E kona ni kakabwaiaa maium ana euangkerio Iesu Kristo

Eng! Ngkai ngaira kaain Ana Ekaretia Iesu Kristo ibukiia Aika Itiaki ni Boong aika Kaitira, ti kakoaua bwa Iesu Kristo bon natin te Atua ao te Tia Kamaiua te Aonaaba. E tangiriira ni kabane nakon are ti kona ni iangoia. Ti araniira ngaira bwa taan iriira Iesu aika a kakaonimaki. Ngkai a rianako ara koaua tabeua, ti kakoaua bwa rinanon Maiuna, Ana mwakuri, anga karea, ao manga utina, e kamaiura Iesu Kristo man te bure, te korakai, ao te mate.

Reiakina riki taekan ara koaua.

A kakaokoro tain waakin bootaki n taromauri n te bootaki n taromauri teuana ma teuana. Ma e ngae n anne, ko kona n bon kaea teuana te botaki n nebonebo are bon ibukira ni kabane, n rimwiiaki ma taian kiraati ibukiia ataei, kairake, ao ikawai.

Te bootaki ibukiia te koraki ni kabane e aranaki bwa “te bootaki n toa.” Kanoan te bootaki aio bon taian anene, tataro, ao kabwarabwara (ke “marooro”) mai irouia tabeman kain te taromauri ni katoa wiiki. Ma te bwai ae kakawaki riki n tain te taromauri bon te tai are ti kana iai rabwatan te Tia Kamaiu (are bon titebo ma katabuan te kariki ao te ran) ni kauringa te Tia Kamaiu.

Reiakina ae bati riki n taekan Bootaki n Taromauri ke kakaea te autinibootaki ae ko uakaan ma ngaia.

Irouia Aika Itiaki ni Boong aika Kaitira, e kaokoro te tembora man ana kateitei ake tabeua te Ekaretia. Te tembora bon te tabo ae tabu ike a konaa ni karekeai iai kaetieti aika a onoti Aomata aika Itiaki ni Boong aika Kaitira ibukin te Atua ao Iesu Kristo. I nanon te tembora, a karaoi berita aika a tabu aika akea tokiia kaain te Ekaretia (ke berita) ma te Atua. Aio ni ikotaki ma berita ni kawakin taian tua, maiuakinan ana euangkerio Iesu Kristo, te kakaonimaki n te mare, ao n ibuobuoki n tararua i marenaia man tibwaakin bwaai ake iai iroura.

Irarikin anne, ibukina bwa ti kakoaua bwa akea tokin te utu, angiin mwakuri ake a karaoaki i nanon tembora bon karikan te tangira n te utu bwa e na matoatoa riki. A karaoaki maare i nanon tembora bwa a na akea tokiia, tiaki ti “ni karokoa e karaurenakoi ngkami te mate.” A riki kaaro ma natiia bwa utu aika akea tokiia n te tembora. A kona naba ni karekei kakabwaia man te tembora bakatibu ngkana temanna e karaoa te otenanti ae tabu ibukiia ao a butimwaea karaoan te mwakuri anne. Tembora bon taabo aika a rawata mwakuri inanona!

Ana Boki Moomon bon te boki ae kairaki koreana mai karawa ae e reireiniira taekan te Atua ao Iesu Kristo. E buokiira ni karekea te kairi ibukin maiura ao e kona ni buokiira n namakina kaaniakira ma Iesu Kristo. E reke mai iaa te ara anne? Bubua te ririki n nako, e ikoikoti aia reekoti ana botanaomata te burabeti ae arana Moomon. A kaitara ma kangaanga ae titebo ma aika ti aitara naba ma ngaia ni boong aikai. Ao n ai arora naba, a karekea te korakora ngke a rairaki nakon Iesu Kristo. Karekea kabwarabwaraan ana Boki Moomon irouia mitinare.

E tei Ana Boki Moomon irarikin te Baibara bwa kakoauan taekan Iesu Kristo ao katabeana mai karawa bwa te Tia kamaiu ao te Tia Kabooa te aonaaba. N ikotaki, te Baibara ao ana Boki Moomon a katauraoa te oota ae korakora riki iaon ana tangira ae korakora te Atua ibukira ni kabane ao ni buokiira n kaniira riki Nakoina. 

Reiakina riki taekana bwa a kanga ni kaai ni mwakuri te Baibara ao Ana Boki Moomon.

Eng. Te Baibara bon ana taeka te Atua, kanoan koroboki aika a tabu, ao e uota te kimwareirei nakoira ni maiura n iriirakin ana reirei nako. N te Baibara, ti na kunea naba te kairi mai ieta ni booki tabeua aika a tabu aika a kakaawaki nakon Ana Ekaretia Iesu Kristo ibukiia Aika Itiaki ni Boong aika Kaitira. A kaai n reireia nakoira kakaawakin koaua ibukin te Atua ao Iesu Kristo.

Reiakina riki taekan ara koaua i nanon te Baibara.