Undirbúningur helgiathafnar er netkerfi til að aðstoða meðlimi og prestdæmisleiðtoga við að framkvæma stjórnsýsluleg og andleg verkefni sem tengjast helgiathöfnum musterisins.
Áður hafa musterisþjónar séð um stjórnsýsluverkefni sem tengjast helgiathöfnum musterisins. Netkerfið Undirbúningur helgiathafna gerir biskupum, greinarforsetum, stikuforsetum og trúboðsforsetum kleift að ljúka við og fylgjast með þessum verkefnum í Úrræði leiðtoga og ritara (ÚLR). Þetta einfaldar stjórnsýsluferlið og gerir prestdæmisleiðtogum kleift að taka meiri þátt í musterisundirbúningi.
Prestdæmisleiðtogar bera nú ábyrgð á verkefnum sem musterið sá um áður, þar á meðal að sannreyna persónulegar upplýsingar og safna saman nauðsynlegum skjölum. Þetta kerfi gerir prestdæmisleiðtogum og meðlimum kleift að vinna saman að hinu helga ferli að búa sig undir helgiathafnir musterisins.
Undirbúningskerfi helgiathafna gerir prestdæmisleiðtogum kleift að ljúka eftirfarandi verkefnum:
Athugið: Biskupar, greinarforsetar, stikuforsetar og trúboðsforsetar bera ábyrgð á að hjálpa meðlimum að búa sig undir að taka á móti helgiathöfnum musterisins fyrir lifendur. Ráðgjafar mega aðeins aðstoða undir handleiðslu biskups eða stikuforseta.
Undirbúningskerfi helgiathafna er einnig sýnilegt kirkjumeðlimum á vefsíðu kirkjunnar. Héðan geta þeir fengið skjótan aðgang og hjálpað við að ljúka verkefnum sem tengjast undirbúningi þeirra fyrir helgiathafnir fyrir lifendur í musterinu. Þessi síða hefur líka að geyma efni til að hjálpa meðlimum að læra meira um helgiathafnir musterisins fyrir lifendur.
Með því að einfalda undirbúningsferli helgiathafna, geta kirkjumeðlimir og prestdæmisleiðtogar þeirra einblínt minna á stjórnsýsluverkefni og meira á tilgang helgiathafna musterisins — að vera nánari Jesú Kristi og eilíflega sameinuð sem fjölskyldur.
Í þessu skrefi les biskup eða greinarforseti grunnleiðbeiningar um undirbúning fyrir musterið, skráir dagsetningu helgiathafnar til bráðabirgða og sendir meðlimi netpóst og biður hann að sannreyna persónuupplýsingar sínar. Þetta skref er aðeins til aflestrar fyrir stikuforseta og trúboðsforseta.
Í þessu skrefi sannreynir meðlimur persónuupplýsingar sínar og svarar spurningum um núverandi aðstæður sínar. Biskup eða greinarforseti getur hjálpað við þetta. Þessar spurningar hjálpa við að ákveða hvort meðlimur þurfi að leggja fram skjöl, svo sem hjónabandsvottorð eða ættleiðingarskjöl, áður en hægt er að framkvæma helgiathafnir. Þetta skref er aðeins til aflestrar fyrir stikuforseta eða trúboðsforseta.
Ef meðlimur þarf samþykki Æðsta forsætisráðsins áður en hann meðtekur helgiathafnir fyrir lifendur, mun flipinn Beiðnir Æðsta forsætisráðsins verða sýnilegur. Biskupar, greinarforsetar, stikuforsetar og trúboðsforsetar meðhöndla slíkar beiðnir með því að nota úrræðið Trúnaðarskýrslur.
Í þessu skrefi bókar meðlimur tíma í musteri. Meðlimur getur breytt bókuninni síðar, ef þörf þykir. Þetta skref er aðeins til aflestrar fyrir stikuforseta eða trúboðsforseta.
