Milayi ya Ntempelo Idi Itusuika kudi Nzambi ne kudi Bana Betu

Both men and women walking outside the Accra Ghana Temple

Ntempelo Ntshinyi?

Ntempelo idi miaba ya tshijila ne mijidila. Tudi tuangata ntempelo bu nzubu ya Mukalenga Yezu Kilisto. Idi mishilangana ne bibambalu bietu bia ekelezia miaba itudi tuenzela bisangilu bia Dialumingu ne bibilu bikuabu. Ntempelo idi mijidila ku mudimu mutamba tshijila wa Nzambi.

Ntempelo idi miuwula ntenta ne bimanyishilu. Tshilejilu, aba badi babuela mu ntempelo badi bavuala bilamba bitoka bua tshimanyishilu tshia bupeluka ne dipetangana dimua kumpala kua Nzambi. Ntempelo idi tshisokomenu tshia tshijila ne tshia ditalala tshidi balondi ba Yezu Kilisto mua kulamatangana nenda menamena.

Tshia mushinga mukola, ntempelo idi miaba itudi mua kuenza bipungidi bia tshijila ne Nzambi.

An exterior image of the Helena Montana Temple. The image is taken in the evening.

Tshipungidi Ntshinyi?

Tudi mua kukolesha malanda etu ne Nzambi ne kupeta mabenesha enda masunguluka kupitshila ku bipungidi. Tshipungidi tshidi mulayi wa tshijila pankatshi pa Nzambi ne bana benda. Nzambi udi uteka mikenji ya tshipungidi ne udi utupesha disungula bua tuetu kuyitaba.
Tuangata ditambula bu tshilejilu.

Jesus Christ is baptized in the River Jordan by John the Baptist. An angel shows this experience to Nephi after he inquires about Lehi's vision.

Diba dia ditambula dietu, tudi tulaya Nzambi ne netumusadila, netulama mikenji yenda, ne netuangata dîna dia Yezu Kilisto. Tuetu mua kuenza bintu ebi, Nzambi udi utulaya bua kutufuila lusa ku mibi yetu, bua kutubenesha ne Nyuma wenda wa Tshijila, ne kutupesha moyo wa tshiendelela ku mesu kuenda.

Tudi tuenzulula bipungidi bitudi benza ku ditambula patudi tuangata biakudia bia tshijila, bidi bibikidibua kabidi nkomunyo, dialumingu dionsu mu ekelezia. Biakudia bia Tshijila ebi bidi mudipetangana ne Biakudia bia Ndekelu bia dilolo bia Yezu bidiyi muleja kudi Bapostolo benda kumpala kua lufu luenda.

Panyima pa ditambula, bidimba bikulumpa bia Ekelezia wa Yezu Kilisto wa Bansantu ba Matuku a Ndekelu bidi mua kuenza bipungidi bia nsakidilu ne Nzambi mu ntempelo. Bipungidi ebi ne milayi bidi bikankamika malanda etu nenda ne bitutuadila mabenesha manena.

Tudi Tuenza Bipungidi mu Ntempelo

Diambika

Muaku diambika  udi umvuija “dipa.” Diba dia diambika mu ntempelo, bidimba bikulumpa bia Ekelezia bidi bienza bipungidi bia mitshipu, bu mudi milayi ya kutumikila mikenji ya Nzambi ne kujidila diba ne bipedi biabu ku mudimu wa Mukalenga. Panyima, bidimba bidi bipeta mabenesha bu mudi dimanya dilelela dia dilongolola dia Nzambi, bukola bunena bua kulonda tshilejilu tshia Kilisto, ne mushindu wa kusomba ne Nzambi bua kashidi.

Disuikibua

Dimua dia ku masanka a lumu luimpa lua Yezu Kilisto didi mulayi wa malanda a dîku adi mua kutunguluka panyima pa moyo ewu wa tshifuaka. Mu ntempelo, mêku adi mua kulamakana anyi “kusuikibua” pamua bua tshiendelela.

Diba dia mushînga wa disuika dibaka, muluma ne mukaji badi batua binu ku tshioshelu bua kuenza bipungidi umua ne munga ne Nzambi. Badi balaya bua kunemeka ne banangangana mu bujima ne bapangadika bua kulonda malongesha ne tshilejilu tshia Yezu Kilisto. Pashisha, badi balayibua ne dibaka diabu ne dîku nebikalaku mu moyo walua ne bua tshiendelela.

Young couple stands outside the Ogden Utah Temple. They are looking out at the temple in the background with the Angel Moroni being almost top center of the image. He is wearing a dark blue suit with white collared shirt. She is in a white dress. It is late afternoon/early evening.

Mudimu wa dienzela bankambua bafua

Tudi tuitaba Nzambi wa bululama ne muena lusa udi kayi ubengela yonsu wa ku bana benda mabenesha a tshiendelela bua malu adibu kabayi bakenketa.

