តើយើងជានរណា
សមាជិកទាំងឡាយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បង្កើតបានជាសហគមន៍ដ៏ចម្រុះមួយ ដែលមានមនុស្សមកពីជុំវិញពិភពលោក ដែលមានសេចក្ដីជំនឿដូចគ្នាលើព្រះ និងព្រះរាជបុត្រារបស់ទ្រង់ គឺព្រះយេស៊ូវគ្រីស្ទ ។
សេចក្ដីជំនឿដ៏សកម្ម
មិត្តភក្ដិ និងអ្នកជិតខាង
អ្នកអាចឃើញយើងរស់នៅ ធ្វើការ និងចិញ្ចឹមបីបាច់ក្រុមគ្រួសារនៅជុំវិញពិភពលោក ។ សម្រាប់ពួកយើង ការចូលរួមនៅក្នុងសហគមន៍របស់យើងគឺជាវិធីមួយដែលយើងអាចស្រឡាញ់អ្នកជិតខាងរបស់យើង ដូចដែលព្រះយេស៊ូវបានបង្រៀន ។
ក្រុមជំនុំដ៏សកម្ម
ជំនួសឲ្យបព្វជិតដែលមានប្រាក់ខែធ្វើការពេញម៉ោង យើងទាំងអស់គ្នាធ្វើផ្នែកមួយរបស់យើងនៅក្នុងក្រុមជំនុំតាមមូលដ្ឋាន ក្នុងតួនាទីជាអ្នកដឹកនាំ ការចាត់តាំងឲ្យឡើងនិយាយ និងឱកាសស្ម័គ្រចិត្តផ្សេងៗទៀត ។
ការគាំទ្រហួសពីថ្ងៃអាទិត្យ
សម្រាប់យើង ព្រះវិហារគឺលើសពីការថ្វាយបង្គំនៅថ្ងៃអាទិត្យទៅទៀត—វាក៏ជាទីកន្លែងមួយដើម្បីរកឃើញការគាំទ្រតាមរយៈមិត្តភាព និងបទពិសោធន៍នានាដែលពង្រឹងដល់សេចក្ដីជំនឿ និងផ្ដល់ជំនួយដ៏មានប្រយោជន៍សម្រាប់ឧបសគ្គនៅក្នុងជីវិតផងដែរ ។
យើងធ្វើការរួមគ្នាក្នុងនាមជាអ្នកដើរតាមព្រះយេស៊ូវគ្រីស្ទ
យើងថ្វាយបង្គំជាមួយគ្នា
នៅក្នុងក្រុមជំនុំតាមមូលដ្ឋានជាង ៣០,០០០ កន្លែងនៅជុំវិញពិភពលោក សមាជិកភ្ជាប់ទំនាក់ទំនងជាមួយគ្នាទៅវិញទៅមកក្នុងសហគមន៍របស់ពួកគេដើម្បីថ្វាយបង្គំ អធិស្ឋាន ច្រៀងទំនុកតម្កើង និងសិក្សាដំណឹងល្អរបស់ព្រះយេស៊ូវគ្រីស្ទ ។
យើងរៀនជាមួយគ្នា
នៅក្នុងអំឡុងសប្តាហ៍ មនុស្សគ្រប់វ័យជួបជុំគ្នានៅក្នុងថ្នាក់រៀនជាច្រើន ដូចជាថ្នាក់សិក្ខាសាលាសម្រាប់យុវវ័យ ឬថ្នាក់វិទ្យាស្ថានសម្រាប់យុវមជ្ឈិមវ័យ ដើម្បីសិក្សាអំពីការបង្រៀនរបស់ព្រះយេស៊ូវជាមួយគ្នា ។
យើងបម្រើដល់មនុស្សដទៃ
គម្រោងបម្រើគឺជាធាតុផ្សំដ៏ទៀងទាត់មួយនៃសកម្មភាពសាសនាចក្រ និងជារបៀបដ៏សំខាន់មួយ ដែលយើងគោរពតាមបទបញ្ញត្តិរបស់ព្រះឲ្យស្រឡាញ់អ្នកជិតខាងរបស់យើង ។
យើងកសាងចំណងមិត្តភាព
ក្រុមជំនុំរបស់យើងគឺជាផ្នែកមួយនៃស្រុកភូមិដែលយើងរស់នៅ ហើយយើងខិតខំដើម្បីធ្វើជាអ្នកជិតខាងល្អ និងមិត្តល្អ ។ សកម្មភាពសង្គមគឺជាផ្នែកដ៏សប្បាយរីករាយ និងសំខាន់មួយនៃការស្ថាបនាសហគមន៍សាសនាចក្រ ។
យើងពង្រឹងក្រុមគ្រួសារ
ចំណងគ្រួសារដ៏រឹងមាំធ្វើឲ្យជីវិតនេះមានអំណរ និងជួយយើងឲ្យកសាងពិភពលោកមួយបែបដែលយើងចង់បាន ។ បទពិសោធន៍ និងការបម្រើនានានៅក្នុងសាសនាចក្ររបស់យើងគាំទ្រដល់ទំនាក់ទំនងគ្រួសារដ៏កាន់តែជ្រាលជ្រៅ និងកាន់តែពេញដោយសេចក្ដីស្រឡាញ់ ។
យើងក្លាយកាន់តែប្រសើរឡើង