Í þessu skrefi mun meðlimurinn, biskupinn eða greinarforsetinn og stiku- eða trúboðsforsetinn ljúka öllum verkefnum sem krafist er fyrir musterisbókun. Þessi skref gætu verið að skoða musterisleiðbeiningar, ljúka undirbúningi helgiathafnar, vígja meðliminn til prestdæmisins eða staðfesta samþykktarbréf eða lagaskjöl.
Áður en meðlimur fer í musterið verður hann að fara í musterismeðmælaviðtöl með bæði biskupi eða greinarforseta og stikuforseta eða trúboðsforseta. Í þessu skrefi skrá prestdæmisleiðtogar dagsetningu viðtalsins og ljúka ferli musterismeðmæla.
Þetta er lokaskrefið í undirbúningsferli helgiathafnar. Þegar öllum öðrum skrefum er lokið, ljúka prestdæmisleiðtogar undirbúningsferli helgiathafnar með því að senda meðmælin til musterisins. Eftir það verða upplýsingar um bókaðan musteristíma sýnilegar í þessum hluta. Ef prestdæmisleiðtogar þurfa síðar að gera breytingar á undirbúningi helgiathafna, þurfa þeir að smella á Enduropna Undirbúning helgiathafnar, áður en það er gert.
Á þessari síðu geta biskupar og greinarforsetar skoðað boð annarra biskupa og greinarforseta um undirbúning fyrir helgiathafnir, skoðað meðlimi eininga sinna, sem nú búa sig undir helgiathafnir fyrir lifendur, skoðað meðlimi sem eru tilbúnir fyrir bókaðan tíma í musterinu og skoðað fullunnar eða afbókaðar helgiathafnir.
Þessi hluti sýnir deildarmeðlimi sem hefur verið boðið að taka þátt í helgiathöfn innsiglunar með meðlimi annarrar einingar.
Þegar biskupar og greinarforsetar fá þessi boð, fylgja þeir eftirfarandi skrefum:
Ef boðinn meðlimur þiggur boðið:
Ef boðinn meðlimur hafnar boðinu:
Þessi hluti telur upp deildarmeðlimi sem búa sig undir musterisgjöf eða innsiglun fyrir lifendur. Grænu hringirnir tákna fullgerða hluta undirbúningsferlis helgiathafnar. Skilaboð sem varða samþykktir Æðsta forsætisráðsins og fyrirhuguð boð eru sýnileg á skjánum með rauðu letri.
Þessi hluti sýnir þá meðlimi sem hafa lokið undirbúningi að helgiathöfnum og eru tilbúnir að taka á móti helgiathöfnum musterisins. Dagsetning musterisbókunar verður skráð hér.
Þessi hluti sýnir meðlimi sem tekið hafa á móti helgiathöfnum musterisins fyrir lifendur á síðustu sex mánuðum.
Þessi hluti sýnir niðurfelldan undirbúning helgiathafna. Hann er skráður til eins árs og hann má hefja aftur á þeim tíma. Ef biskup eða greinarforseti vill hefja undirbúning að nýju meira en ári eftir að hann hefur verið felldur niður, verða þeir að hefja nýjan undirbúning að helgiathöfn.
Þegar hér er komið, munið þið bæta fleiri þátttakendum við helgiathöfnina.
Veljið boðsaðferð.
Beint boð, biskups til biskups
Biskup eða greinarforseti mun annaðhvort þiggja boðið eða hafna því, eftir að hafa ráðfært sig við viðkomandi. Ef viðkomandi þiggur það, mun hann eða hún vinna með biskupi sínum eða greinarforseta að því að ljúka við undirbúningsferli helgiathafnarinnar. Ef viðkomandi hafnar boðinu, fær biskup eða greinarforseti netpóst, þar sem honum er tilkynnt um ákvörðun viðkomandi.
Smellið á Senda boð.
Með netpósti
Þessi aðferð sendir netpóst til þess einstaklings sem mun taka þátt í musterishelgiathöfn fyrir lifendur. Hann eða hún mun annaðhvort þiggja boðið eða hafna því. Ef hann eða hún þiggur boðið, mun biskup eða greinarforseti hans eða hennar fá netpóst til að hefja undirbúningsferli helgiathafnarinnar. Ef einstaklingurinn hafnar boðinu, mun biskupinn eða greinarforsetinn sem sendi boðið fá netpóst til staðfestingar á því.
