរុក្ខជាតិ និងសត្វផ្សេងៗជាច្រើន ។ ប្រាកដណាស់ ប្រទេសនេះមានសត្វស្លាបច្រើនប្រភេទជាងប្រទេសផ្សេងៗ ។ សត្វស្លាបជាច្រើនពុំមាននៅទីកន្លែងផ្សេងណាទៀតទេក្នុងពិភពលោកនេះ ដូចបក្សីដែលមានពណ៌ចម្រុះមួយនេះជាដើម ។
កុមារីនេះកំពុងញ៉ាំ អារីប៉ា(arepa) វាជានំរសជាតិពោត ។ ជារឿយៗ ប្រជាជននៅប្រទេសកូឡុំប៊ីបរិភោគវាជាមួយឈីស និងសាច់ ។
នៅប្រទេសកូឡុំប៊ី ថ្ងៃទី ៧ ខែធ្នូគឺជាថ្ងៃ el Día de las Velitas ( ថ្ងៃនៃទៀនតូច ) ។ ប្រជាជនបំភ្លឺផ្លូវដោយដុតទៀនរាប់ពាន់ដើមដើម្បីចាប់ផ្តើមរដូវកាលបុណ្យគ្រីស្ទ ។
ខែនេះគម្រប់ខួបមួយឆ្នាំ ចាប់តាំងពីព្រះវិហារបរិសុទ្ធ បារ៉េនឃ្វីឡា កូឡុំប៊ី បានឧទ្ទិសឆ្លង ។
នេះជារូបភាពព្រះវិហារបរិសុទ្ធថ្មី ។ ប្រទេសកូឡុំប៊ីក៏មានព្រះវិហារបរិសុទ្ធមួយទៀតផងដែរ នៅក្នុងរដ្ឋធានីបូហ្គោតា ។
សូមជួបជាមួយមិត្តភក្តិមួយចំនួនមកពីប្រទេសកូឡុំប៊ី !
« ខ្ញុំទទួលអារម្មណ៍ថាមានពរ និងរីករាយដែលមានដំណឹងល្អក្នុងជីវិតខ្ញុំ ។ ខ្ញុំដឹងថាព្រះយេស៊ូវគ្រីស្ទមានព្រះជន្មរស់ ហើយស្រឡាញ់ខ្ញុំ ហើយថាព្យាការី យ៉ូសែប ស៊្មីធ បានស្តារសាសនាចក្រនេះឡើងវិញ ។ ខ្ញុំមានអំណរគុណដែលយើងមានព្យាការីដឹកនាំយើង » ។
កាមីឡា អ័រ អាយុ ១០ ឆ្នាំ ទីក្រុង វ៉ាយេ ឌេល កៅកា ប្រទេសកូឡុំប៊ី
« ខ្ញុំដឹងដោយអស់ពីចិត្តខ្ញុំថា ព្រះវរបិតាសួគ៌ និងព្រះយេស៊ូវគ្រីស្ទមានព្រះជន្មរស់ ហើយស្រឡាញ់ពួកយើង ។ ពួកទ្រង់បានប្រទានវិវរណៈដល់ យ៉ូសែប ស៊្មីធ ឲ្យបកប្រែព្រះគម្ពីរមរមន ដើម្បីឲ្យមានសម្រាប់មនុស្សគ្រប់គ្នា » ។
ល្វីស វី អាយុ ១២ ឆ្នាំ ទីក្រុង វ៉ាលេ ឌេល កៅកា ប្រទេសកូឡុំប៊ី ។
សូមអរគុណសម្រាប់មកការទស្សនាប្រទេសកូឡុំប៊ីជាមួយពួកយើង ។ ជួបគ្នាឆ្នាំក្រោយ »