Wɔ saa asetena yi mu nyinaa, Atitenefoɔ a Wɔdi Kan no ne Asomafoɔ Dummienu Kuo no akasa bebree afa tɛmpol ayɛyɛdeɛ ne apam ho. Kasa no bi a wɔahyehyɛ no adesuadeɛ kwan so, a ɛkyerɛkyerɛ sɛdeɛ saa tinsɛm kronkron yi wɔadi ho nkɔmmɔ wɔ nhyehyɛeɛ ahodoɔ mu wɔ aseɛ ha. Klike bae ɔfa bi mu. Baabi a ɛhia no, wɔama kwan a wɔde kɔ krataa dada no mu.
Asubɔ ne Denhyɛ
Titenani Russell M. Nelson
“Berɛ biara a woyɛ biribiara a ɛboa obiara—wɔ nkatanim no fa biara—ma wɔtu anammɔn kɔ anim ne Onyankopɔn yɛ apam na wɔgye wɔn asubɔ ne tɛmpol ayɛyɛdeɛ a ɛhohia no, na woreboa Israel anoboaboa. Ɛyɛ tiawa sa ara.”
Hope of Israel, worldwide youth devotional, Ayɛwohomumɔ 3, 2018
Titenani Thomas S. Monson
“Afei, me nnamfonom nkumaa a mowɔ mo mmabunu mfeɛ so no, berɛbiara momfa nsi mo ani so. Monnyɛ biribi a ɛbɛsi mo kwan sɛ mowura n’apono mu na moanya ɛmu nhyira kronkron a ɛwɔ hɔ no. Mekamfo mo a motaa kɔ tɛmpol dada kɔbɔ asu ma awufoɔ, sɔre ntɛm pa ara sɛdeɛ mobɛtumi adi dwuma wɔ saa asubɔ no mu ansa na sukuu ahyɛ aseɛ. Mentumi nhunu kwan papa biara a wɔbɛtumi de ahyɛ da foforɔ ase sene yei.”
Tɛmpol Kronkron no—Kanea de ma Wiase, Oforisuo 2011 amansan nhyiamu
Elder David A. Bednar
“Meto nsa frɛ Asɔre no mu mmabunu sɛ wɔnsua mfa Elijah Honhom ho na wɔnnya mu suahunu. Mehyɛ mo nkuran sɛ monsua, nhwehwɛ mo nananom, na monsiesie mo ho nyɛ ananmusie asubɔ wɔ Awurade fie mma mo awufoɔ [hwɛ Nkyerɛkyerɛ ne Apam 124:28–36]. Mehyɛ mo nkuran sɛ mommoa nkorɔfoɔ afoforɔ ma wɔnhunu wɔn abusua abakɔsɛm. Sɛ mode gyedie sɔ nsatofrɛ yi mu a, mo akoma bɛdane akɔ mo agyanom deɛ so. Mo adansedie ne mo adwensakyera de ma Agyenkwa no mu bɛdɔ na ɛbɛtena hɔ daa. Na mehyɛ bɔ sɛ, wɔbɛbɔ mo ho ban atia ɔsɛefoɔ no nkɛntɛnsoɔ a ɛmu reyɛ den no. Berɛ a moyɛ na modɔ saa adwuma kronkron yi no, wɔbɛbɔ mo ho ban wɔ mo mmabunu berɛ mu ne mo nkwa nna nyinaa mu.”
Nkwadaa no Akoma Bɛdane, Ahinime 2011 amansam nhyiamu
Elder Quentin L. Cook
“Tɛmpol ahodoɔ a ɛredɔɔso ne tɛknɔlɔgyi a ɛkɔ anim a ɛkabom hyɛ yɛn abusua abakɔsɛm asɛdeɛ ma de ma yɛn nananom ma yei yɛ nhyira kɛseɛ wɔ abakɔsɛm nyinaa mu. Medi ahurisie wɔ gyedie sononko a yɛn mmabunu de hwehwɛ wɔn nananom na afei wɔyɛ asubɔ ne denhyɛ adwuma wɔ tɛmpol. Nokorɛ moka Sion Bepɔ so agyenkwa a wɔahyɛ ho bɔ no ho.”
Hunu Wo ho wɔ Tɛmpol mu, Oforisuo 2016 amansan nhyiamu
Elder Gary E. Stevenson
“Titenafoɔ a Wɔdi Kan ato nsa afrɛ ‘asɔremma mpanimfoɔ sɛ wɔnnye tɛmpol nkamfoɔ krataa foforɔ na wɔnkɔ tɛmpol mpɛn pii’ berɛ a mmerɛ ne tebea ma ho kwan na wɔhyɛ asɔremma nkuran ‘sɛ wɔmfa tɛmpol som nhyɛ adaagyeɛ berɛ ananmu.’ Wɔsane nso hyɛ ‘Asɔremma foforɔ ne mmabunu a wɔadi mfeɛ 12 ne deɛ ɛboro saa nkuran sɛ wɔmmɔ abrabɔ tenenee a ɛbɛboa wɔ adwuma kɛseɛ no mu berɛ a wɔsom sɛ ananmusifoɔ de ma asubɔ ne denhyɛ.’ [Titenafoɔ a Wɔdi Kan krataa, Ɔbɛnim 11, 2003.]”
Afie Kronkron, Tɛmpol ahodoɔ Kronkron, Oforisuol 2009 amansan nhyiamu
Elder Richard G. Scott
“Enti mo mmabunu pɛ ɔkwan pa a mode bɛyi ɔsɛefoɔ no nkɛntɛnsoɔ afiri mo abrabɔ mu? Momfa mo ho nhyɛ mo nananom nhwehwɛmu mu, nsiesie wɔn din mma ananmusie ayɛyɛdeɛ ahodoɔ a ɛwɔ tɛmpol mu, na afei kɔ tɛmpol kɔsi ananmu ma wɔn sɛ wɔbɛgye asubɔ ne Sumsum Kronkron ayɛyɛdeɛ ahodoɔ no. Berɛ a morenyini no, mobɛtumi ayɛ adwuma wɔ ayɛyɛdeɛ nkaeɛ no gyeɛ mu nso. Mennim banbɔ kɛseɛ biara a ɛsene yei firi ɔsɛefoɔ no nkɛntɛnsoɔ ho wɔ mo abrabɔ mu.”
Awufoɔ Dima mu Anigyeɛ, Ahinime 2012 amansan nhyiamu
Tɛmpol Ataadekronkron ne Afahyɛ Aduradeɛ
President Russell M. Nelson
Tɛmpol ataadekronkron no hyɛ wɔ nsɛnkyerɛnneɛ asekyerɛ a ɛmu dɔ. Ɛgyina hɔ ma ahofama a ɛrekɔ soɔ. Sɛdeɛ Agyenkwa no yɛɛ yɔkɔduru awieeɛ ho mfasoɔ nhwɛsoɔ no, yɛhyɛ ataadekronkron wɔ gyedie mu sɛ Onyankopɔn akotaadeɛ yɔkɔduru mu fa bi. Ne saa nti yɛyɛ yɛn gyedie wɔ Ne mu ne yɛne No apam a ɛnniawieeɛ no ho yɛkyerɛ.”
Ankasa Ahosiesie de ma Tɛmpol Nhyira, Oforisuo 2001 amansan nhyiamu
Titenani Russell M. Nelson
“Sɛ wopɛ sɛ wohunu bebree fa tete tɛmpol aduradeɛ ho a, wo ankasa hwehwɛ firi Apam Dada no mu. Apam Dada no amee wɔ ntotoho ahodoɔ ma tɛmpol aduradeɛ sononko ho.”
Russell M. Nelson Nkyerɛkyerɛ, 372
Titenani Boyd K. Packer
“Ɛfa ayɛyɛdeɛ yinom ho no, wɔ tɛmpol mu wɔbɛhyɛ wo ataadekronkron ne nhyira nwanwasoɔ a wɔhyɛ ho bɔ a ɛka ho no. Ɛho hia sɛ wotie no yie berɛ a wɔreyɛ saa ayɛyɛdeɛ yinom na bɔ mmɔden kae nhyira a wɔahyɛ ho bɔ no ne ɔkwan a wobɛfa so anya.”