Skilaboð munu birtast á samantektarsíðunni Undirbúningur fyrir helgiathafnir musterisins, undir „Undirbúningur meðlima“ með rauðum texta sem segir „Boð í biðstöðu.“ Þessi staða breytist þegar sá sem boðið er, biskup hans eða greinarforseti þiggur boðið eða hafnar því.
Athugið: Ef biskup viðkomandi eða greinarforseti er ekki farinn að nota undirbúningskerfi helgiathafna, þurfið þið að framkvæma önnur verkefni án nets.
Boð frá öðrum biskupum eða greinarforsetum eru skráð á síðunni „Meðlimir sem búa sig undir musterishelgiathafnir“ undir „Boð frá öðrum biskupum.“
Veljið Látinn einstaklingur. Til þess að verkfærið virki rétt, verður hinn látni einstaklingur að vera skráður í ættartré meðlimsins í FamilySearch (familysearch.org). Ættfræðileiðbeinendur deildar geta hjálpað við það. Ef engir ættfræðileiðbeinendur eru fyrir hendi, sjá þá leiðbeiningarnar hér að neðan undir „FamilySearch verkfæri fyrir undirbúning helgiathafnar.“
2. Nöfn allra látinna maka, barna eða foreldra verða skráð. Ef einstaklingurinn er að undirbúa helgiathöfn innsiglunar til maka, smellið þá á hringinn við hlið nafns makans. Ef einstaklingurinn býr sig undir að verða innsiglaður foreldrum sínum og/eða börnum, notið þá gátreitina til að velja alla þátttakendur.
3. Ef þörf krefur, veljið þá hlutverkið sem einstaklingurinn mun hafa í helgiathöfninni: Eiginmaður, eiginkona, barn, faðir eða móðir.
4. Smellið síðan á Hafa valda með.
5. Til að bæta við annarri musterishelgiathöfn fyrir lifendur, veljið þá Bæta við annarri innsiglun maka eða Bæta við annarri innsiglun barna.
FamilySearch verkfæri fyrir undirbúning helgiathafnar
Til þess að lifandi einstaklingur verði innsiglaður látnum einstaklingi – hvort heldur maki, foreldri eða barn – verður hinn látni að vera skráður í FamilySearch (familysearch.org). Ef látinn einstaklingur er ekki í FamilySearch, er skráður sem lifandi, upplýsingar vantar um hann eða hann gæti verið fjölfaldaður í kerfinu, verður að leysa þessi vandamál í FamilySearch áður en helgiathöfn á sér stað. Ættfræðileiðbeinandi getur hjálpað við þetta ferli. Verkfærin sem tilgreind eru hér, geta einnig verið gagnleg.
Staðfesting upplýsinga er á ábyrgð meðlimsins. Í flestum tilvikum er þetta skref merkt „Lokið“ án hjálpar prestdæmisleiðtoga. Í sumum tilvikum getur viðkomandi þó beðið um hjálp biskups síns eða greinarforseta. Í slíkum tilfellum skal fylgja þessum leiðbeiningum:
Ef upplýsingar vantar eða þær eru rangt skráðar, smellið þá á táknið Breyta (blýantur). Skráið réttar upplýsingar og smellið síðan á Vista og staðfesta breytingar. (Í sumum tilvikum gætuð þið þurft að tilgreina ástæðu breytingarinnar.) Ef þið eruð biskup eða greinarforseti, þá verða þessar breytingar uppfærðar í aðildarskýrslum kirkjunnar. Ef breytingar eru gerðar af einhverjum öðrum en biskupi eða greinarforseta (t.d. meðlim eða ráðgjafa í biskupsráði), verða breytingarnar áframsendar til deildarritara, sem mun uppfæra upplýsingarnar í aðildarskýrslum kirkjunnar.
Athugið: Ef upplýsingar um aðra lifandi einstaklinga, eins og foreldri, eru rangar, hafið þá samband beint við einstaklinginn. Aðeins deildarritari einstaklingsins getur uppfært aðildarskýrslu hans eða hennar.
