සභාවේදී අපේක්ෂා කළ යුතු දේවල්
අපගේ සභාව යනු ඔබට ආවර්ජනය කිරීමට, නමස්කාර කිරීමට, ඉගෙනීමට සහ වඩා හොඳ පුද්ගලයෙකු වීමට වෙනත් ඇදහිලිවන්තයන් සමඟ එකට එක් විය හැකි ස්ථානයකි.
අමුත්තන්ව සැමවිටම සාදරයෙන් පිළිගනිමු
අපගේ සියලු ගොඩනැඟිලි මත “අමුත්තන් සාදරයෙන් පිළිගනිමු” යනුවෙන් සඳහන් කර තියෙනවා—අපි එය සැබැවින්ම අදහස් කරනවා! ඔබ යේසුස් ක්රිස්තුස්වහන්සේගේ පසුදවස්වල ශුද්ධවන්තයන්ගෙන් යුත් සභාවේ සාමාජිකයෙකු වීමට කැමති වුවත්, මිතුරෙකු සමඟ බැහැදැකීමක් හෝ කුඩා කුතුහලයක් ඇති වීම නිසා වුවත්, අපි ඔබව දැකීමට සතුටු වෙමු.ඉරිදා මෙහෙයන් වලින් බලාපොරොත්තු විය යුතු දේවල්
සභාව යනු ප්රජාවේ සහ ඉගෙනීමේ ස්ථානයකි, නමුත් වඩාත්ම වැදගත් දෙය නම් එය දෙවියන්වහන්සේට සහ යේසුස් ක්රිස්තුස්වහන්සේට නමස්කාර කරන ස්ථානයකි. ලොව පුරා සිටින 30,000ක් වන අපගේ සියලුම සමූහයන්, ඉරිදා මෙහෙය සඳහා පැය දෙකක සමාන ආකෘතියක් අනුගමනය කරයි:සක්රමේන්තු රැස්වීම
අපි “සක්රමේන්තු රැස්වීම” ලෙස හඳුන්වන කාලය තුළ සභාවේ සියලුම සාමාජිකයන් එකට එක්ව රැස් වෙයි. රැස්වීමට ආරම්භක සහ අවසාන යාච්ඤාව, ගීතිකා කිහිපයක් සහ සෙසු සභාවේ සාමාජිකයන් විසින් කරන ලද දේශන ඇතුළත් වේ.සක්රමේන්තු රැස්වීමේ වැදගත්ම කොටස වන්නේ සක්රමේන්තුව ගැනීමයි, එය අනෙකුත් ක්රිස්තියානි ආගම්වල සත්ප්රසාදයට සමාන වේ. සක්රමේන්තුව අතරතුර, අපි යේසුස් ක්රිස්තුස්වහන්සේ අපි වෙනුවෙන් පරිත්යාග කළ ශරීරය සහ රුධිරය සංකේතවත් කරන කුඩා පාන් කැබැල්ලක් සහ වතුර කෝප්පයක් ගන්නා විට අපි උන්වහන්සේව සිහිපත් කරන්නෙමු. මෙම නිස්කලංක කාලය තුළ, ඉදිරි සතිය තුළ අපට වඩාත් ඇදහිලිවන්තව උන්වහන්සේව අනුගමනය කළ හැකි ක්රම ගැන සිතීමට අපි උත්සාහ කරන්නෙමු.
අමුත්තෙකු ලෙස, ඔබට අපහසුතාවයක් දැනෙන කිසිම දෙයකට ඔබ සහභාගී විය යුතුයි කියා අපි බලාපොරොත්තු වන්නේ නැත. සරලවම සභාවේ වාඩි වී, නිදහසේ මෙම අත්දැකීම ලබාගන්න.
පන්ති
සක්රමේන්තු රැස්වීමට අමතරව, කුඩා පසුබිමක සිදුවන ඉගෙනීමේ දෙවන පැයක් සඳහා රැඳී සිටීමට පුද්ගලයින්ට ආරාධනා කෙරේ.ළමයින් ප්රාථමික අධ්යාපනයට යන අතර එහිදී ඔවුන් යේසුස්වහන්සේ සහ උන්වහන්සේගේ ශුභාරංචිය පිළිබඳ ශුද්ධලියවිලි කථා, ගීත සහ වයසට ගැළපෙන පාඩම් ඉගෙන ගනී. යෞවනයන් ඔවුන්ගේම වයස් කාණ්ඩ සඳහා ඒ හා සමානම පන්තිවලට සහභාගී වේ.