Tɛmpol Aduradeɛ Kronkron
Yesu Kristo Asɔre a ɛwɔ hɔ ma Nna a ɛdi Akyire Ahotefoɔ no tɛmpol aduradeɛ a wɔfrɛ no asɔfodie kronkron aduradeɛ no, gye sɛ Nna a ɛdi Akyire Ahotefoɔ tɛmpol mu nko ara na wɔhyɛ no na wɔkora ma gyedie kɛseɛ pa ara no dwumadie. Fitaa gyina hɔ ma ahoteɛ. Agyiraehyɛdeɛ anaasɛ dibrɛ nni hɔ. Ɔsomafoɔ panin pa ara ne asɔreba foforɔ koraa hyɛ adekorɔ a nsonoeɛ nni mu. Mmarima ne mmaa hyɛ aduradeɛ korɔ. Ntaadeɛ nkorowa a ɛsom ahyɛnsodeɛ ka ho no si so dua ma tete nneɛma a ɛda adi wɔ tete ntwerɛeɛ mu firi Eksodos nwoma no mu."
Tɛmpol Aduradeɛ Kronkron
“Nna a ɛdi Akyire Ahotefoɔ anokwafoɔ bebree hyɛ ataadekronkron wɔ wɔn afadeɛ ase a ɛwɔ ɛsom asekyerɛ a ɛmu dɔ. Te sɛ ataadeɛ biara nsɛsoɔ a wɔhyɛ no aseɛ no, ɛba asiniasini mmienu a wɔtaa frɛ no sɛ ‘tɛmpol ataadekronkron.’ Tɛmpol ataadekronkron no Asɔremma mpanimfoɔ a wɔahyɛ bɔ kronkron ama nokorɛdie ma Onyankopɔn mmaransɛm ne Yesu Kristo asɛmpa no wɔ Yesu Kristo Asɔre a ɛwɔ hɔ ma Nna a ɛdi Akyire Ahotefoɔ tɛmpol ahodoɔ mu na wɔhyɛ. De ma Asɔremma no, tɛmpol ataadekronkron nkorowa a wɔhyɛ wɔ ataadeɛ biara ase no, ne ntaadeɛ nkorowa a ɛsom ahyɛnsodeɛ ka ho, a wɔhyɛ no tɛmpol som berɛ mu no, gyina hɔ ma kronkron ne ankasa twaka a wɔne Onyankopɔn wɔ no mu fa bi ne wɔn ahofama a wɔde bɛbɔ abrabɔ pa ne nnidie abrabɔ.”
Akyɛdeɛ kronkron Nhyɛnmu – Nhohoroho ne Ngosra
Titenani Gordon B. Hinckley
“[B]eaeɛ bi wɔ Owusɔreɛ no akyi. Ɛyɛ mpagya wɔ yɛn Agya ahemman mu. Ɛnam Onyankopɔn mmaransɛm setie so na nsa bɛtumi aka. Ɛbɛhyɛ aseɛ wɔ gyedie sɛ ɔyɛ yɛn Onniawieeɛ Agya na ne ba yɛ yɛn Dimafoɔ a ɔte aseɛ. Deɛ ɛbɛka ho bi ne sɛ yɛyɛ adwuma wɔ ayɛyɛdeɛ ahodoɔ mu, a ɛmu biara ho hia na ɛsɛ. Yeinom mu deɛ ɛdi kan no yɛ asubɔ a wɔnu nsuo mu, a sɛ ɛnni hɔ a, sɛdeɛ Awurade kyerɛ no, onipa ntumi nwura Onyankopɔn ahemman mu. Ɛwɔ sɛ Honhom no awoɔ, Sunsum Kronkron akyɛdeɛ no didi soɔ. Afei wɔ nnidisoɔ fa mfeɛ mu bɛba ama mmarima, asɔfodie hyɛ, afei tɛmpol nhyira ma mmarima ne mmaa a wɔn ho teɛ sɛ wɔwura hɔ nyinaa didi so. Tɛmpol nhyira no deɛ ɛka ho yɛ nhohoroho ne ngosra sɛdeɛ yɛn ho bɛte wɔ Awurade anim. Nkyerɛkyerɛ som no ka ho a ɛma yɛn akyɛdeɛ kronkron asodie ne nhyira a ɛkanyan yɛn ma yɛbɔ bra a ɛne asɛmpa no nnyinasosɛm kɔ. Nsɔano ayɛyɛdeɛ no ka ho a ɛma deɛ yɛkyekyere no wɔ asase so no wɔkyeykere no wɔ soro na ɛrema abusua ntoasoɔ.”
Tɛmpol ahodoɔ ne Tɛmpol Adwuma, Ensign, Ogyefuo 1982
Titenani Spencer W. Kimball
“Joseph Smith de nsafoa ne tumi ne ahoɔden a ɔno ara wɔ no a ɔgye firii Awurade hɔ no guu asomafoɔ dummienu no so. Ɔde akyɛdeɛ kronkron biara, nhohoroho ne ngosra biara maa wɔn, na ɔde nsɔano ayɛyɛdeɛ no somm wɔn.”
Yɛda Wo ase, O Onyankopɔn, sɛ yɛwɔ Nkɔmhyɛni, Ahinime 1972 amansan nhyiamu
Titenani Boyd K. Packer
Nhohoroho ne ngosra ayɛyɛydeɛ no wɔfrɛ wɔ tɛmpol mu sɛ nhyɛnmu ayɛyɛdeɛ. Ɛbɛso ama yɛn botaeɛ nko ara sɛ yɛka deɛ ɛdidi soɔ yi: Deɛ ɛka ayɛyɛdeɛ ho no yɛ nhohoroho ne ngosra—a titire no ɛyɛ nsɛnkyerɛnneɛ su, nanso ɛhyɛ bɔ pɛpɛɛpɛ, ntɛm so nhyira ne daakye nhyira.”
Reyɛ ahosiesie de Awura Tɛmpol Kronkron no mu
Elder James E. Talmage
“Wɔ asubɔbea atifi hɔ no beaeɛ kɛseɛ a ahosiesie adan wɔ hɔ ma mmarima, na anaafoɔ hɔ no nso fata ma mmaa ahosiesie adan. Wɔasiesie adan nso ama baabi a wɔyɛ ngosra ayɛyɛdeɛ. Wɔ saa afahyɛ yi mu mmaa nko ara na wɔsom mmaa, ɛna mmarima nso som mmarima.”
Awurade Fie [1976], 83
Elder Robert D. Hales
“Wɔ tɛmpol mu no, wɔkyerɛkyerɛ nkwagyeɛ nhyehyɛeɛ no mu na wɔyɛ apam kronkron. Saa apam yi, ne tɛmpol ntaadekronkron hyɛ hyɛ den na ɛbɔ nkorɔfoɔ a wɔagye wɔn akyɛdeɛ kronkron ho ban firi ɔsɛefoɔ no tumi ho. Wɔagye wɔn akyɛdeɛ kronkron akyire no, abranteɛ anaasɛ ababaawa bɛtumi akɔ tɛmpol na wayɛ ananmusie ayɛyɛdeɛ ama asɔfodie nhyira no aba mu ama wɔn a wɔawuo a wɔannya kwan annye saa nhyira no wɔ honam asetena berɛ mu.
Blessings of the Priesthood, Ahinime 1995 amansan nhyiamu
Akyɛdeɛ kronkron Nkyerɛkyerɛmu
Titenani Russell M. Nelson
“Ampa ara nokorɛ ahyɛ tɛmpol mu ma. Agya no nhyehyɛeɛ ho nokorɛ no wɔde pefeeyɛ ne tumi bue mu ma yɛn. Nokorɛ nsɛm a ɛfa yɛn Agya, Ne Ba, ne Wɔn ne yɛn ayɔnkofa ho nsɛm no wɔka no wɔ tɛmpol apam ne ayɛyɛdeɛ mu. Tɛmpol yɛ adiyisɛm fie a nokorɛ tena yɛn akra so na ɛbue yɛn nteaseɛ mu [hwɛ Nkyerɛkyerɛ ne Apam 109:15]. Yɛsua yɛn ɛnniawieeɛ su ne botaeɛ ne Awurade bɔhyɛ nwanwasoɔ no ho asɛm. Saa bɔhyɛ no yɛ nokorɛ, ɛfiri sɛ yɛn Agya yɛ nokorɛ Onyankopɔn na ɔntumi nni ntorɔ [hwɛ Ether 3:2]. Sɛ yɛn nuanom mmarima ne mmaa kɔ tɛmpol a wɔrehwehwɛ ahoɔden ne nteaseɛ a, Awurade No ankasa bɛkyerɛ wɔn nokorɛ a ɛho hia pa ara wɔ wɔn ahohiahia berɛ mu.”
