Семинарын төгсөлтийн зааварчилгаа

Төгсөлтийн кредит цуглуулах шаардлагуудыг сайтар тунгаасны дүнд боловсруулсан бөгөөд тэдгээр нь суралцагчдыг Аврагч Есүс Христэд илүү гүнзгий хөрвүүлэх юм.

Суралцагч бүрийн гэр бүлээсээ авдаг дэмжлэг, сайн мэдээний талаарх ойлголт, үүрэг амлалт ялгаатай түвшинд байдаг. Төгсөхөд тавигдах шаардлагууд нь суралцагчдад тухайн үеийн нөхцөл байдлуудад нь дэмжлэг үзүүлнэ.

Мөн тэдгээр нь хийх зүйлсийн жагсаалтаас илүүтэй зарчим, зорилгуудад төвлөрдөг. Зорилгодоо төвлөрөх нь суралцагчдыг Аврагчтай болон Түүний сайн мэдээтэй амьдралаа холбох зуршилтай болгоно. Тэдгээр зуршил нь суралцагчдад насан туршдаа “Түүнийг сонсоход” тусална.

“Бидний хийх бүх зүйл Есүс Христэд болон Түүний сэргээгдсэн сайн мэдээнд хөрвөх хөрвөлтийг гүнзгийрүүлдэг байх ёстой. Учир нь Тэр бол [суралцагчдын] бэрхшээл, асуултуудын хариулт юм” — Шашны институт ба семинарын захирал Чад Х.Вэбб, (“Сайн мэдээний элч” 2023 оны 1-р сар).

Суралцагчид семинарын шаардлагуудыг биелүүлснээр:

1. Улирал бүр судрын тодорхой хэсгүүдийг уншина.
2. Өөрөө хувиараа судар судлах зорилго тавьж, үйл явцаа хянана.
3. Бүлгийн суралцахуйн үнэлгээнд оролцоно.
4. Тухайн улиралд 75-аас доошгүй хувьтайгаар семинарт хамрагдана.

Семинарын кредит оноо цуглуулах шаардлагад орсон өөрчлөлтийн талаарх дэлгэрэнгүйг энд дарж уншина уу.

Семинарын багш суралцагчид болон эцэг эхчүүдтэй байнга холбоотой байх бөгөөд суралцагчдад кредит оноо цуглуулахад төдийгүй төгсөх бүх шаардлагыг хангахад манлайлан дэмжлэг үзүүлэх ёстой. Семинарын багш:

• Суралцагчдад гүйцэтгэлийн болон төгсөх шаардлагуудыг ойлгож байгаад мөн биелүүлэхэд тусална.
• Гүйцэтгэлийн болон төгсөх үйл явцын талаар семинарын суралцагчдын эцэг эх, асран хамгаалагчтай тогтмол харилцаатай байна.
• Орон нутгийн захиргаанаас үүрэг болгосны дагуу семинарын төгсөлтийн үйл ажиллагаанд оролцож, суралцагчдын амжилтыг сайшаан, тэднийг дэмжинэ.
• Хөтөлбөрт хамрагдсан суралцагчдад гүйцэтгэлийн болон төгсөх зорилгодоо хүрэхэд нь дэмжлэг үзүүлэхийн тулд семинарын удирдагчийн чиглүүлэг доор хөтөлбөрийн төгсөлтийн тайланг ашиглана. Дараах тайлангуудыг ашиглах боломжтой. Үүнд:
• Нөхөж гүйцэтгэх даалгаврын тайлан нь суралцагч бүрд шаардлагатай нөхөх даалгавруудын жагсаалтыг багтаадаг. Энэ тайланг үзэх холбоосыг WISE системээс авах боломжтой бөгөөд ‘Багшийн сонгосон үйлдэл’-ийг ашиглан багш мэдээллийг ангилах боломжтой.

