I SOMOL ni micheg nra fal’eg rograd

1 Nning e n’uw ngak SOMOL u nap’an ni be sum yuwan e gek’iy ko yu duw. I SOMOL e ma pi’ e manileng ni baye n’uw riy nge aw, ni nge galunglung nag e yung i flang ni fan ngak gubin e girdi’.

2 Girdi’ e ma fith lanyan’ e pi liyos nge pi tamanbay, machane fulweg ni yad ma pi’ e go’ ban ni dariy fan. Bochiyad e ma weliy fan e lik’ay, ma kemus ni yad ma olobochiyem; ya ayuw ni yad ma pi’ e dariy fel’ngin. Ere girdi’ e be goroy i yan ni bod e saf nike malog. Kar oloboch gad ni bochan e dariy be’ ni be gafaliyrad.

3 Be ga’ar SOMOL, “Kar gu damumuw ngak e girdi’ nu bang ni yad be yog e n’en ni nge rin’ e girdi’ rog, ma aram e nggu gechig nagrad. Girdi’ nu Judah e ba milfarad ngog, ma gag SOMOL ni Gubin ma Rayag Rok, e bay gu aywegrad. Bay ra manged e pi os rog ko mael nib gel gelingrad.

4 U fithik’rad e bayi sum e pi’in nge yog e thin, pi tayugang’, nge pi tolang ko salthaw ni ngar gagiyeg niged e girdi’ rog.

5 Piyu Judah e bay ur gelgad ni bod e pi salthaw ni yad ma yotyot e pi to’ogor rorad u fithik’ e rungdu’ u lan e yupa’ i kanawo’. Bay ra chamgad ni bochan SOMOL ni bay rorad, bay ur gelgad ni mus ngak fa raba’ i salthaw ni yad ba falu’ ni girdi’en e yan u os ma yad ra gel ngorad.

6 “Bay gu pi’ gelngin e girdi’ nu Judah;ma bay gu ayweg e girdi’ nu Israel ni dabi buch ban’en rorad;ma bay i kireban’ug ngoradnggu fulwegrad nga taferad.Ni gowa dag fek owcheg rorad.I Gag SOMOL ni Got rorad; bay ug fulweg taban e meybil rorad.

7 Girdi’ nu Israel e ra yib gelingrad ni bod e pi salthaw,ni yad ba felfelan’ ni bod e pi’in kar unumed e wayin.Pi’in owcharad e bay i par u wan’rad e re gel ney nra ted.miyad felan’ ni bochan e n’en nike rin’ SOMOL.

8 “Bay gu pining e girdi’ rogngar mu’ulung gad nga ta’bang.Bay gu aywegrad ni dabi buch ban’en roradma bay gu yo’or nagrad ni bod farad yo’or kafram.

9 Yug aram rogon ni gu pagrad ngar weargad ko pi nam i yan,machane yad ra leam nigeg u lan e pi nam nem nib palog.Yad nge pifakrad e yad ra fosma bay ra sulod nga taferad u ta’bang.

10 Piyu Egypt ngu Assyria e bay gu fulwegrad nga taferadngar pired u lan e nam rorad.Ku bay gu tayrad ngalan yu Gilead ngu Lebanon ngar pired riy;ga’ngin fare gi but’ ni bay i sugnag e girdi’.

11 Nap’an ni yad ra th’ab dayin e gafgow rorad,ma Gag SOMOL, e bay gu toy e pi n’ew,me mlik’ lan e lul’ ni Nile nib to’ar.Yu Assyria ni yad ba tolngan’ e bay i sobut’anrad,ma yu Egypt nib gel gelingrad e bay i m’ay gelingrad.

12 Bay gu pi’ gelngin e girdi’ rog;ngu’ur liyorgad ngog ma yad be fol rog.”I SOMOL e keyog e pi thin ney.