Russell M. Nelson Nkyerɛkyerɛ, 373
Titenani Ezra Taft Benson
“Sɛlɛtia mmara, a ɛhyɛ ayɛyɛdeɛ bi mu no yɛ Yesu Kristo Asɔre no dea, a wɔde apam a ɛfiri ɔpɛ mu aboaboa ano. Mmara no yɛ honhom mu adeɛ. Enti, yɛn Agya a ɔwɔ Soro ahyira mmeaeɛ kronkron bi, a wɔfrɛ no tɛmpol, a ɛmu na saa mmara yi wɔbɛtumi akyerɛ mu yie. Mmara a ɛka ho no yɛ setie ne afɔrebɔ mmara, asɛmpa no mmara, ahohyɛsoɔ mmara, ne atuwohoakyɛ mmara.”
Anisoadehunu ne Sion Mmabunu Anidasoɔ, Brigham Young University devotional, April 12, 1977
Titenani Boyd K. Packer
“Ɛhɔ no Asɔremma a wɔfata bɛtumi ayɛ adwuma wɔ ɔgyeɛ ayɛyɛdeɛ a ɛkorɔn pa ara a wɔayi akyerɛ nnipa no mu . Ɛhɔ no wɔbɛtumi ahohoro yɛn ho na wɔasra yɛn ngo na yɛagye akyɛdeɛ kronkron ne nsɔano. Na berɛ a yɛagye saa ayɛyɛdeɛ yi no, yɛbɛtumi adi dwuma ama wɔn a wɔawuo na wɔannya saa akwanya no.”
Bra Tɛmpol no mu, Ensign, Ahinime 2007
Elder Robert D. Hales
"Yɛn pɛ a yɛbɛsane de akɔ Ɔsoro Agya nkyɛn nyini berɛ a, deɛ ɛka adidikronkron die ho no, yɛyɛ deɛ ɛfata ma tɛmpol nkamfoɔ krataa. Afei, sɛ tɛmpol nkamfoɔ krataa kurafoɔ yi, yɛkyerɛ Kristo su abrabɔ nhyehyɛeɛ. Yeinom ka ho; setie, yɛrebɔ afɔreɛ adi mmaransɛm no so, redodɔ yɛn ho, rete yɛn ho wɔ adwene ne nneyɛɛ mu, na yɛde yɛn ho rema Onyankopɔn ahmman kyekyere. Ɛnam Agyenkwa no Mpata no ne yɛredi saa nokorɛdie nhyehyɛeɛ yi so, yɛnya ’tumi firi sorosoro’ de hyia abrabɔ mu haw. Yɛhia saa ɔsoro tumi yi ɛnnɛ sene berɛ biara. Ɛyɛ tumi a yɛgye firi tɛmpol mu nko ara.”
Reba Yɛn ho so: Adidikronkron no, tɛmpol no,ne Ɔsom mu Afɔrebɔ, Oforisuo 2012 amansan nhyiamu
Elder James E. Talmage
“Tɛmpol akyɛdeɛ kronkron no, sɛdeɛ wɔyɛ no wɔ abɛɛfo tɛmpol ahodoɔ mu no, ka nkyerɛkyerɛ a ɛfa asekyerɛ ne berɛ a atwam nhyehyɛeɛ ho. Saa nkyerɛkyerɛ yi adesuadeɛ ka dwumadie a ɛdi mu nsɛm a wɔka kyerɛ ho, yɛn awofoɔ a wɔdi kan tebea mu wɔ Eden Turo mu hɔ, wɔn asoɔden ne pam a wɔpamm wɔn firii sa tenabea fɛɛfɛ no mu ho nsunsuansoɔ, wɔn tebea wɔ wiase a ɛmu yɛ dinn na ɛyɛ hu ne berɛ a wɔdomee wɔn sɛ wɔnnidi mfiri wɔn mfifire mu no tebea mu, nkwagyeɛ nhyehyɛeɛ a ɛnam so mpata bɛtumi aba ama mmaratoɔ kɛseɛ no.”
Awurade Fie [1976], 84
Elder James E. Talmage
“Akyɛdeɛkronkron ayɛyɛdeɛ no kuta asodie bi wɔ ankorankoro no afa mu, te sɛ apam ne bɔhyɛ a ɔde bɛdi ɔbra pa ne ahohyɛsoɔ mmara no so frenkyemm, ayɛ adɔeɛ, ayamyɛ, boasetɔ ne deɛ ne ho teɛ; sɛ wotu adomakyɛdeɛ ne ahonyadeɛ nyinaa ase kyerɛ sɛ wode bɛma nokorɛ no ntrɛmu ne nnipa mpagya; kura ɔsom mu de kɔ nokorɛ kwan so; na wohwehwɛ ɔkwan biara a wode bɛboa ahosiesie kɛseɛ a ɛbɛma asase ayɛ krado de agye ne Hene—Awurade Yesu Kristo. Apam biara gyeɛ ne asodie biara asehyɛ mu no wɔka nhyira bɔhyɛ, a ɛgyina nhyehyɛeɛ a ɛwɔ ho no nokorɛdie so.”
Awurade Fie, 100
Setie Mmara
Titenani Thomas S. Monson
“Me nuanom mmarima ne mmaa, abrabɔ yi mu sɔhwɛ kɛseɛ yɛ setie. ‘Yɛbɛsɔ wɔn ahwɛ,‘ Awurade na ɔseɛ, ‘ahwɛ sɛ wɔbɛyɛ nneɛma nyinaa, a Awurade wɔn Nyankopɔn bɛhyɛ wɔn no.‘ Agyenkwa no paee mu kaa sɛ: ‘Na ɛwɔ sɛ wɔn a wɔpɛ sɛ wɔnya nhyira firi me nsam no nyinaa di mmara a wɔahyehyɛ ama saa nhyira no so, ne ɛho nhyehyɛeɛ, sɛdeɛ wɔhyehyɛɛeɛ ansa na wɔreto wiase fapem.‘ Setie nhwɛsoɔ kɛseɛ biara nni hɔ sɛ yɛn Agyenkwa no deɛ no. Paulo hunuu sei wɔ Ne ho: ’Mmom na ɔyɛ Ɔba, nanso ɔsuaa setie ɛnam nneɛma a ɔfaa mu no; na ɔwiee pɛyɛ no, ɔbɛyɛɛ daa nkwagyeɛ twerɛfoɔ maa wɔn a wɔyɛɛ setie maa no no nyinaa.’”
Setie de Nhyira Ba, Oforisuo2013 amansan nhyiamu
Titenani Gordon B. Hinckley
Mede m’adansedie ma mo sɛ Nna a ɛdi akyire Ahotefoɔ anigyeɛ, Nna a ɛdi akyire Ahotefoɔ asomdwoeɛ, Nna a ɛdi akyire Ahotefoɔ mpontuo, Nna a ɛdi akyire Ahotefoɔ yiedie, ne saa nkorɔfoɔ yi nkwagyeɛ a ɛnni awieeɛ, ne wɔn mmasoɔ gyina setie a yɛbɛyɛ ama Onyakopɔn afotuo so.”
Sɛ Mobɛnya Ɔpɛ ne Setie a, Ahinime 1971 amansan nhyiamu
Titenani James E. Faust
“Setie de yɛn kɔ nokorɛ ahofadie mu. Mpɛn dodoɔ a yɛyɛ setie ma nokorɛ a wɔayi akyerɛ no, mpɛn dodoɔ no na yɛnya ahofadie. Sɛdeɛ ɔhyɛ maa asase nkwa ne fɛɛfɛ wɔ berɛ a na ɛyɛ sum ne hunu no, saa ara na ɛyɛ ma yɛn. Setie boa yɛn ma yɛnyini yie wɔ nnepa a Ɔsoro Agya hwehwɛ ma yɛn sɛ yɛbɛyɛ sɛlɛtia abɔdeɛ a yɛfata sɛ daakye yɛbɛtena Ne nkyɛn.”
Setie: Ɔkwan a ɛkɔ Ahofadie mu, Oforisuo 1999 amansan nhyiamu
Elder Jeffrey R. Holland
“Setie nko ara nyɛ mmara a ɛdi kan wɔ ɔsoro aheman mu. Setie yɛ mmara a ɛdi kan wɔ biribiara mu. Biribiara a menim sɛ ɛho hia no hia saa mfitiaseɛ ahofama no de ayɛ setie ama asɛm no ne Awurade pɛ. Ɛyɛ apam a ɛdi kan a yɛyɛ no wɔ tɛmpol mu.”
