Mga Pangsakramentong Pangadyi

Contents
Bendisyon sa Tinapay
Bendisyon sa Tubig

Mga Pangsakramentong Pangadyi

Mga Pangsakramentong Pangadyi

Bendisyon sa Tinapay
O Dios, an Amang Daing Kasagkuran, hinahagad po niamo saimo sa pangaran kan saimong Aki na si Jesu Cristo, na bendisyunan asin pabanalon an tinapay na ini para sa mga kalag kan gabos na makinabang kaini, tanganing magkakan sinda sa pag girumdom kan hawak kan saimong Aki, asin magtestigo saimo, O Dios, an Amang Daing Kasagkuran, na boot nindang akoon an pangaran kan saimong Aki, asin danay na girumdomon siya asin sunodon an saiyang mga togon na itinao niya sa sainda; tanganing danay na mapasainda an saiyang Espiritu na makaibahan ninda. Amen.
Bendisyon sa Tubig
O Dios, an Amang Daing Kasagkuran, hinahagad po niamo saimo sa pangaran kan saimong Aki na si Jesu Cristo, na bendisyunan asin pabanalon an tubig na ini para sa mga kalag kan gabos na mainom kaini, tanganing ini magibo ninda sa pag girumdom kan dugo kan saimong Aki, na nagbulos para sainda; tanganing sinda magtestigo sa saimo, O Dios, an Amang Daing Kasagkuran, na danay nindang girumdomon siya, tanganing mapasainda an saiyang Espiritu na makaibahan ninda. Amen.