Fare Mo’on

1 Adag rog, ri gab pidorang!Be galgal e adag u marwam u fon fagi mad u owchem.Ma piyan lolugem e be churu’ ni bod ba ran’ i kamingni be og i yib nga pe’ning ko fapi burey nu Gilead.

2 Nguwelem e ta’reb feni weach ko safni kafinn th’ab bunu’en ka ni maluknag.Ma dariy reb nike mul,ma ba ta’reb foyen.

3 Dap’il’ugnam e bod bang i mad nrow;ma kabfel’ boch ya’an ni ga ra non.Be galgal ra’en linglingim u fon fare gi mad u owchem.

4 Blel’ugnam e bod e wulyang ku David,nib pulpulo’ ma ba pach,ni bay bikiy i churwa’ ni be gafgaf riy ni bod rogon bbiyu’ yang i shield.

5 Thuthum e bod e gazelle,ni gowa l’agruw i deer ni athlog ni yow be kay e pan u fithik’ e floras ko giyab.

6 Bay gu par u daken e burey ni myrrh,ni burey ko incense,nge taw ko ngiyal’ nike yib nifngin e kadbulma ke chuw e lumor.

7 Adag rog, ri gab pidorang;ni dabiyag i yog fel’ngim!

8 Male’ rog, moy ngad chuwgow ko pi Burey nu Lebanon;moy ngad chuwgow u Lebanon.Mu chuw u p’ebgul e Burey nu Amana,ngu p’ebgul e Burey nu Senir nge Burey nu Hermon,ko gin ma par e layon nge leopard riy.

9 Rogon e changar u owchem, i gur athibon an’ug ma male’ rog,nge fa ke churwa’ ni ka mu the’ nga bilel’ugname ke kal nga adig.

10 Adag rom e ba felan’ug ngay,i gur athibon an’ug ma male’ rog.T’ufeg rom e kabfel’ ko wayin;ma florida rom e kabfel’ bon ko urngin mit e fangur.

11 Lamen e honey dap’ilugnam to’,ma blothem e milik nge honey rog.Mad rom e bay urngin e fel’ bon nu Lebanon riy.

12 Athibon an’ug, ma male’ rog, e ba milay’ nib ling,ba milay’ ni ka ni rungrunguy, ba alublub ni go’ gag ngay;

13 u rom e ma dammal e woldug riy.Ni bang i gak’iy ni pomegranate nni yungni k’uf ma tin th’abi felel’ e wom’ngin.De lich e henna nge nard riy,

14 nge saffron, calamus, nge cinnamon,ara pi incense ni gubin mit.Myrrh nge aloe e ma tugul u romnib sug ko tin th’abi fel’ bon e fangur.

15 Pi alublub e ma tarannag fare milay’,nge ran ni be yan,nge yoch pa’ i lul’ ni be yib ko pi burey nu Lebanon.

Fare Pin

16 Nifengin e lel’och, mu od.Nifengin e yimuch, mu tanfengnag e milay’ rog;ma ga sugnag fithik’ e nifeng ko fel’ bon.Mu pag gamareg nge yib ko milay’ roknge kay e tin thabi fel’ u wom’ngin.