Elder Jeffrey R. Holland Kɔsra Philippinefoɔ, Kyɛ Ɔdɔ Nkransɛm, Newsroom.ChurchofJesusChrist.org
Elder L. Tom Perry
“Ɛdi kan no, ɛwɔ sɛ yɛyɛ setie ma Awurade mmara no. Yei yɛ adesua baako a wɔkyerɛɛ Adam ne Hawa: setie de gyedie ba. Ɛde ɔsoro nhyira ba. Seantie de akomatuo ne abamubuo ba. Setie mmara no akyi na ahiadeɛ sɛ yɛde yɛn ho ma wɔ yɛn Agya a ɔwɔ Soro no mma som mu no ba. Sɛ yɛde deɛ yɛwɔ rebɔ afɔdeɛ ama yɛn nuanom mmarima ne mma anya mfasoɔ yɛ asɛmpa no abotire sɔhwɛ. Honamdua mu suahunu botaeɛ baako ne sɛ wɔbɛhwɛ sɛ yɛbɛdi Agyenkwa no afotuo so de ‘ahwehwɛ Onyankopɔn ahennie kane, ne ne teneneeyɛ; na saa nneɛma yi nyinaa wɔde bɛka mo ho’ [hwɛ Mateo 6:33].”
Hwɛ, Awurade Akyerɛ Me Nneɛma Akɛseɛ a ɛyɛ Nwanwasoɔ, Ahinime 1992 amansan nhyiamu
Elder Joseph B. Wirthlin
“Yɛn nyinaa pɛ sɛ modi yie wɔ abrabɔ yi mu na mofata Onyankopɔn akyɛdeɛ kɛseɛ no—daa nkwa wɔ sɛlɛtia ahennie no mu. Sɛ mopɛ sɛ monsa ka mo botaeɛ wɔ honam a ɛwuo asetena yi mu na mokyerɛ sɛ mofata nhyira a ɛnniawieeɛ no a, monsua nyɛ setie. Ɔkwan foforɔ biara nni hɔ. Setie de ahoɔden ne tumi kɛseɛ ba mo abrabɔ mu.”
Tenase wɔ Setie mu, Oforisuo 1994 amansan nhyiamu
Afɔrebɔ Mmara
Titenani Russell M. Nelson
“Wɔkɔ so ara hyɛ yɛn sɛ yɛmmɔ afɔdeɛ, nanso ɛnyɛ mmoa mogya hwieguo. Yɛn nsa ka afɔrebɔ ho nimdeɛ a ɛwɔ sorosoro pa ara berɛ a yɛyɛ yɛn ho te yie anaasɛ yɛ kronkron. Yɛyɛ yei ɛnam yɛn setie a yɛde ma Onyankopɔn mmaransɛm. Enti, setie ne afɔrebɔ mmara ahodoɔ no aka abom a wɔntumi mpopa. Dwene mmaransɛm a ɛma yɛn di Word of Wisdom so, de yɛ Homeda no kronkron, de tua ntotosɔ du du nokorɛ mu ho. Sɛ yɛdi saa mmaransɛm yi ne afoforɔ so a, biribi nwanwasoɔ bi to yɛn. Yɛbɛyɛ ahohyɛsoɔfoɔ! Yɛbɛyɛ akyidifoɔ! Yɛbɛyɛ ahotefoɔ ne kronkron kɛse—te sɛ yɛn Awurade!”
Adesua a ɛfiri Hawa hɔ, Ahinime1987 amansan nhyiamu
Titenani Harold B. Lee
“Yɛn seesei ara yiedie nhyehyɛeɛ bɛtumi ayɛ ’ahyɛaseɛ’ dwumadie de ahwɛ sɛdeɛ asɔre yi asiesie ne ho adi saa nhyehyɛeɛ yi so, sɛdeɛ nkorɔfoɔ a wɔwɔ kɔntinɛnte yi so anigyeɛ baa mu no, sɛdeɛ wɔatwerɛ no wɔ tete nwoma bi a wɔfrɛ no Mormon Nwoma no mu, berɛ a wɔn nyinaa sakyera maa Awurade no, ‘na sikani ne ohiani nni hɔ, deɛ mmara kyekyere no ne ɔdehyeɛ, mmom wɔn nyinaa bɛnyaa ɔsoro akyɛdeɛ no bi’ na ’nokorɛ nnipa biara nni asase so a wɔn anigyeɛ te sɛ saa nkorɔfoɔ yi (4 Ne. 1:3, 16) a wɔdi afɔrebɔ ne atuwohoakyɛ mmara no so.”
Kyerɛ Nkwagyeɛ Asɛmpa no, Ahinime 1972 amansan nhyiamu
Titenani M. Russell Ballard
“Mpɛn pii no, adeɛ a ɛdi kan a nnipa dwene ho berɛ a wɔbɛte ’Mose mmara’ no yɛ aboa afɔrebɔ. Wɔ ɔkwan bi so mogya afɔrebɔ su a ɛyɛ hu no ama ɛbinom abisa sɛ, ‘Sɛn na dwumadie a ɛte sei bɛtumi ne ɔdɔ asɛmpa no anya twaka?’ Yɛbɛtumi ate saa asɛmmisa no mmuaeɛ ase yie berɛ a yɛte afɔrebɔ mmara akɛseɛ mmienu no ase. Saa botaeɛ ahodoɔ yi wɔde maa Adam, Abraham, Moses, ne Apam Foforɔ no Asomafoɔ, na wɔde ma yɛn nso ɛnnɛ berɛ a yɛgye na yɛdi afɔrebɔ mmara no so. Ne botaeɛ akɛseɛ mmienu no sɔ yɛn hwɛ na ɛkamfo yɛn na ɛboa yɛn wɔ yɛn Kristo nkyɛn ba mu.”
Afɔrebɔ Mmara no, Liahona, Ɔbɛnem 2002
Elder L. Tom Perry
“Ɛyɛ nwanwa sɛ Awurade, ɛfiri mfitiaseɛ no ara, pɛɛ sɛ ɔde ne nhyehyɛeɛ no hyɛ ne mma adwene mu wɔ asase so ha? Mmara a wɔde maa Adam ne Hawa nyinaa no, afɔrebɔ mmara no wɔde maa sɛ ɛnkae wɔn dwumadie kɛseɛ a ɛbɛsi meridian mmerɛ mu. Ɛfiri saa berɛ no de kɔsii berɛ a Agyenkwa no baa asase so no, berɛ biara a na asɔfodie wɔ hɔ no, onipa bɔɔ afɔdeɛ ahodoɔ de kaee no berɛ a Onipa Ba no bɛba asase so abɛbɔ afodeɛ a ɛkorɔn sene ne nyinaa ama yɛn.”
Sacrament of the Lord’s Supper, Oforisuo 1996 amansan nhyiamu
Elder Neal A. Maxwell
“[Nokorɛ], na ankasa afɔrebɔ nyɛ deɛ wɔde aboa to afɔrebukyea so no. Mmom, ɛyɛ ɔpɛ a wɔde aboa no to yɛn mu wɔ afɔrebukyea no so na yɛma no wura yɛn mu! Yei ne ‘afɔrebɔ de ma Awurade, akoma a abubuo ne honhom a ɛyɛ ahunu,’ (Nkyerɛkyerɛ ne Apam 59:8), deɛ ɛsɛ sɛ wodi kan yɛ ansa na woafa asɛnnua no, berɛ a ‘yɛregyae [yɛn] bɔne mu’ sɛdeɛ ‘yɛbɛhunu Onyankopɔn’ (Alma 22:18) ama yɛapa yɛn ho akyi na yɛagye no atom.”