Mu ntempelo, tudi tukumbaja ditambula, dijadika, ne disuika mu dîna dia bankambua bavua kabayi ne mushindu wa kupeta milulu eyi kumpala kua bobu kufua. Mu mudimu ewu, muntu udi ne moyo udi wenza bu muimanyinyi anyi muenzedianganyi mu dîna dia ewu ukadi mufua.

Mishînga eyi ya tshijila idi ikumbajibua amu mu ntempelo. Tudi tuitaba ne bankambua betu badi mua kusungula bua kuitaba anyi kubenga mulambu ewu muenza mu dinanga buabu.

Nkonku ya Tshibidilu

Mushindu kayi udi ntempelo mushilangana ne bibambalu bia ekelezia bikuabu?

Bibambalu bia Ekelezia bidiku bua bisangilu bikuabu bia Dialumingu, bibilulu bia bansonga bia matuku a mu lumingu, masangisha a bantu ne mpungilu mikuabu ya mu musoku. Kadi ntempelo idi mijidila amu bua midimu ne mishînga ya tshijila.
Udi mua kumanyina ntempelo ku miaku “Nzubu wa Mukalenga” ku nzubu kadi ku shapela netuikala ne miaku “Difika Dilenga kudi Benyi” ne “Ekelezia wa Yezu Kilisto wa Bansantu ba Matuku a Ndekelu” pambelu.
Pikala diyukilangana dia bisumbu ne ditanta dia misoku bikala ne muaba munena mu shapela, mu ntempelo mudi ne kanemu ka pabuaku. Mu ntempelo, bantu mbapuwa ne babandila bua kulama kanemu bua Mukalenga.

Ndi mua kubuela munda mua ntempelo anyi?

Udi mua kubuela misangu mikuabu munda mua ntempelo! Padi ntempelo mibakibua bua musangu wa kumpala anyi bayakajilula, badi bunzulula bibi bua bantu bonsu. Kabidi, ntempelo ya bungi idi ne centre wa benyi, muaba wa kuindila, bipapu bilekelela bua bantu bonsu.

Padi kuibaka kua ntempelo kujika, badi bamujidila bua dikukuila dia tshijila. Bualu bua luidi lua mudimu udi wenza mu ntempelo, udi anu munzulula bua bidimba bia Ekelezia wa Yezu Kilisto wa Bansantu ba Matuku a Ndekelu bidi bidilongolola nkayabi bua dimanya edi.

Pawudi kuyi muanji kukumbana bua kubuela mu ntempelo mpindiewu, bana bonsu ba Nzambi mbabikidibua bua kulonga bia bungi pa lumu luimpa lua Yezu Kilisto ne kubuela mu malanda a tshipungidi adi ne bua kubanyishila bua kudina mu mabenesha a ntempelo.

Dibaka dia mu ntempelo didi mushindu kayi?

Mu tshipolu tshipi, mushînga mupepela, muluma ne mukaji bqdi basangisha bianza pa tshioshelu. Badi benza tshipungidi ne Nzambi ne nebanemeka ne nebanangangana mu bujima ne bapangadika bua kulonda malongesha ne tshilejilu bia Mupandishi. Pashisha, badi balayibua ne dibaka diabu ne dîku nebikalaku bua kashidi.

Baluma ne bakaji badi baselangana mu ntempelo batu basekelela ne dîku ne balunda ne benza difesto dia dibaka anyi bilela bikuabu bia mêku. Baluma ne bakaji bakadi benza kumpala mushînga wa ku mbulamatadi pambelu pa ntempelo (bumudi aba badi babuela mu Ekelezia panyima pa bakavua basedibua) badi mua kupeta dimanya dia mabenesha a kuikala basuikibua mu ntempelo.

Dîku Dieba Didi Mua Kuikala Pamua Bua Kashidi

Bamissionaire badi mua kukulongesha bia bungi pa mushindu udi mabenesha a ditambula ne bipungidi bia mu ntempelo—bu mudi mulayi wa dîku dia tshiendelela—bidi mua kuikala tshitupa tshia moyo weba.

Lomba Dikumbula

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

A family enjoys their time together as they walk down a sidewalk.

Mêku Adi Mua Kuikala Pamua Bua Kashidi

Malanda a dîku awudi wenza pa buloba ebu, adi mua kuya too ne diamuamua dia lufu. Kukolesha malanda eba ne Nzambi kudi mua kulombola ku malanda makola ne dîku dieba.

Joseph Smith, Jr. kneeling in the Sacred Grove during the First Vision. There are shafts of light shining down on Joseph.

Ekelezia wa Yezu Kilisto Mmupingulujibua

Muntu yonsu udi mua kusanka bua mabenesha a Ekelezia wa Yezu Kilisto pa buloba lelu.

Missionaries helping distribute food during a service project in Hong Kong.

Yezu Kilisto Wakatulongesha bua Tunangangana Umua ne Umua

Yezu Kilisto udi tshilejelu tshiakana tshia dinanga. Kumulonda kudi kunanga Nzambi ne kusadila badi bakunyunguluka.