1 Irera’ e tin ni yi’iynag Obadiah — ni aram e n’en ni yog SOMOL ni Th’abi Tolang u murung’agen e nam nu Edom.

I SOMOL e bayi gechignag yu Edom

I SOMOL e l’oeg e mal’og rok nge yan ko pi nam,ma kad rung’aged e thin rok:“Da fal’egned rogdad! Ngad m’aged e mael nga Edom!”

2 I SOMOL e be ga’ar ngak yu Edom,“Bay gu me’waer nigem;bayi gubin e girdi’ me dabuyem.

3 Tolngan’ rom e ir e ke ban nigem.Tochuch rom e kan yororiy ko war nib el;tafnam e bay ngalang u fithik’ e pi burey,ma kam ga’ar u wun’um,‘Mini’ e rayag rok ni girngiyeg nga but’?’

4 Yug aram rogon ni kam ngongliy tafnamni bod feni tolang tafen e arche’ ni eagleni yira ga’ar ke ma’thuk nga fithik’ e t’uf,ma ngug girngiyem nga but’.

5 “Fa’anra yib e pi moro’ro’ nnep’,ma kemus ni tin yad ba’adag e yad ra fek.Nap’an nra kunuy e girdi’ e grape,ma gubin ngiyal’ ni yad ma pag buchu’uw.Machane pi to’ogor rom e kar feked rom ni gubin.

6 Gimed e pi’in owchen Esau, ka ni leag u yargal e pi machaf romed.

7 Pi’in gimed ngabang e kar ban niged gimed;kar tulfed gimed nga wuru’ e nam romed.Girdi’ ni urmed nib gapas thilmed e kar koled gimed e chiney.Fapi fager ni um abichgad u ta’bang e kar ted e wup ni ngam awgad ngay;yad be yognem ni yad be ga’ar, ‘Bu uw fapi luguy rok?’

8 “Rofen nem ni nggu gechignag yu Edom,e bay gu thang mit e pi pumo’on riy nib llowan’,mug chuweg gubin e gonop rorad.

9 Girdi’en e cham nu Teman e bay rrusgad,ma gubin e salthaw nu Edom ni bay ni thang e fan rorad.

Tapgin e gechig nga Edom

10 “Bochan e mororo’ nge thang pogofanni um tay ngak pibe’ rom ni pi’in owchen Jakob,bay ni thirfem u but’ me m’ay fam ni manemus.

11 Mu gilaf ngam telem u orelu nap’an ni t’ar e pi to’ogor e garog rorad nga but’,ta’reb fanam kireb ngak e pi girdi’ nu bang nemni kar feked e fla’ab u pa’ yu Jerusalemkar f’othed u dakenrad.

12 Thangri dab mu girig ngakpibe’ rom nu Judah ko buch wa’athan ni kar ted.Thangri dab mu felfelan’e rofen nem ni pil nga pa’rad.Thangri dab mu minmin ngoradko buchbuchan’ ni kar ted.

13 Thangri dab mman ngalan e binaw ko girdi’ rogngu’um girig ngorad ko gafgow ni kar awgad nga fithik’ma ga leag e fla’ab rorade rofen nem ni kar gafgowgad.

14 Thangri dab mu sak’iy ko tamdardar ko kanawo’ni ngam kol e pi’in yad be guy rogon ni ngar thaygad.Thangri dab mu pi’rad nga pa’ e to’ogore rofen nem nike buchbuchan’rad.

I Got e ra pufthinnag e pi nam

15 “Ke chugur ko rofen ni Gag SOMOLe nggu pufthinnag e pi nam.Edom, n’en ni kam rin’e bay ni rin’ ngom.Ngonglem e bayi sul ngom.

16 Girdi’ rog e kar unumed ba kap i gechig nib mo’oyu daken e burey rog nib thothup.Gubin e pi nam nib liyeg e kabgel e mo’oyni yad ra unum ko fare kap ko gechig;yad ra unum nge m’ay miyad m’ay ngabang.

Gel ni tay piyu Israel

17 “Machane daken e Burey nu Zion e ra mil bochiyad riy,ni aram e gin’en nra par nib thothup.Fapi girdi’ rok Jakob e bay ra tafnayedfare gi but’ nriyad e matawrad ni ngar tafnayed.

18 Girdi’ rok Jakob nge Josef e yad ra bod e nifiy,yad ra thang mit e girdi’ rok Esauni bod e nifiy ni urfiy e chabung.Dariy reb i owchen Esau nra magach nib fos.I Gag SOMOL e kugog e pi thin ney.

19 “Girdi’ ko yimuch u Judah e bay ra pired u Edom;ma pi’in yad bay u enggin e burey ko ngal e bay ra koled yu Filistia.Piyu Israel e bay ra tafnayed e gin nib milfan nga Efraim ngu Samaria;fapi girdi’ ko Benjamin e bay ra feked yu Gilead.

20 Fa raba’ i salthaw nib kalbus u wuru’ e nam ni girdi’en e lay ni lel’och yu Israele bay ra sulod ngar koled yu Foenicia nge yan i mada’ ko lel’och u Zarefath.Fapi kalbus nu Jerusalem ni yad bay u Sardise bay ra koled e yochi binaw ko yimuch u Judah.

21 Pumo’on ni falu’ nu Jerusaleme bay ra cham gad nga Edom ngar gagiyeg niged.Ma SOMOL e ir e bayi pilung.”