Mompa Mo ho Akyi wɔ deɛ Ɛnyɛ Nyamesom Nyinaa ho, Oforisuo 1995 amansan nhyiamu
Asɛmpa no Mmara
Titenani Russell M. Nelson
“Sɛ Asɔre no mma ankorankoro yi, me ne wo yɛ adwuma wɔ Awurade no ’ankasa kwan so.’ Anyɛ bi no prɛko wɔ bosome mu, yɛkyene kɔm na yɛbɔ mpaeɛ na yɛma afɔrebɔdeɛ ayamyɛ mu to fotoɔ mu a ɛboa bishop ma ɔde yɛ adɔeɛ. Yei yɛ asɛmpa mmara no mu fa bi. Nokorɛ mu yɛn mu biara bɛtumi aboa onnibie ne ohiani seesei, ne baabi a wɔwɔ biara. Na yɛn nso yɛyɛ saa a, wɔbɛhyira yɛn na wɔabɔ yɛn ho ban afiri ɔwaeɛ ho”
Wɔ Awurade Ankasa Kwan so, Oforisuo 1986 amansan nhyiamu
Titenani Ezra Taft Benson
“Yɛpam sɛ yɛbɛdi asɛmpa mmara no so. Asɛmpa no mmara kuta mmara ahdoɔ nyinaa, nnyinasosɛm, ne ayɛyɛdeɛ ahodoɔ a ɛhia ma yɛn mpagya. Yɛpene so sɛ yɛbɛnya gyedie wɔ Yesu Kristo mu ne nokorɛ mu ahonu a ɛfiri akoma a abubuo ne honhom a ɛyɛ ahonu. Berɛ a yɛdi asubɔ ne denhyɛ ayɛyɛdeɛ ahodoɔ so, na yɛtoaso wɔ gyedie ne mpaebɔ mu no, Agyenkwa mpata afɔdeɛ no kata yɛn bɔne so na wɔte yɛn ho firi nnebɔne nyinaa ho. Asɛmpa mmara no boro nkwagyeɛ nhyehyɛeɛ nteaseɛ no so. Ɛyɛ ayɛyɛdeɛ ahodoɔ yɛ ne nsɔano tumi a ɛba awieeɛ wɔ onipa bi a wɔresɔ no ano ama daa nkwa. ‘Wɔrewo wo foforɔ,’ Nkɔmhyɛni Joseph Smith kaeɛ no, ‘ɛnam Onyankopɔn tumi so fa ayɛyɛdeɛ ahodoɔ so na ɛba.”
Ezra Taft Benson Nkyerɛkyerɛ, 337
Titenani John Taylor
“Nanso ɛho bɛhiaa sɛ Adam bɛyɛ sietie, ahwɛ, na wadi asɛmpa mmara so, na ɛsane nso bɛhiaa sɛ n’asefoɔ, a wɔbɛnya mpagya ne nhyira korɔ no, ɛwɔ sɛ wɔkora na wɔdi saa mmara korɔ no ara so.”
Asɛmpa Ahennie no, 279
Titenani Wilford W. Woodruff
“Wɔn a wɔgye Kristo asɛmpa no nnyinasosɛm nyinaa no wɔbɛgye wɔn. Obi a ɔdi mmara bi so no ɛbɛkora no. Onipa a ɔdi asɛmpa no mmara so no wɔbɛgye no na wanya mpagya ne ho animuonyam.”
The Discourses of Wilford Woodruff, 22
Elder Bruce R. McConkie
“Awieeɛ mu no, Onyankopɔn asɛmpa no wɔatwerɛ na ɛnyɛ ntwerɛeɛ a awuo wɔ twerɛnsɛm twerɛtohɔ mu, mmom wɔ Ahotefoɔ no abrabɔ mu. Wɔamfa twerɛdua ne inki antwerɛ no wɔ krataa so a ɛfiri onipa, mmom wɔde nneyɛɛ ne nnwuma wɔ onipa biara a ɔgyedie na ɔyɛ setie nkwa nwoma mu. Wɔakurukyire no wɔ honam ne nnompe ne ntini a ɛyɛ den mu ma wɔn a wɔdi sɛlɛtia mmara so, a ɛyɛ asɛmpa no mmara no. Ɛwɔ hɔ sɛ afoforɔ bɛkenkan, ɛdi kan, wɔn a wɔhunu Ahotefoɔ no nnwuma pa, na wɔde animuonyamhyɛ bɛgye yɛn Agya a ɔwɔ soro so (hwɛ Mateo 5:16) na awieeɛ no Ɔtɛmmuafoɔ Kɛseɛ no a onipa biara abrabɔ yɛ krataa a wɔabue mu ma no no.”
Our Gospel Came Not Unto You in Word Only…, Ahinime 1968 amansan nhyiamu
Ahohyɛsoɔ Mmara
Titenani Russell M. Nelson
“Agyenkwa no abrabɔ kwan so yɛ papa. Ne kwan no ka ahoteɛ ho wɔ ansa na yɛn awareɛ ne nokorɛdie mapa wɔ awareɛ mu. Awurade kwan no nko ara ne ɔkwan a ɛbɛma yɛanya yɔkɔduro anigyeɛ suahunu. Ne kwan de ahotɔ a ɛbɛtumi akyɛre brɛ yɛn akra ne ɛnniawieeɛ asomdwoeɛ ba yɛn afie mu. Na ne papa mu pa ara no, Ne kwan de yɛn kɔ fie wɔ Ne nkyɛn ne yɛn Soro Agya nkyɛn, wɔ daa nkwa ne mpagya mu. Yei ne ɛmu aba no ankasa, Onyankopɔn adwuma ne animuonyam.”
Agyinaeɛsie ma Ɛnniawieeɛ mu, Ahinime 2013 amansan nhyiamu
Titenani Dallin H. Oaks
“Tumi a wɔde bɔ honam a ɛporɔ yi yɛ Onyankopɔn tumi a ɛkorɔn pa ara a ɔde ama Ne mma. Onyankopɔn de ho dwumadie ahyɛdeɛ maa Adam ne Hawa wɔ mmaransɛm a ɛdi kan no mu (hwɛ Gyenesis 1:28), nanso wɔde mmaransɛm foforɔ maae de bra ne dwumadie wɔ kwan bɔne so (hwɛ Eksodus 20:14; 1 Thessalonikafoɔ 4:3). Nsisoɔ a wɔde to ahohyɛsoɔ mmara so no wɔkyerɛ mu wɔ yɛn nteaseɛ mu fa yɛn awoɔ tumi ho wɔ Onyankopɔn nhyehyɛeɛ nkunimdie mu.Wɔ ɔbarima ne ɔbaa awareɛ akyiri no, wɔn a wɔde awoɔ tumi yɛ adwuma wɔ ɔkwan baako anaasɛ ɔfoforɔ so no ɛyɛ bɔne na ɛtia Onyankopɔn nhyehyɛeɛ a ɔde ma Ne mma mpagya.”
Anyame Afoforɔ Nka ho, Ahinime 2013 amansan nhyiamu
Elder David A. Bednar
“Mehyɛ bɔ sɛ setie ma ahohyɛsoɔ mmara bɛma yɛn anigyeɛ adɔɔso wɔ honam asetena mu ne yɛn nkankorɔ wɔ ɛnniawieeɛ mu. Ahohyɛsoɔ ne nnepa yɛ seesei, akɔso ayɛ, na ɛbɛkɔso ayɛ ‘deɛ ɛho hia na ɛsombo kɛseɛ boro adeɛ nyinaa so’ (Moroni 9:9).”
Yɛgye Ahoteɛyɛ Di, Oforisuo 2013 amansan nhyiamu
Elder Neil L. Andersen
“Mpanimfoɔ asugyafoɔ bebree wɔ Asɔre no mu a wɔboro mmabunu mfeɛ so. Berɛ a wɔhunu wɔn abrabɔ sɛ ada nso sene deɛ wɔhwɛɛ anim no, wɔdi ahohyɛsoɔ mmara no so. Ɛbɛtumi ayɛ wɔn gyedie sɔhwɛ. Meda me dɔ ne anisɔ a ɛmu dɔ de ma saa Kristo akyidifoɔ yi.”
Wo Gyedie Sɔhwɛ, Ahinime 2012 amansan nhyiamu
Abusua: Dawubɔ ma Wiase
“Mmaransεm a ɛdi kan a Onyankopɔn de maa Adam ne Hawa fa wɔn tumi a wɔwɔ ma awofoyε sε ɔkunu ne ɔyere ho. Yεpae mu ka sε Onyankopɔn mmaransεm ma ne mma sε wɔnnɔre na wɔnhyε asaase so ma no gu so reyε adwuma. Yεkɔ so pae mu ka sε Onyankopɔn ahyε mmara sε tumi kronkron a wɔde woɔ no, εsε sε εyε adwuma wɔ ɔbarima ne ɔbaa a wɔaware mmara kwan so sε ɔkunu ne ɔyere nko ara ntam. Yεpae mu ka sε kwan a wɔfa so bɔ nnipadua a εwuo no, mfa nyamesu. Yεsi asetena kronkron so dua, ne ho hia a εhia wɔ Onyankopɔn nhyehyεeε a εnniawieeε mu.”
