Mfonyin a Wɔfae fii Abraham Nwoma no mu

Mfo. 1. Kolob, n’asekyerɛ nye abɔdze a odzi kan, ɔbɛn celestial, anaadɛ Nyankopɔn ne tsenabew papaapa. Ɔsor amambu mu panyin, ɔno nye mber ne nkanee mu nsusui no mu dza odzi ekyir. Nsusui tse dɛ celestial mber, ne celestial mber n’asekyerɛ nye da kor a ɔyɛ basafa. Da kor wɔ Kolob mu yɛ mfe apem wɔ asaase yi do, dza Egyptfo frɛ no Jah-oh-eh.

Mfo. 2. Dzi Kolob do, Egyptfo frɛ no Oliblish, ɔno so dzi sor abɔdze amambu panyin no n’ekyir, ɔbɛn celestial anaadɛ bea a Nyankopɔn tse; okitsa tum ne saafee so, ɔkã sor abɔdze nkaa no ho; dɛ mbrɛ Nyankopɔn yii kyerɛɛ Abraham no, ber a ɔbɔɔ afɔr wɔ afɔrmbukyia no do, dza osii maa Ewuradze no.

Mfo. 3. Wɔyɛɛ no dɛ ogyina hɔ ma Nyankopɔn a, ɔtse n’ahengua do, a tum na tumdzi ahyɛ no mã; onnyiewiei kan ahenkyɛw hyɛ ne tsir; ɔkyerɛ Asɔfodzi Krɔnkrɔn no ne Nkasafua-mapã no so, dɛ mbrɛ woyii kyerɛɛ Adam wɔ Eden Ture no mu no, nye Seth, Noah, Melchizedek, Abraham so, nye hɔn a woyii Asɔfodzi no kyerɛɛ hɔn nyinara.

Mfo. 4. Ɔkyerɛ Hebrew kasafua Raukeeyang ase, dza ogyina hɔ ma wimu, anaadɛ ɔsorsor wimu; ɔyɛ Egyptfo hɔn akyerɛw a ogyina hɔ ma apem; ɔkyerɛ Oliblish ne mber no nsusui, a ɔnye Kolob ne nkyinho nye ne mber nsusui yɛ pɛr.

Mfo. 5. Egyptfo frɛ no Enish-go-on-dosh; iyi yɛ sor abɔdze a wɔhwɛ sor abɔdze nkaa no do no hɔn mu kor so, na Egyptfo no see dɛ ɔyɛ Ewia, na ɔsera ne kan fi Kolob hɔ a odua Kae-e-vanrash a ɔyɛ Saafee nwanwa no, anaadɛ, dza yɛbɛkã dɛ, ɔyɛ ɔhwɛdo tum, dza ɔhwɛ sor abɔdze anaadɛ nworaba duenum binom a wotsim fakor no, nye Floeese anaadɛ Bosoom so, Asaase nye Ewia wɔ hɔnho a wokyin afe afe mu no. Sor abɔdze yi dua Kli-flos-is-es, anaadɛ Hah-ko-kau-beam, nworaba no a wɔdze nkanee 22 na 23 egyina hɔ ama hɔn no, nya kan fi Kolob ne nkyinho no mu.

Mfo. 6. Gyina hɔ ma asaase yi wɔ ne mfɛndzanan no mu.

Mfo. 7. Gyina hɔ ma Nyankopɔn a ɔtse n’ahengua do, fi sor riyi Asɔfodzi nwanwa noho Nkasafua-etsitsir mapã no kyerɛ; nye Sunsum Krɔnkrɔn no ho asɛnkyerɛdze no so tse dɛ ebubur dze rekyerɛ Abraham.

Mfo. 8. Kyerɛ nkyerɛwee bi a wonnkotum eyi akyerɛ wiadze; mbom wobohu no wɔ Nyankopɔn ne Temple Krɔnkrɔn no mu.

Mfo. 9. Onnyi dɛ woyi kyerɛ wɔ dɛm aber yi mu.

Mfo. 10. Iyi so dɛmara.

Mfo. 11. Iyi so dɛmara. Sɛ wiadze botum ehu akyerɛw yinom a, ɔnyɛ hɔ dɛm. Amen.