ខិតកាន់តែជិតព្រះ ។ ជួបជាមួយពួកអ្នកផ្សព្វផ្សាយសាសនាតាមអនឡាញ ឬដោយផ្ទាល់ ។

ពួកអ្នកផ្សព្វផ្សាយសាសនាគឺជាអ្នកស្ម័គ្រចិត្ត ដែលបានលះបង់ពេលវេលានៅក្នុងជីវិតធម្មតារបស់ខ្លួនរហូតដល់ពីរឆ្នាំ ដើម្បីជួយអ្នកដទៃឲ្យខិតទៅជិតព្រះយេស៊ូវគ្រីស្ទ ។ មុននឹងចាកចេញទៅបំពេញបេសកកម្ម ពួកគេគឺជាសិស្ស និយោជិត អត្តពលិក អ្នកចូលចិត្តសៀវភៅ តន្រ្តីករ មែនហើយ អ្នកយល់ដឹងពីពួកគេខ្លះហើយ ។ បន្ទាប់ពីការបម្រើរបស់ពួកគេ ពួកគេនឹងត្រឡប់ទៅផ្ទះវិញដើម្បីបញ្ចប់មហាវិទ្យាល័យ ធ្វើការ រកដៃគូ និងរៀបការ ហើយរស់នៅក្នុងជីវិតធម្មតា ។

ពួកគេមកពីជុំវិញពិភពលោក ។ វាមិនមែនជារឿងចម្លែកទេ ដែលពួកអ្នកផ្សព្វផ្សាយសាសនាបម្រើក្នុងប្រទេសមួយ ហើយនិយាយភាសាផ្សេងក្រៅពីភាសារបស់ពួកគេ ។ ពួកអ្នកផ្សព្វផ្សាយសាសនាទាំងនោះជាយុវមជ្ឈិមវ័យ ឬគូស្វាមីភរិយា ឬបម្រើតែឯងក្នុងវ័យដែលពួកគេចូលនិវត្តន៍ ។ មិនថាពួកគេមានអាយុប៉ុន្មានទេ ទឹកចិត្តរបស់ពួកគេគឺស្មោះសរ—ពួកគេចាកចេញពីផ្ទះ និងក្រុមគ្រួសាររបស់ពួកគេអស់រយៈពេលមួយរយៈ ដើម្បីធ្វើអ្វីដែលព្រះយេស៊ូវបានបង្រៀនពួកសាវករបស់ទ្រង់ ៖« ចូរអ្នករាល់គ្នាទៅពេញសព្វក្នុងលោកីយ៍ទាំងមូល ហើយផ្សាយដំណឹងល្អទូទៅដល់គ្រប់មនុស្សទាំងអស់ចុះ »( ម៉ាកុស ១៦:១៥ ) ។

អត់ទេ ។ ដំណឹងល្អនៃព្រះយេស៊ូវគ្រីស្ទគឺសម្រាប់មនុស្សគ្រប់គ្នា ។ ទ្រង់អញ្ជើញមនុស្សគ្រប់រូប ឲ្យមករកទ្រង់ « ឥតបង់លុយ ឥតគិតថ្លៃទេ » ( អេសាយ ៥៥:១ ) ។ តាមពិតទៅ ពួកអ្នកផ្សព្វផ្សាយសាសនាបង់ថ្លៃដើម្បីមកជួបអ្នក ពួកគេបានចំណាយប្រាក់ផ្ទាល់ខ្លួនដើម្បីចេញបេសកកម្ម ។ ថ្នាក់ដឹកនាំសាសនាចក្រក្នុងមូលដ្ឋាន និងគ្រូបង្រៀនតាមថ្នាក់ទាំងឡាយក៏មិនទទួលបានប្រាក់កម្រៃដែរ ។

ពេលវេលានៃការថ្វាយបង្គំក្នុងសាសនាចក្រមានភាពខុសគ្នាពីក្រុមជំនុំមួយទៅក្រុមជំនុំមួយ ។ ទោះជាយ៉ាងណាក៏ដោយ អ្នកតែងតែអាចពឹងផ្អែកលើកម្មវិធីថ្វាយបង្គំដ៏សំខាន់មួយសម្រាប់មនុស្សគ្រប់គ្នា បន្ទាប់មកបែងចែកទៅតាមថ្នាក់រៀនសម្រាប់កុមារ យុវវ័យ និងមជ្ឈិមវ័យ ។

កម្មវិធីសម្រាប់មនុស្សគ្រប់គ្នាត្រូវបានគេហៅថា « ការប្រជុំសាក្រាម៉ង់ » ។ ការប្រជុំនេះរួមមាន ចម្រៀង ការអធិដ្ឋាន និងទេសនកថា ( ឬ « សុន្ទរកថា » ) ដែលបានផ្ដល់ដោយសមាជិកផ្សេងៗនៃក្រុមជំនុំជារៀងរាល់សប្តាហ៍ ។ ប៉ុន្តែផ្នែកដ៏សំខាន់បំផុតនៃកិច្ចប្រជុំ គឺនៅពេលយើងទទួលទានសាក្រាម៉ង់ ( ដែលស្រដៀងគ្នាទៅនឹងពិធីលៀងព្រះអម្ចាស់ ) ដើម្បីរំឮកចងចាំព្រះអង្គសង្រ្គោះ ។