De ma Mmabunu Ahoɔden
“Sɛ wo ho te wɔ nna mu a, wosiesie wo ho sɛ woyɛ tɛmpol apam kronkron na wodi so. Wosiesie wo ho sɛ wobɛkyekyere awareɛ a ahoɔden wɔ mu na wode nkwadaa aba wiase mu sɛ ɛnniawieeɛ abusua a ɔdɔ wɔ mu. Wobɔ wo ho ban firi honhom ne adwene mu dɛmdie a ɛfiri nna mu nkutahodie wɔ awareɛ akyi no. Wosane nso bɔ wo ho ban firi nyarewa bɔne ho. Ɔbarima ne ɔbaa nna mu ahoteɛ boa ma woyɛ kokoɔdurufoɔ na nokorɛ mu w’anigyeɛ tu mpɔn wɔ wo tumi a wode fa adwene seesei ne daakye mu. Awurade susudua a ɛfa ɔbarima ne ɔbaa nna mu ahoteɛ yɛ pefee na ɛnsesa. Mɛnya ɔbarima ne ɔbaa nna mu nkutahodie ansa na woaware, na di nokorɛ yie ma wo hokani wɔ awareɛ akyi. Mɛnyɛ mpɛnsɛmpɛnsɛmu anaasɛ amanneɛbɔ biara a ɛkanyan ɔbarima ne ɔbaa nna mu atenka ho. Mɛnni adwaman mfonini biara ho dwuma.”
Atuwohoakyɛ Mmara
Titenani Ezra Taft Benson
“Yɛpam sɛ yɛbɛdi atuwuhoakyɛ mmara no so. Saa mmara yi yɛ sɛ yɛtu yɛn berɛ, adom akyɛdeɛ, ahoɔden, agyapadeɛ, ne sika de ma Onyankopɔn ahennie kyekyere wɔ asase yi so ne SIion nkyekyereɛ. Kɔsi sɛ obi bɛdi setie, afɔrebɔ, asɛmpa no, ne ahohyɛsoɔ mmara ahodoɔ no so no, ɔntumi nni atuwohoakyɛ mmara no so, a ɛyɛ mmara a ɛfa sɛlɛtia ahennie no ho. “Ɛfiri sɛ sɛ mopɛ sɛ mema mo beaeɛ wɔ sɛlɛtia wiase mu a, ɛwɔ sɛ mosiesie mo ho yɛ saa nneɛma yi a mahyɛ mo na mehwehwɛ firi mo hɔ no (D&C 78:7).”
Ezra Taft Benson Nkyerɛkyerɛ,, 121
Titenani Spencer W. Kimball
“[Y]ɛtu yɛn mmerɛ, adom akyɛdeɛ ne deɛ yɛwɔ kyɛ berɛ a yɛn akannifo afrɛ yɛn sɛdeɛ Honhom no kasakyerɛ teɛ. Wɔ Asɔre no mu, sɛdeɛ ɛwɔ Yiedie nhyɛhyɛeɛ nso mu no, yɛbɛtumi ama nkyerɛmu afa tumi biara, tenenee apɛdeɛ biara, adwennwenem nkateɛ biara ho. Sɛ ɛyɛ deɛ watu ne ho asi hɔ, agya, efie tikya, bishop, anaasɛ fipamni, sɛ ɛyɛ nsra tikya, ɛna, efie siesiefoɔ, anaasɛ adamfoɔ—akwanya wɔ hɔ sɛ yɛde yɛn ho nyinaa ma. Na sɛ yɛma a, yɛhunu sɛ ‘afɔrebɔ de ɔsoro nhyira ba!’ (Nnwom, no. [27]) Na awieeɛ no, yɛhunu sɛ na ɛnyɛ afɔrebɔ koraa.”
Rebɛyɛ Kronkron wɔ Akoma mu, Oforisuo 1978 amansan nhyiamu
Elder D. Todd Christofferson
“Yɛn asase so abrabɔ yɛ hwɛfoɔ berɛ ne ɔpɛ a Ɔbɔadeɛ no de adom yɛn. Asɛmfua hwɛfoɔ de Awurade atuwohoakyɛ mmara no ba adwene mu (hwɛ, nhwɛsoɔ, Nkyerɛkyerɛ ne Apam 42:32, 53), a sikasɛm asɛdeɛ wɔ mu, nanso ɛboro saa, ɛyɛ sɛlɛtia mmara de ma abrabɔ wɔ ɛha ne seesei ara (hwɛ Nkyerɛkyerɛ ne Apam 105:5). Sɛ woretu asi hɔ kyerɛ sɛ wode biribi asi hɔ sɛ ɛyɛ kronkron, a ɛsi hɔ ma botaeɛ kronkron. Nokorɛ nkunimdie wɔ saa abrabɔ yi mu ba berɛ a yɛretu yɛn nkwa akyɛ—a ɛyɛ yɛn mmerɛ ne ɔpɛ—de ama Nyankopɔn adwuma (hwɛ Yohane 17: 1, 4; Nkyerɛkyerɛ ne Apam 19:19). Wɔ saa yɛ so, yɛma No kwan ma ɔpagya yɛn kɔ yɛn sorosoro hyɛbrɛ mu.”
Reflections on a Consecrated Life, Ahinime 2010 amansan nhyiamu
Elder Neal A. Maxwell
“Yɛdwene atuwohoakyɛ ho sɛ yɛde yɛn ho rema, berɛ a ɔsoro akyerɛ kwan anaasɛ ahonyadeɛ mu nko ara. Nanso nte ho mponponsoɔ ne sɛ yɛde yɛn ho nyinaa bɛma Onyankopɔn. Na akoma, ɔkra, ne adwene yɛ nsɛm a Kristo ka boom de kyerɛkyerɛɛ mmarasɛm a ɛdi kan no mu, a ɛyɛ adwuma berɛ biara, na ɛnyɛ berɛ ne berɛ mu, (hwɛ Mat. 22:37). Sɛ yɛdi so a, afei yɛn mmɔdemmɔ nso bɛyɛ atuwohoakyɛ mapa de ama yɛn kra yiedie (hwɛ 2 Ne. 32:9).”
Consecrate thy Performance, Oforisuo 2002 amansan nhyiamu
Titenani Henry B. Eyring
“Yɛn Soro Agya te Ne mma mpaebɔ fa wiase nyinaa. Saa nkotosrɛ no aduru Ne hɔ ɛfiri berɛ a Ɔde mmarima ne mmaa guu asase so.
Ɛsiane sɛ Awurade te wɔn sufrɛ na ɔte mo ahummɔborɔ a ɛmu dɔ ma wɔn nti, ɛfiri mfitiaseɛ berɛ mu na wama N’akyidifoɔ akwan a wɔde bɛboa. Wato nsa afrɛ Ne mma sɛ wɔmfa wɔn mmerɛ, wɔn ahodeɛ ne wɔn ho mmɔ afɔdeɛ, na wɔne No mmɔ mu nsom afoforɔ. “Ne kwan a Ɔde boa no ɛduru mmerɛ bi a wɔfrɛ no atuwohoakyɛ mmara so die.”
Akwanya a Yɛde Yɛ Papa, Oforisuo 2011 amansan nhyiamu
Elder David A. Bednar
“Atuwohoakyɛ ne afɔrebɔ wɔ twaka na ɛgyina so. Asɛmfua atuwohokyɛ kyerɛ sɛ woreyɛ biribi ma anyini na ‘wode ama botaeɛ kronkron bi.’ Afɔrebɔ yɛ deɛ yɛde bɛma, ama yɛn nsa so, agyae mu, anaasɛ aboto. Atuwohoakyɛ, wɔ nsɛm foforɔ mu, yɛ sɛ woreyɛ adeɛ bi mapa na wode asi hɔ ama botaeɛ kronkron bi. Sɛ yɛdi atuwohoakyɛ mmara no so a, na yɛwɔ ɔpɛ sɛ ɛnyɛ adeɛ biara ne nneɛma biara a yɛwɔ na yɛde rema sɛ asɛmpa no nti—mmom yɛsane nso hyɛ bɔ sɛ yɛbɛnyini na yɛde yɛn ho ama—yɛn mmerɛ, yɛn adomakyɛdeɛ, ne yɛn tumi a ɛredɔɔso—de ama Onyankopɔn ahennie nkyekyereɛ wɔ asase so. Yɛn bɔhyɛ ne sɛ: Mede me ne deɛ mɛtumi abɛyɛ nyinaa, na mɛtena ase ama Yesu Kristo asɛmpa no. Afɔrebɔ nnyinasosɛm no yɛ mmara-ketewa a ɛsiesie yɛn ma atuwohoakyɛ nnyinasosɛm no. Atuwohoakyɛ ka ho na ɛka afɔrebɔ ne dodoɔ no bom. Nokorɛ atuwohoakyɛ no ɔdɔ mapa na ɛkanyan no na ɛso ɔpɛ a ɛkɔ anim a yɛde som. Wɔ nna a ɛdi akyire yi my, bebree na wɔhwehwɛ firi yɛn hɔ sɛ apam mma sene yɛn sika, agyapadeɛ, ne mmerɛ. Ɛwɔ sɛ yɛtu yɛn kra nyinaa kyɛ de ma Awurade.”
