5 ka Lakang aron Mahimo nga ang Komperensya Magpabilin diha Kanimo
Sa matag Abril ug Oktubre, aduna kitay labihan ka nindot nga oportunidad nga makapaminaw sa modernong mga propeta nga motambag kanato direkta gikan sa Dios. Mainampuon nilang giandam ang ilang mga mensahe ilabi na para kanato—sa paggiya kanato, pagtudlo, pagtubag, ug paghupay kanato.
Apan kon mahuman na ang kinatibuk-ang komperensya ug molabay na ang mga adlaw, ang paghinumdom sa pihong mga gikutlo, mga gihisgutan, mga pag-aghat,o mga tubag nga atong nadawat magkaanam og kalisud. Kon gibati nato nga wala kita molambo, magsugod sa pagkawala ang atong kadasig samtang magkaduol ang sunod nga komperensya.
Ayaw gayud kahadlok! Adunay paagi nga matuman nato ang tambag gikan sa Dios sulod sa atong kasingkasing gikan sa usa ka kinatibuk-ang komperensya ngadto sa sunod:
-
Human sa komperensya, pagpili og usa ka kinutlo, leksyon, baruganan, o tibuok nga pakigpulong nga midasig kanimo.
-
Ipaambit kini sa imong pamilya ug isulat kini sa dapit diin kini imong makita kada adlaw.
-
Paghimo og tumong kon sa unsang paagi imong magamit kana nga baruganan matag adlaw sa imong kinabuhi.
-
Magsuportahay sa usag usa. Ang pagkamay-tulubagon sa uban usa ka dako kaayong pangdasig!
-
Kon magkaduol na ang sunod nga kinatibuk-ang komperensya, pakig-uban sa imong pamilya ug ipaambit unsay imong nakat-unan ug ang mga panalangin nga imong nadawat gumikan sa pag-apply niini nga baruganan.
Kon molihok kita sa pagkab-ot sa atong piho nga espiritwal nga mga tumong, malig-on ang atong mga pagpamatuod ug maduol kita sa Langitnong Amahan.
Sulayi kini karon!