Төлөвлөсөн төгсөлтийн болон Суралцагчийн явцын тайланг гүйцэтгэлийн үнэлгээнд мөн төгсөлтөд зориулан суралцагчийн ерөнхий явцыг хянахад ашиглаж болно. Эдгээр тайланг WISE системээс дараах алхмын дагуу үзэх боломжтой. Үүнд:

1. WISE2.ChurchofJesusChrist.org руу орох
2. Wise төгсөлтийн тайлангийн доор байрлах Захиргааны хэрэгслүүдийн хүссэн тайлан дээр дарах
3. Төгсөлт таб дээр дарах
4. Хөтөлбөрийн нөхөж гүйцэтгэх даалгаврын тайлан дээр дарах

Захиргааны туслах ажилтан нь багш нарт суралцагч бүрийн өсөлт хөгжлийг хянахад нь зориулан удирдагч эсвэл зохицуулагчтай зөвлөлдөн дэмжлэг үзүүлдэг. Мөн захиргааны туслах ажилтан нь хөтөлбөрт хамрагдсан болон харьяа гадас дахь төгсөхөөр төлөвлөж буй суралцагчдыг олж илрүүлэхэд дэмжлэг үзүүлдэг.

Хөтөлбөрийн болон гадасны төгсөлтийн тайланг PowerBI-аас авах боломжтой. Эдгээр тайлангийн холбоосыг Төгсөлтийн дэлгэцэн дээрх WISE цэсээс мөн авах боломжтой.

Семинарын хөтөлбөрийн тухайд

Багш нарт (мөн гадасны семинарын зохицуулагчдад) дэмжлэг үзүүлж, тэднийг Төлөвлөсөн төгсөлтийн болон Явцын тайлан (2-р хуудсыг үзнэ үү) гэсэн хөтөлбөрийн хоёр тайланг ашиглан суралцагчдын гүйцэтгэлийн болон төгсөлтийн явцын талаар мэдээлэлтэй байхад дэмжлэг үзүүлдэг. Багш нар суралцагчдын өсөлт хөгжлийг анхаарч байгаа эсэхэд удирдагч эсвэл зохицуулагчтай зөвлөлдөн хяналт тавьдаг.

Харьяа гадаснуудын тухайд

• Энэ хуудасны зүүн талд жагсаасан харьяа гадас бүрийн WISE цэсэд шинэ ёслол нэмдэг. Энэ нь зөвхөн захиргааны туслах ажилтан, удирдагч, зохицуулагчид харагдах мэдээллийг агуулдаг. Энэ даалгаврыг хичээлийн жилийн эхэнд эсвэл дараа нь хэдийд ч гүйцэтгэх боломжтой.
• Семинарын удирдагч эсвэл зохицуулагчтай зөвлөлдөн, гадасны төлөвлөсөн төгсөлтийн тайланг ашиглан, төгсөхөөр төлөвлөж буй болон тухайн жилийн хөтөлбөрийг гүйцээх гэж буй семинарын суралцагчдын жагсаалтыг харьяа гадас, тойргийн удирдагчдад илгээдэг. Семинарын төгсөлтийн үйл ажиллагаа болохоос дор хаяж зургаан долоо хоногийн өмнөөс уг жагсаалтыг харьяа гадас, тойргийн санваарын удирдагчид руу тогтмол илгээдэг. Эдгээр жагсаалт нь харьяа гадас, тойргийн удирдагчдад төгсөлтийн үйл ажиллагааг төлөвлөж, суралцагчдад батламж олгоход туслах зорилготой юм (Гадасны семинарын төгсөлтийн удирдамж дахь Семинарт зориулсан шашны удирдагчийн батламжийг үзнэ үү). Санваарын удирдагчид ИС-ын төлөөлөгчтэй батламж авсан болон аваагүй суралцагчдын талаар зөвлөлддөггүй.
• Харьяа гадасны суралцагчийн өсөлт хөгжилд хяналт тавьдаг.
• Семинарын төгсөлтийн хөтөлбөрийн загварын хуулбар эсвэл авах холбоосыг гадасны төгсөлт хариуцсан төлөөлөгч бүр рүү илгээдэг (Гадасны семинарын төгсөлтийн удирдамж дахь Семинарын төгсөлтийн хөтөлбөрийн загварыг үзнэ үү). Семинарын хөтөлбөр нь гадасны төгсөлтийн хөтөлбөрийг гаргах ёсгүй.
• Хавтас, дипломын цаасыг захиалж, WISE систем дээрх Power Bi холбоосоор төгсөлтийн гэрчилгээ, дипломыг хэвлэж гаргадаг.
• Институт, семинарын дипломын хавтас (item #10474000) болон институт, семинарын дипломын цаасыг (item #06029000) бүх дипломд хэрэглэх ёстой. Эдгээрийг store.ChurchofJesusChrist.org-оос эсвэл онлайн дэлгүүрээс авах боломжгүй газруудад орон нутгийн үйлчлэлийн төвөөр дамжуулан авах боломжтой. Гэрчилгээг өндөр чанартай цаас сонгон хэвлэж өгдөг.