Wɔsesa firii ɔsom kasakyerɛ a wɔde maeɛ wɔ BYU-Idaho, “Mo Kra Nyinaa sɛ Afɔrebɔ De ma No,” David A. Bednar, Ɔpɛpɔn 5, 1999
Nsɔano
Titenani Russell M. Nelson
“Anuanom mmarima ne mmaa, ahonyadeɛ ne wiase animuonyam ntena hɔ daa. Mmom mo koroyɛ sɛ ɔyere, okunu ne abusua bɛtumi. Abusua asetena berɛ a ɛsɔ ani ma akɔnnɔ a ɛkorɔn sene biribiara wɔ nipa kra mu yɛ afebɔɔ. Afɔrebɔ biara nni hɔ a ɛso sɛ yɛde bɛnya ɛnniawieeɛ awareɛ nhyira. Sɛ yɛbɛfata a, deɛ obi hia ara ne sɛ ɔpa ne ho firi deɛ ɛnyɛ nyamesom ho na ɔdi tɛmpol ayɛyɛdeɛ ahodoɔ no nni. Yɛreyɛ na yɛakora tɛmpol apam kronkron no, na yɛredi yɛn dɔ a yɛwɔ ma Onyankopɔn no ho adanseɛ, de ma yɛn hokani, ne yɛn nokorɛ ankasa ma yɛn asefoɔ—mpo wɔn a wɔnya nwoo wɔn. Yɛn abusua yɛ adwuma kɛseɛ ne anigyeɛ wɔ saa asetena yi mu a ɛsi yɛn ani so; saa na ɛbɛyɛ wɔ ɛnniawieeɛ nyinaa mu, berɛ a yɛbɛtumi ‘adi nhennwa, ahennie ahodoɔ, ahemman, tumi, tumidie ahodoɔ, mpagya ne animuonyam.’ Saa nhyira a ɛsom bo yi bɛtumi ayɛ yɛn dea sɛ yɛhyehyɛ yɛn afie yie seesei na yɛde yɛn ho bata asɛmpa no a.”
Siesie Wo Fie, Ahinime 2001 amansan nhyiamu
Titenani Dallin H. Oaks
“Yesu Kristo Asɔre a ɛwɔ hɔ ma Nna a ɛdi Akyire Ahotefoɔ no botaeɛ ne sɛ ɛbɛboa Onyankopɔn mma nyinaa ate wɔn nnepa ase na wɔanya wɔn hyɛbrɛ a ɛwɔ sorosoro pa ara. Asɔre no wɔ hɔ sɛ ɛbɛma Onyankopɔn mmammarima ne mmammaa kwan a wɔbɛfa so akɔ mpagya mu wɔ sɛlɛtia ahennie mu. Yei yɛ asɔre a ɛgyina abusua so wɔ nkyerɛkyerɛ ne nneyɛɛ ahodoɔ mu. Yɛn nteaseɛ wɔ Onyankopɔn Agya a Ɔnniawieeɛ su ne botaeɛ mu no kyerɛkyerɛ yɛn hyɛbrɛ ne yɛn ayɔnkofa wɔ n’abusua a ɛnniawieeɛ no mu. Yɛn nyamekyerɛ hyɛ aseɛ firi ɔsoro awofoɔ hɔ. Yɛn anidasoɔ kɛseɛ ne sɛ yɛbɛyɛ te sɛ wɔn. Wɔ Agya no mmɔborɔhunu nhyehyɛeɛ mu no, yeinom nyinaa ba mu ɛnam Agya no Dɔ Ba Korɔ no, yɛn Awurade ne Agyenkwa, Yesu Kristo so. Sɛ asase so awofoɔ no yɛdi dwuma wɔ asɛmpa nhyehyɛeɛ no mu berɛ a yɛde honam a ɛwuo yi ma Onyankopɔn honhom mma no. Nkwagyeɛ a ɛnniawieeɛ no mahyɛ yɛ abusuasɛm.”
Ɔwaeɛ ne Mmaeɛ bio, Oforisuo 1995 amansan nhyiamu
President Henry B. Eyring
“Ɛwɔ sɛ biribiara a yɛreyɛ no nya sɛlɛtia awareɛ sɛ deɛ ani si soɔ ne botaeɛ. Ɛkyerɛ sɛ ɛwɔ sɛ yɛpere na wɔsɔ yɛn ano bɔ ɛnniawieeɛ hokani ho wɔ Onyankopɔ tɛmpol mu. Ɛwɔ sɛ yɛsane nso hyɛ afoforɔ nkuran ma wɔyɛ na wɔdi apam a ɛkyekyere okunu ne ɔyere bom, ne wɔn abusua wɔ saa asetena yi ne wiase a ɛbɛba no mu so.”
Ɛnniawieeɛ Mmusua, Oforisuo 2016 amansan nhyiamu
Titenani Boyd K. Packer
“Deɛ Asɔre no dwumadie nyinaa pɛ ankasa ne sɛ wɔbɛhunu sɛ okunu bi ne ne yere ne wɔn mma ani agye wɔ fie, na asɛmpa no nnyinasosɛm ne mmara ahodoɔ bɔ wɔn ho ban, asɔ wɔn ano dwoodwoo wɔ asɔfodie a ɛnniawieeɛ apam no mu.”
Na Abɔfra Ketewa Bɛdi Wɔn Anim, Oforisuo 2012 amansan nhyiamu
Titenani Dieter F. Uchtdorf
“Ɛyɛ me anisɔ sɛ meka asɔre a ɛde nnidie ma awareɛ ne abusua ho. Wɔhunu Yesu Kristo Asɔre a ɛwɔ hɔ ma Nna a ɛdi Akyire Ahotefoɔ mma a wɔwɔ wiase afanan nyinaa sɛ wɔwɔ awareɛ ne mmusua a ɛyɛ fɛ a wobɛtumi anya. Megye di sɛ, wɔ ɔfa bi mu, ɛsiane sɛ nokorɛ a ɛsom bo a Joseph Smith sane de maeɛ no nti ɛwɔ sɛ awareɛ ne mmusua tena hɔ daa. Ɛnyɛ sɛ mmusua bɛma nneɛma akɔ tɔɔtee wɔ asase so ha na wɔtwa yɛn totwene berɛ a yɛaduru ɔsoro no. Mmom, wɔyɛ ɔsoro nhyehyɛeɛ. Wɔyɛ sɛlɛtia nhyehyɛeɛ ntimu ne Onyankopɔn ɛnniawieeɛ abusua no nsɛsoɔ.”
Wɔ Wɔn a Wɔgyeɛ Ayɛyie mu, Oforisuo 2016 amansan nhyiamu
“Abusua: Dawubɔ ma Wiase”
“Ɔsoro anigyeε nhyehyεeε boa abusua nkutahodie ma no tra damena. Ayεyεdeε kronkron ne apam wɔ tɛmpol kronkron ahodoɔ mu boa ankorankorε sε wɔbεtumi asan akɔ Onyankopɔn anim na abusua nso anya nkabom a ɛnni awieeε.”