5. Smellið á Áfram til að fara í næsta hluta.
Haldið áfram að sannreyna upplýsingar fyrir hvern hluta. Ef það er hugtak sem þið þekkið ekki, sjá þá Orðalistann í lok þessarar greinar.
Ef svör meðlims við einhverjum hæfnisspurninganna gefa til kynna að þeir gætu þurft samþykki Æðsta forsætisráðsins til að halda áfram, mun skrefið „Beiðnir Æðsta forsætisráðsins“ vera sýnilegt. Prestdæmisleiðtogar meðhöndla slíkar beiðnir með því að nota Trúnaðarskýrslukerfið.
Ef umsókn til skrifstofu Æðsta forsætisráðsins varðandi meðlim hefur þegar verið send og samþykkt gegnum kerfið Úrræði leiðtoga og ritara, mun stiku- eða trúboðsforseti merkja umsóknarverkefnið sem lokið í flipanum Beiðnir Æðsta forsætisráðsins með því að nota Undirbúningskerfi helgiathafna. Undirbúningsferli helgiathafnar getur ekki haldið áfram fyrr en stiku- eða trúboðsforseti merkir það sem lokið.
Að bóka tíma í musteri er á ábyrgð meðlimsins. Meðlimir geta bókað tíma með því að hringja í musterið eða á netinu á temples.churchofjesuschrist.org. Í flestum tilvikum er þetta skref merkt „Lokið“ án hjálpar prestdæmisleiðtoga.
Nauðsynlegar aðgerðir meðlims eru á ábyrgð meðlims. Í flestum tilvikum er þetta skref merkt „Lokið“ án aðstoðar biskups eða greinarforseta. Meðlimur gæti þó í sumum tilvikum óskað eftir hjálp prestdæmisleiðtoga síns. Í þessum tilfellum skulið þið fylgja leiðbeiningunum hér að neðan:
Nauðsynlegar aðgerðir biskups eru á ábyrgð biskups eða greinarforseta og aðeins biskup, greinarforseti eða einn ráðgjafi hans geta fullunnið þá.
Tilskildar aðgerðir stikuforseta eru á ábyrgð stiku- eða trúboðsforseta og geta aðeins verið framkvæmdar af stikuforseta, trúboðsforseta eða einum ráðgjafa hans.
Áður en einstaklingur getur farið í musterið verður hann eða hún að ljúka viðtölum við bæði biskup eða greinarforseta og stikuforseta eða trúboðsforseta. Í þessu skrefi gefa prestdæmisleiðtogar gefið til kynna að þeir hafi tekið viðtal við einstaklinginn og fundið hann verðugan þess að taka þátt í helgiathöfnum musterisins. Þeir skrá líka dagsetningu viðtals og sjá viðkomandi fyrir musterismeðmælum.
Þetta er lokaskrefið í undirbúningsferli helgiathafnar.
1. Þegar öllum öðrum skrefum er lokið, smellið þá á Undirbúningur fyrir helgiathöfn lokið.
2. Að því loknu verða upplýsingar um bókaðan musteristíma sýnilegar hér. Ef þið þurfið að gera breytingar síðar á þessum undirbúningi helgiathafnar, þurfið þið að fara í þennan flipa og smella á Opna aftur undirbúning áður en það er gert.
Lesið staðfestingarskilaboðin. Ef þið eruð vissir um að vilja breyta hlutverkinu, skulið þið smella á Vista hlutverk.
Athugið: Ef þið breytið hlutverki einstaklings í helgiathöfn, gætuð þið þurft að staðfesta aftur einhverjar upplýsingar.
Þetta er listi yfir hugtök í stafrófsröð sem notuð eru í undirbúningskerfi helgiathafna. Þessar skilgreiningar geta komið að gagni þegar þið hjálpið meðlimum að búa sig undir að taka á móti helgiathöfnum musterisins.
Skírn: Skírn með niðurdýfingu er fyrsta frelsandi helgiathöfn fagnaðarerindisins. Einstaklingur verður að láta skírast áður en hann getur meðtekið helgiathafnir musterisins.