ការក្លាយជាប្រភេទមនុស្សដែលយើងសង្ឃឹមថានឹងក្លាយជា គឺជាផ្នែកដ៏សំខាន់មួយនៃជីវិតសាសនាចក្ររបស់យើង ។ កម្មវិធីទាំងឡាយក្នុងសាសនាចក្រជួយមនុស្សឲ្យរៀនសូត្រ និងរីកចម្រើន ទាំងខាងវិញ្ញាណ និងតាមរបៀបជាក់ស្តែងជាច្រើនតាមរយៈដំណឹងល្អរបស់ព្រះយេស៊ូវគ្រីស្ទ ។
ស្វែងរកសាសនាចក្ររបស់យើងដែលនៅក្បែរលោកអ្នក
តើចង់ឃើញរបៀបដែលសហគមន៍សាសនាចក្រដ៏គាំទ្រមួយ អាចផ្ដល់ប្រយោជន៍ដល់អ្នកដែរទេ ? សូមមក ហើយមើលដោយខ្លួនអ្នកផ្ទាល់ តាមរយៈការមកចូលរួមក្រុមជំនុំក្នុងមូលដ្ឋានមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
ស្វែងរកសាសនាចក្ររបស់យើងដែលនៅក្បែរលោកអ្នកថ្នាក់ដឹកនាំសាសនាចក្រ
យើងជឿលើព្យាការី និងពួកសាវក
ដោយធ្វើតាមលំនាំដូចគ្នាដែលព្រះយេស៊ូវគ្រីស្ទបានបង្កើតឡើង ដើម្បីដឹកនាំប្រជារាស្ត្ររបស់ទ្រង់នៅសម័យព្រះគម្ពីរប៊ីប នោះសាសនាចក្រត្រូវបានដឹកនាំដោយព្យាការីម្នាក់ និងពួកសាវកនៅសព្វថ្ងៃនេះ ។ ថ្នាក់ដឹកនាំទាំងនេះបម្រើ និងធ្វើការក្រោមការណែនាំដ៏បំផុសគំនិតរបស់ទ្រង់ ។ អ្នកអាចរៀនបន្ថែមទៀតអំពីពួកលោក នៅទីនេះ ។
ថ្នាក់ដឹកនាំមកពីជុំវិញពិភពលោក
បុរស និងស្ត្រីមកពីគ្រប់វិស័យក្នុងជីវិត ជួយដឹកនាំកិច្ចការរបស់សាសនាចក្រនៅកម្រិតទូទាំងពិភពលោក និងកម្រិតតំបន់ ។ ឧទាហរណ៍មួយនៃការណ៍នេះគឺស្ត្រីដែលដឹកនាំ សមាគមសង្គ្រោះ ។
ថ្នាក់ដឹកនាំក្នុងមូលដ្ឋានគឺជាមនុស្សប្រចាំថ្ងៃ
ជំនួសឲ្យបព្វជិតដែលមានប្រាក់ខែធ្វើការពេញម៉ោង ក្រុមជំនុំតាមមូលដ្ឋានត្រូវបានដឹកនាំដោយសមាជិកសាសនាចក្រ ដែលស្ម័គ្រចិត្តចំណាយពេលវេលារបស់ពួកគេ ។ សមាជិកសាសនាចក្រប្រចាំថ្ងៃដទៃទៀតគាំទ្រដល់ពួកគេ ដែលជួយក្នុងគ្រប់អ្វីៗទាំងអស់ ចាប់តាំងពីការបង្រៀនថ្នាក់សាលាថ្ងៃអាទិត្យ រហូតដល់ការសម្អាតអគារព្រះវិហារជាដើម ។
យើងបង្រៀនគ្នាទៅវិញទៅមក
នៅពេលអ្នកមកទស្សនាក្រុមជំនុំរបស់យើង អ្នកនឹងកត់សម្គាល់ឃើញថា យើងបង្រៀនគ្នាទៅវិញទៅមក ហើយរៀនជាមួយគ្នាចេញពីព្រះគម្ពីរ ។ យើងជឿថា មនុស្សគ្រប់គ្នាមានអ្វីមួយដែលមានតម្លៃដើម្បីចូលរួមចំណែក ដូច្នេះហើយថ្នាក់ដឹកនាំសុំមនុស្សខុសៗគ្នាជាច្រើនឲ្យឡើងចែកចាយនៅលើវេទិកា អធិស្ឋាន និងបង្រៀនថ្នាក់រៀនផ្សេងៗ ។
ទទួលបានការណែនាំផ្ទាល់ខ្លួន
ប្រសិនបើអ្នកចាប់អារម្មណ៍ចង់ទៅទស្សនាក្រុមជំនុំក្នុងមូលដ្ឋានរបស់អ្នក យើងចង់ឲ្យអ្នកមានផាសុកភាពតាមដែលអាចធ្វើទៅបាន ។ ពួកអ្នកផ្សព្វផ្សាយសាសនាក្នុងមូលដា្ឋនអាចជួបជាមួយអ្នកជាមុន ដើម្បីឲ្យអ្នកដឹងពីអ្វីដែលត្រូវរំពឹងទុក ឆ្លើយសំណួររបស់អ្នក ហើយថែមទាំងរក្សាទុកកន្លែងអង្គុយមួយឲ្យអ្នកផងដែរ នៅពេលអ្នកត្រៀមខ្លួនជាស្រេចដើម្បីមកចូលរួម ។
និយាយជាមួយពួកអ្នកផ្សព្វផ្សាយសាសនាអំពីសាសនាចក្របំផុសគំនិតប្រអប់សាររបស់អ្នក
ទទួលបានវីដេអូ និងអត្ថបទដែលលើកស្ទួយ ព្រមទាំងអ្វីជាច្រើនទៀតនៅក្នុងអ៊ីមែលប្រចាំសប្តាហ៍ ។