Tɛmpol Som mu Nhyira
Titenani Russell M. Nelson
“Onipa biara a ɔba saa asase yi so yɛ awoɔntoatoasoɔ awofoɔ mma. Yɛwɔ nipasu ɔpɛ sɛ yɛne yɛn nananom ka bom. Saa ɔpɛ yi te yɛn akoma mu, ɛmfa ho ne mfeɛ a obi adie. Dwene honhom mu nkabom a ɛsie berɛ a abaayewa bi boa ne nanabaa de abusua ho nsɛm gu kɔmputa so anaasɛ berɛ a aberanteɛ bi hunu ne nanakansoa barima din wɔ nnipakan twerɛtohɔ mu. Sɛ yɛn akoma dane kɔ yɛn nananom deɛ so a, biribi sesa wɔ yɛn mu. Yɛte nka sɛ yɛka biribi a ɛso sene yɛn ankasa ho. Yɛn mu ɔpɛ de ma abusua nkabom ba mu berɛ a yɛnam tɛmpol mu ayɛyɛdeɛ kronkron so ne yɛn nananom ka bom.”
Awoɔ ntoatoasoɔ a Wɔaka Abom wɔ Ɔdɔ mu, Oforisuo 2010 amansan nhyiamu
Titenani Thomas S. Monson
“Adɛn nti na dodoɔ no wɔ ɔpɛ sɛ wɔde pii ma sɛdeɛ wɔbɛgye tɛmpol nhyira no? Wɔn a wɔte nhyira a ɛfiri tɛmpol mu ba no ase no nim sɛ afɔrebɔ biara nni hɔ a ɛso pii, ɛboɔ biara nyɛ duru, ɔhaw biara nyɛ den pii a ɛsi kwan sɛ yɛgye saa nhyira no. Akwantuo tentene biara nni hɔ, akwansideɛ bebree a ɛwɔ sɛ yɛdi soɔ nni hɔ, anaasɛ deɛ ɛnyɛ dɛ pii nni hɔ a ɛwɔ sɛ yɛfa mu. Wɔte aseɛ sɛ ɔgyeɛ ayɛyɛdeɛ a wɔgye no wɔ tɛmpol mu no a ɛboa ma yɛsane kɔ Ɔsoro Agya no nkyɛn wɔ ɛnniawieeɛ abusuabɔ mu, na ɛma yɛnya nhyira ne tumi a ɛfiri soro no fata afɔdeɛ biara ne mmɔdemmɔ biara.”
Tɛmpol Kronkron no—Kanea de ma Wiase, Oforisuo 2011 amansan nhyiamu
Titenani Gordon B. Hinckley
“Megyedi sɛ Asɔreba biara nnyee deɛ Asɔre no wɔ ankasa kɔpem sɛ wagye ne tɛmpol nhyira wɔ Awurade fie mu.”
Tɛmpol ahodoɔ Bi ho Adwene, Adwensakyerafoɔ a Wɔkora Wɔn, ne Asɛmpatrɛ Adwuma, Ahinime 1997 amansan nhyiamu
Titenani Howard W. Hunter
“Wɔ saa honhom no mu meto nsa frɛ Nna a ɛdi Akyire Ahotefoɔ sɛ wɔnhwɛ Awurade tɛmpol sɛ wɔn asɔrebayɛ ahyɛnsodeɛ kɛseɛ pa ara. Ɛyɛ me pɛ a ɛmu dɔ pa ara sɛ Asɔreba biara bɛfata na wawura tɛmpol mu. Awurade ani bɛgye sɛ asɔreba panin biara bɛfata na—wakuta—tɛmpol nkamfoɔ krataa foforɔ a. Nneɛma a ɛwɔ sɛ yɛyɛ ne deɛ ɛnsɛ sɛ yɛyɛ na yɛfata tɛmpol nkamfoɔ krataa no yɛ nneɛma korɔ a ɛhwɛ sɛ yɛbɛnya anigyeɛ sɛ ankorankoro ne mmusua. Momma yɛnyɛ tɛmpol-korɔ nnipa. Taa kɔ tɛmpol sɛdeɛ wo ankasa tebea bɛma wo kwan. Fa tɛmpol mfonini to wo fie sɛdeɛ womma bɛtumi ahunu. Kyerɛ wɔn fa Awurade fie no botaeɛ ho. Ma wɔnhyɛ aseɛ mfiri wɔn mmɔfra mu nkɔ hɔ na wɔmfata mma saa nhyira no.”
Ɛtra Bɔhyɛ Akɛseɛ a Ɛsom boɔ, Ahinime 1994 amansan nhyiamu
Elder David A. Bednar
“Elijah honhom no nya nsunsuansoɔ wɔ Asɔre no so wɔ ɛmu ne abɔntene. Mmom, sɛ yɛyɛ Kristo Asɔre a aba bio mma yi, yɛwɔ apam ho asɛdeɛ sɛ yɛhwehwɛ yɛn nananom akyiri kwan na yɛyɛ nkwagyeɛ ayɛyɛdeɛ no ma wɔn. ‘Sɛ wɔnka yɛn ho a wɔntumi nwie pɛyɛ’ (Hebrifoɔ 11:40; san hwɛ Nkyerɛkyerɛ: Joseph Smith, 475). Na ‘sɛ yɛnka yɛn awufoɔ ho a yɛntumi nwie pɛyɛ’ (Nkyerɛkyerɛ ne Apam 128:15). Yei nti yɛyɛ abusua abakɔsɛm nhwehwɛmu, si tɛmpol ahodoɔ, na yɛyɛ ananmusie ayɛyɛdeɛ. Yei nti wɔsomaa Elijah sɛ ɔnsane mfa nsɔano tumi a ɛkyekyere wɔ asase ne ɔsoro no mmra bio. Yɛyɛ Awurade ananmusifoɔ wɔ nkwagyeɛ ne mpagya adwuma mu a ɛbɛbɔ ‘asase so nyinaa [afiri ho sɛ] wɔde nnome bɛbɔ no’ (Nkyerɛkyerɛ ne Apam 110:15) berɛ a Ɔbɛsane aba bio. Yei ne yɛn asodie ne nhyira kɛseɛ no.
Nkwadaa no Akoma Bɛdane, Ahinime 2011 amansam nhyiamu
Elder Quentin L. Cook
“Abusua nkyerɛkyerɛ a ɛne abusua abakɔsɛm ne tɛmpol adwuma wɔ twaka no mu da hɔ pefee. Awurade ahyɛaseɛ adiyisɛm nkyerɛkyerɛ no kyerɛ ‘awufoɔ asubɔ.’ Yɛn nkyerɛkyerɛ asɛdeɛ no yɛ ma yɛn ankasa nananom. Ɛfiri sɛ sɛlɛtia nhyehyɛeɛ a ɛwɔ ɔsoro no gyina mmusua so. Titenafoɔ a Wɔdi Kan no ahyɛ asɔremma nkuran, titire mmabunu ne mmabunu mpanimfoɔ, sɛ wɔnsi abusua abakɔsɛm adwuma ne ayɛyɛdeɛ so dua mfa mma wɔn ankasa abusua din anaasɛ wɔn wɔɔdo ne stake mma abusua din. Ɛwɔ sɛ yɛne yɛn nhini ne nkorabata nyinaa ka bom. Adwene sɛ yɛne ɛnniawieeɛ ahemman wɔ nkabom no yɛ animuonyam.”
Nhini ne Nkorabata, Oforisuo 2014 amansan nhyiamu
Titenani Boyd K. Packer
“Ɛmfa ho ne ɔman anaasɛ abusua a obi firi mu, sɛ ɔbarima anaasɛ ɔbaa, ɛmfa ho ne adwuma, ɛmfa ho ne nwomanim, ɛmfa ho ne awoɔ ntoatoasoɔ a obi te mu, abrabɔ yɛ fiekorɔ akwantuo ma yɛn nyinaa, a yɛresane akɔ Onyankopɔn nkyɛn wɔ ne sɛlɛtia ahennie mu. Ayɛyɛdeɛ ahodoɔ ne apam bɛyɛ yɛn adansedie nkrataa a yɛde bɛkɔ Ne nkyɛn. Sɛ yɛn nsa bɛka no yɛ nkwa nna nyinaa abisadeɛ; sɛ yɛbɛdi soɔ no yɛ honam a ɛporɔ yi ayiremtoɔ. Berɛ a yɛn nsa bɛka ama yɛn ho ne yɛn mmusua no, ɛyɛ ɔhyɛ ma yɛn sɛ yɛbɛyɛ ananmusie ayɛyɛdeɛ ahodoɔ ama yɛn abuusoafoɔ a wɔawuo, ampa ara de ma nipa abusua nyinaa.
Apam, Ensign, Kɔtɔnima 1987