Fædd í sáttmálanum: Börn foreldra sem voru innsigluð í musterinu fyrir fæðingu barnsins „fæðast í sáttmálanum.“ Þessi börn eru hluti af eilífri fjölskyldu við fæðingu og þurfa ekki að taka þátt í helgiathöfn innsiglunar til foreldra.
Barn innsiglað foreldrum: Helgiathöfn musterisins sem bindur barn eilíflega foreldrum sínum.
Borgaralegt hjónaband: Borgaralegt hjónaband er hjónaband framkvæmt af einstaklingi sem samþykktur er af stjórnvöldum utan musterisins. Sum musteri gera kröfu um að gestir framvísi borgaralegu hjónabandsvottorði áður en hægt er að framkvæma helgiathöfn innsiglunar til maka.
Trúnaðarskýrslur: Trúnaðarskýrslur er verkfæri á netinu sem prestdæmisleiðtogar nota til að senda innsiglunarumsóknir til skrifstofu Æðsta forsætisráðsins. Það er líka notað til að biðja um undanþágur frá reglum kirkjunnar varðandi helgiathafnir musterisins frá skrifstofu Æðsta forsætisráðsins.
Staðfesting: Staðfesting er helgiathöfn þar sem einstaklingur er staðfestur sem meðlimur Kirkju Jesú Krists hinna Síðari daga heilögu með handayfirlagningu. Hún á sér stað stuttu eftir skírn.
Musterisgjöf: Musterisgjöfin er helgiathöfn sem við verðum að taka á móti til að snúa aftur í návist Guðs. Sem hluti af musterisgjöfinni, lærum við um sáluhjálparáætlunina, hlutverk og friðþægingu Jesú Krists, elsku Guðs til barna sinna og guðlega möguleika okkar. Í musterisgjöfinni gerum við líka sáttmála um að hlýða lögmálum Guðs og stefna að því að verða líkari Jesú Kristi.
FamilySearch: FamilySearch er verkfæri á netinu sem Kirkja Jesú Krists hinna Síðari daga heilögu hefur búið til og er finna á FamilySearch.org. Tilgangur þess er að skrá nöfn allra látinna einstaklinga í ættartölu og nota til þess sögulegar upplýsingar til að sameina fjölskyldu Guðs. Upplýsingar í FamilySearch geyma grunnupplýsingar um einstakling, fjölskyldusambönd og fullunnar helgiathafnir musterisins.
FamilySearch auðkenni: Persónulegt auðkenninúmer gefið einstaklingum sem skráðir eru í FamilySearch.
Samþykki Æðsta forsætisráðsins: Í sumum tilvikum verður Æðsta forsætisráðið að veita samþykki fyrir framkvæmd helgiathafnar. Þetta er algengt í tilvikum þar sem einstaklingur sem hyggst innsiglast maka hefur áður verið innsiglaður öðrum maka. Prestdæmisleiðtogar verða að fá þetta samþykki áður en helgiathöfn er bókuð, en meðlimur getur lokið öðrum musterisundirbúningi meðan hann bíður samþykkis.
Innvígsla: Innvígsla er musterishelgiathöfn til undirbúnings, sem einstaklingur tekur á móti í einrúmi áður en hann heldur áfram í musterisgjöfina. Kirkjumeðlimir meðtaka yfirleitt helgiathöfn Innvígslu nokkrum klukkustundum fyrir musterisgjöf sína.
Löggilt hjónaband: Þegar musterisinnsiglari hefur heimild frá stjórnvöldum til að framkvæma hjónabandsvígslur, þá telst helgiathöfn innsiglunar til maka, sem framkvæmd er í musterinu, einnig sem „lögbundið hjónaband.“ Sum lög gætu bannað lögbundið hjónaband sem hluta af helgiathöfn innsiglunar, háð því hvar musterið er staðsett. Ef meðlimurinn getur ekki gifst í musterinu, verður meðlimurinn að breyta þessum möguleika og gera ráðstafanir til borgaralegs hjónabands áður en hann er innsiglaður eða velja annað musteri.
