Te booma ae boou ni Baire ibukin te Riki n Toronibwai ao ana Kairi te Bitiobi nakon te Baire n Riki n Toronibwai e onea mwiin te booma ae boou iaon Kabwarabwaran Kainnano ao Bwaai n Ibuobuoki ao Raon Kabwarabwaraan Kainnano ao Bwaai n Ibuoboki. Te booma ae boou e baireaki bwa e na buokia bitiobi ao beretitenti ni mwaanga n ae nakoraoi riki ni buokiia naake a karekea te ibuobuoki iaon te warebea ao ni kairiia iaon kawain te riki n toronibwai.
Ana Kairi te Bitiobi iaon te Baire n Riki n Toronibwai. Bitiobi ao beretitenti ni mwaanga a na kabongana te booma aei ao n tau mwiin ibuobuoki n te warebea iaon aia baire membwa n te riki n toronibwai.
Baire n te Riki n Toronibwai. Membwa a kabongana te booma aei ibon irouia ke ma ana ibuobuoki te tia ibuobuoki. Te booma e na buokiia membwa ni karekei aia kareke mwane ni buoka kainnanoia, booia, ao kabanemwane, atai bwaai n ibuobuoki aika a tauraoi ake a kona n anga ni kabooa mwiin te ibuobuoki are a karekea; ao ni karikirakea oin aia babaire ibukin karakaan riki te toronibwai.
Membwa ake a kainnano a kona n ataaki man aia mwakuri n ibuobuoki taari ao tititati, membwa ake tabeman n te Ekaretia ke taan kairiiri, ke iroun te bitiobi. A kona naba ni kawara te bitiobi bwa e na buokiia.
Te bitiobi e kaitibo ma membwa ake iai kainnaoia ni maroroakin kakaewenako ake a kaitarai teuanne ke neienne. Te bitiobi e kona ngkanne ni kaoia taan kairiiri ke taan ibuobuoki tabeman ni buokiia membwa ni katia te booma ibukin te Baire n te Riki n Toronibwai. Man rinanoan te baire aei, te bitiobi e kona n ota raoi n aron katauraoan te ibuobuoki n te warebea ae nakoraoi. Te bitiobi ke te tia kairiiri are e katabeaki e na roroko n tainako nakoia membwa ni maroroakin riki kainnano, tabeaianga, ao rikirake ake a karaoaki iaon te baire.