ඉරිදා දිනවල මාරුවෙන් මාරුවට, වැඩිහිටියන් එකට එක්ව ඉරිදා පාසලට පැමිණ, එම වසරේ සභාව පුරා අධ්යයනය සඳහා තෝරාගත් ශුද්ධලියවිලි පොත් අධ්යයනය කරයි. අනෙක් සතිවලදී, ඔවුන් පිරිමින් සඳහා (වැඩිහිටි ගණපූරණය ලෙස හැඳින්වෙන) සහ කාන්තාවන් සඳහා (සහන සමිතිය ලෙස හැඳින්වෙන) වෙනම පන්තිවලට වෙන්ව යයි.
ඔබට යා යුත්තේ කොතැනටදැයි විශ්වාස නැතිනම්, අසන්න, නිවැරදි පන්තිය සොයා ගැනීමට යම් කෙනෙකු ඔබට උපකාර කරනු ඇත.
සභාවේ වෙනත් ක්රියාකාරකම්
ඔබ අප සමඟ ඉරිදා නමස්කාර මෙහෙයකට සහභාගී වන්නේ නම් හෝ අපගේ සභාවේ සාමාජිකයෙකු වන මිතුරෙකු ඔබට සිටී නම්, ඔබේ දේශීය සභාවේ සිදුවන වෙනත් ක්රියාකාරකම් වලින් එකකට ඔබට ආරාධනා ලැබිය හැකිය. උදාහරණ කිහිපයක් වන්නේ:- නත්තල් සාදයක් වැනි සමාජ ක්රියාකාරකම්.
- සතිපතා යෞවන කණ්ඩායම් ක්රියාකාරකම්.
- තරුණ වැඩිහිටියන්ට ශුද්ධලියවිලි අධ්යයනය කිරීමට සහ එකට එක්ව සමාජගත වීමට ආගමික අධ්යාපන ආයතන.
- ප්රජා සේවා ව්යාපෘති.
- ස්වාධීනත්ව පන්ති.
- ප්රසංග හෝ වෙනත් කලාත්මක ප්රසංග.
සුලබ ප්රශ්න
මම සභාවට ඇඳිය යුත්තේ කුමක්ද?
මම සභාවට ඇඳිය යුත්තේ කුමක්ද?
ඔබ සිටින ආකාරයටම පැමිණීමට, ඔබව සාදරයෙන් පිළිගනිමු. ඔබ කැපී පෙනෙනු ඇතැයි ඔබ කනස්සල්ලට පත්ව සිටී නම්, දෙවියන්වහන්සේ කෙරෙහි අපගේ ගෞරවය පිළිබිඹු කිරීම සඳහා සතියේ ඉතිරි කාලය තුළ අප අඳින ඇඳුම්වලට වඩා ලස්සන ඇඳුම් ඇඳීමට අපි උත්සාහ කරමු. සභාවේ ඔබ දකින වඩාත් සුලබ ඇඳුම වන්නේ පිරිමින් සඳහා කමිසයක් සහ ටයි පටියක් සහ කාන්තාවන් සඳහා සායක් හෝ ගවුමකි.
මම අමුත්තෙක් බව හැමෝම දැනගනීද?
මම අමුත්තෙක් බව හැමෝම දැනගනීද?
අපගේ සෑම සමූහයකම පාහේ අමුත්තන් සිටින නිසා අපි අලුත් මුහුණු දැකීමට පුරුදු වී සිටිමු. විශාල සමූහයක, ඔබ ආගන්තුකයෙකු බවවත් මිනිසුන්ට නොදැනෙන්නට පුළුවන. වෙනත් ප්රදේශවල, මිනිසුන් ඔබව දැක ඔබගෙන් කොහොමද කියා අසමින් ආචාරශීලී විය හැකිය. ඕනෑම ආකාරයකින්, ඔබව හඳුන්වා දීමට සහ ඔබට ඇති ඕනෑම ප්රශ්නයක් ඇසීමට පසුබට නොවන්න.