Helgiathöfn fyrir lifendur: Musterishelgiathöfn sem lifandi einstaklingur meðtekur fyrir sig sjálfan.
Aðildarskýrslunúmer: Auðkennisnúmer sem tengist opinberri kirkjuskýrslu einstaklings. Þetta númer er úthlutað og kirkjuskýrsla búin til þegar einstaklingur er skírður, eða, ef um er að ræða börn fædd meðlimum kirkjunnar, þegar barnið hlýtur nafn og blessun í kirkjunni.
Áhorfandi: Nátengt skyldmenni sem fylgist með helgiathöfninni og er ekki þátttakandi í henni. Við innsiglun barns til foreldra, getur áhorfandi t.d. verið systkini sem áður var innsiglað foreldrum sínum.
Þátttakandi: Einstaklingur/einstaklingar sem taka þátt í helgiathöfn. Dæmi: Í innsiglun barns til foreldra, eru þátttakendur faðir, móðir og barn.
„Búa sig undir að fara í hið heilaga musteri:“ Bæklingur sem er fáanlegur á KirkjaJesúKrists.org eða í dreifingarstöðvum kirkjunnar og getur hjálpað meðlimum sem búa sig undir að taka á móti helgiathöfnum musterisins er þeir undirbúa sig andlega.
Fyrsti tengiliður: Sá sem hafa skal samband við ef upp koma spurningar eða áhyggjur varðandi bókaðan tíma í musterinu.
Staðgengill: Einstaklingur sem tekur á móti helgiathöfnum musterisins fyrir hönd látins einstaklings. Hugtakið „staðgengilshelgiathafnir“ á við um helgiathafnir sem framkvæmdar eru af lifandi staðgengli, sem er fulltrúi látins einstaklings og tekur á móti helgiathöfn í þágu hans.
Meðmæli fyrir skírnir og staðfestingar sem staðgengill: Musterismeðmæli (sjá Musterismeðmæli hér að neðan) gefa til kynna að einstaklingur sé verðugur þess að fara í musterið til að framkvæma skírnir og staðfestingar sem staðgengill, en ekki innvígslu, musterisgjöf eða helgiathafnir innsiglunar. Þau eru almennt notuð af ungmennum eða fullorðnum sem hafa ekki enn hlotið musterisgjöf, en hafa verið skírð og staðfest.
Meðmæli: Sjá Musterismeðmæli.
Innsiglunarvottorð: Prentað vottorð sem sýnir í hvaða musteri helgiathöfn innsiglunar var framkvæmd.
Innsiglun til maka: Helgiathöfn sem bindur eiginmann og eiginkonu hvort öðru og börn þeirra í framtíðinni saman að eilífu. Þessi helgiathöfn getur átt sér stað eftir að par hefur stofnað til borgaralegs hjónabands eða, ef musterisinnsiglari hefur lagalega heimild til að framkvæma hjónabandsvígslu, þá geta hjón verið löglega gift og innsigluð samtímis. Kirkjumeðlimur getur einnig innsiglast látnum maka. Eftir giftingu, verður að skrá dagsetningu hjónabands og lögaðila sem veitir leyfi fyrir hjónabandinu í hlutann Nauðsynlegar aðgerðir. Enn er mögulegt að bóka tíma fyrir innsiglun í musterinu áður en par er borgaralega gefið saman.
Undirbúningsnámskeið fyrir musterið: Valfrjáls námsbekkur sem biskupar geta boðið deildarmeðlimum sem búa sig undir helgiathafnir musterisins. Kennsla frá upphæðum er ákjósanlegasta námsefnið fyrir þetta námskeið, sem er fáanlegt á vefsíðu kirkjunnar eða í dreifingarstöðvum kirkjunnar.
Musterismeðmæli: Vottorð sem staðfestir að kirkjumeðlimur sé verðugur þess að taka þátt í helgiathöfnum musterisins. Kirkjumeðlimir sýna musterismeðmæli sín við móttökuborð musterisins áður en þeim er hleypt inn í musterið.