• Семинарын ангийг дүүргэх нь чухал бөгөөд үнэ цэнтэйд тооцогдох соёлыг бий болгох хөтөлбөрийг боловсруулахад гадсанд дэмжлэг үзүүлдэг.
• Ерөнхий гарын авлагын Гадасны семинарын төгсөлтийн удирдамж болон 15.1.5 Кредит ба төгсөлтийн агуулгыг мэддэг бөгөөд үүний талаар гадасны төлөөлөгчтэй мэдээлэл солилцдог.
• Жил тутмын төгсөлтийн арга хэмжээнд бэлтгэхэд харьяа гадастай хамтран дэмжлэг үзүүлдэг. Энэ үүргийг ИС-ын төлөөлөгчид хариуцуулж болно.
• Захиргааны туслах ажилтанд бүх төгсөлтийн тайланг бэлтгэж, бэлтгэл ажлыг хангахад (дээрх захиргааны туслах ажилтан хэсгийг үзнэ үү) дэмжлэг үзүүлэх бөгөөд гүйцэтгэлийн болон төгсөлтөд тавигдах шаардлагуудыг таниулан сурталчилж, төлөвлөсөн төгсөгчдийг мөн бусад суралцагчийг жил тутмын төгсөлтийн арга хэмжээнд оролцоход урьж буй тэнхимийн ажилд хяналт тавихад дэмжлэг үзүүлэх зэрэгт оролцдог.
• Харьяа гадас, тойргийн удирдагчид суралцагчдын төгсөх болон гүйцэтгэлийн явцыг мэдэж байгаа эсэхэд захиргааны туслах ажилтантай хамтран хяналт тавьдаг. Санваарын удирдагчид сургууль амарсны дараа зохион байгуулах төгсөлтийн арга хэмжээн дээр зөвхөн сургалтын шаардлагыг хангасан суралцагчид хэвлэсэн шагналыг гардан авна гэдгийг ойлгож байгаа эсэхийг баталгаажуулдаг. 
• Гадасны төгсөлтийн үйл ажиллагааны бэлтгэл ажилд гадасны семинарын төгсөлт хариуцсан хүнтэй (гадасны семинарын зохицуулагч эсвэл дээд зөвлөлийн томилогдсон гишүүнтэй) хамтран дэмжлэг үзүүлдэг (эсвэл гадасны ИС-ын төлөөлөгчийг туслуулахаар томилдог).
• Харьяа гадас, тойргийн удирдагчдыг шаардлага хангасан хүсэлт гаргагчдад цаг тухай бүрд нь батламж өгөхөд урьдаг. Шашны удирдагчийн батламжийн талаар гадасны ерөнхийлөгчдөд тайлбарлан, батламжийн тухай асуултуудад хариулдаг (Гадасны семинарын төгсөлтийн удирдамж дахь Семинарт зориулсан шашны удирдагчийн батламж гэдгийг үзнэ үү). 
• Харьяа гадасны семинарын төгсөлтийн бүх үйл ажиллагааны бэлтгэлийг хангахад захиргааны туслах ажилтанд дэмжлэг үзүүлдэг (дээрх захиргааны туслах ажилтан хэсгийг үзнэ үү).    
• Диплом, дипломын хавтас, гэрчилгээнүүдийг харьяа гадаснуудад хуваарилдаг.
• Хэрэв уригдсан бөгөөд оролцох боломжтой бол харьяа гадасны семинарын төгсөлтийн үйл ажиллагаанд оролцож, үг хэлэх ба суралцагчдын амжилтыг сайшаан, тэднийг дэмжинэ. Энэ үүргийг ИС-ын төлөөлөгчид шилжүүлж болно.    
• Хөтөлбөрт хамрагдсан бөгөөд төгсөхөөр төлөвлөж буй харьяа гадасны суралцагчдыг семинарын удирдагч эсвэл зохицуулагчтай зөвлөлдөн олж илрүүлдэг.