මට සහභාගී වීමට සිදුවේද?
මට සහභාගී වීමට සිදුවේද?
නෑ. සක්රමේන්තුවේ පාන් සහ ජලය සමූහයට දෙන විට, ඔබට එම බන්දේසිය ඊළඟ පුද්ගලයාට ලබා දී පසුව වාඩි වී මෙහෙයේ ඉතිරිය භුක්ති විඳිය හැකිය. ඉරිදා පාසල අතරතුර ගුරුවරයෙකුගේ ප්රශ්නයකට පිළිතුරු දීම වැනි වෙනත් ක්රමවලට සහභාගී වීමට ස්වේච්ඡාවෙන් ඉදිරිපත් වන පුද්ගලයින්ව ඔබ දකිනු ඇත, නමුත් ඔබට එය කිරීමට අවශ්ය නොවේ නම් ඔබ අත ඔසවන්නට අවශ්ය නැත.
මගෙන් මුදල් පරිත්යාග කිරීමට ඉල්ලයිද?
මගෙන් මුදල් පරිත්යාග කිරීමට ඉල්ලයිද?
නෑ. අපි බයිබලයේ තිබෙන දසයෙන් කොටසේ නීතිය විශ්වාස කරන්නෙමු. නමුත් දසයෙන් කොටස ගෙවීමට තෝරා ගන්නා අපගේ සාමාජිකයන් එය කරන්නේ නමස්කාර මෙහෙයේ කොටසක් ලෙස නොව පෞද්ගලිකව ය. රැස්වීමක් අතරතුර ඔබෙන් පරිත්යාග ඉල්ලා සිටින්නේ නැත.
මට මගේ දරුවන්ව රැගෙන ඒමට හැකිද?
මට මගේ දරුවන්ව රැගෙන ඒමට හැකිද?
ඔව්! මෙය පවුල් හිතකාමී සභාවකි. ප්රධාන සක්රමේන්තු රැස්වීමේදී ළමයින් තම දෙමාපියන් සමඟ වාඩි වී පසුව ඔවුන්ගේම වයසේ දරුවන් හෝ යෞවනයන් සමඟ ක්රියාකාරකම්වලට සහභාගී වෙන අතර වැඩිහිටියන් ඉරිදා පාසලට යති. ළමුන්ගේ සහ යෞවනයන්ගේ පන්ති සෑම විටම වැඩිහිටියන් දෙදෙනෙකු හෝ වැඩි ගණනක් විසින් මෙහෙයවනු ලැබේ. මව්වරුන් සඳහා ඇති විවේකාගාරය ළදරුවන්ට පෝෂණය කිරීම හෝ වෙනත් අවශ්යතා සඳහා පෞද්ගලිකත්වය සපයයි.
සභාවට යාමට අවශ්ය නමුත් තනිව යාමට නොහැකිද?
ඔබේ ප්රදේශයේ ධර්මදූතයින් ලෙස ස්වේච්ඡාවෙන් ඉදිරිපත් වන අපගේ සභාවේ සාමාජිකයින්ට ඔබ අපේක්ෂා කළ යුතු දේ දැන ගැනීමට සහ ඔබේ ප්රශ්නවලට පිළිතුරු දීමට ඔබව කලින්ම බැහැ දැකිය හැකිය. ඔබ පැමිණීමට සූදානම් නම් ඔවුන්ට ඔබට ආසනයක් පවා වෙන් කර තැබීමට හැකිය.
අපගේ සභා ප්රජාව ගැන තවත් දැනගන්න
යේසුස් ක්රිස්තුස්වහන්සේගේ පසුදවස්වල ශුද්ධවන්තයන්ගෙන් යුත් සභාව වඩා හොඳින් දැන හඳුනා ගන්න, සහ අපගේ සභාවට ප්රජාව පිළිබඳ මෙම විද්යුත් තැපැල් මාලාව සමඟ ඔබට ලබා දිය හැක්කේ කුමක්දැයි බලන්න.