1 Ke riya’ fare binaw nib sasalap nib tathang e pogofan,nib sug ko fla’ab ni bay ni leag min giliwnag!

2 Motoyil! Nga lingan e pi dumow,nge tayapyap ni be grilril,nge lingan e titimo’og ni be tay e pi os,nge lingan e chariot ni be gril u kanawo’!

3 Girdi’en e yan u os e kar thay gad nga m’on ni cham,ma be mat ra’en e saydon nge sarey!Pi Idow e ke burey u but,ni bogi yam’ ni dabkiyag i the’eg urngin —be tun ay e girdi’ ngorad!

4 Nineveh ni fare gathar ni yibe gechignag.Nib gamog ma fel’ngin e ba sug ko yub,ma pingeg lanyan’ e pi nam nge m’agan’rad ngak miyad sib.

5 I SOMOL ni Gubin ma Rayag Rok e be ga’ar,“Nineveh i gur e bay gu gechig nigem!Bay gu chuweg gubin ban’en rom ngam par u tamilangmug pag e pi nam ngar guyed gur,u fithik’ gubin e tamra’ rom.

6 Bay gu tem u fithik’ e faneynikanmug tharayem ko tin sonogor.Bay i lik’ath e girdi’ ngom u fithik’ e tamdag.

7 Gubin e pi’in yad ra guyem ma yad ra sul riy nga tomur.Bay ra ga’ar gad, ‘Nineveh e dakriy waton u but’!Gur mini’ e ramoy bochu’uw i runguy rok ngak?’Gur, mini’ e ba’adag ni nge fal’eg lanyan’?’”

8 Nineveh, gur e gabfel’ boch ngak yu Thebes, ni aram e tochuch nu Egypt? Ir ma immoy ba lul’ ni i yororiy ni bod bang i rungrung, fare lul’ ni Nile e i mang rungrung ngak.

9 Thebes e i gagyag nag yu Ethiopia nge yu Egypt, gelngin e dariy folen; yu Libya e yow nga barba’.

10 Girdi’ nu Thebes e kan fekrad ni kalbus nga wuru’ e nam. Gubin e m’ing ko kanawo’ ma go’ bay pifakrad riy ni kan li’rad karm’ad. Pi pumo’on ni tayugang’ rorad e kan chen nagrad kan fekrad kan graregrad u pa’ e pi to’ogor rorad.

11 Nineveh, ku arrogom ni bay i math lanin’um ni bod be’ nib ching nag! Ma ku arita’ ni bay um guy rogon ni ngam mil rok e pi to’ogor rom.

12 Urngin e pi yoror rom ko mael e bod e gak’iy ni fig nike lol wom’ngin, mu rurug fapi gek’iy me munugun wom’ngin nib pluw ngalan langam!

13 Pi salthaw rom e dariy ban’en nrayag rorad, ma nam rom e kem’ay gelngin u p’eowchen e pi to’ogor rom. Nifiy e bayi kirebnag e man’ ko garog rom.

14 Mu l’ing e ran ngam fel’eg rogom, mag gelnag e pi yoror rom ni fan ko mael! Mu athkuy e but’ ngan ngongliy e rengnga riy, mag fal’eg rogon e rengnga nge par!

15 Demturug ko mang e ga ra rin’, ma yira’ urfiyem nga mum’ fa ni thangem u fithik’ e mael. Bay ni thirif’em u but’ ni gowa woldug ni languy e asamning!Kam yo’orgad ni bod e asamning!

16 Kam yo’ornag e pi tasiyobay rom ke yo’or ko t’uf u lanelang! Machane chiney e darmoyed, ni bod e asamning ni kar pithged porad kar changaggad karanod.

17 Pi tolang rom e bod ba ran’ i asamning ni yad ma par u fithik’ i faran e rungrung u reb e rran nib garbeb. Machane nap’an nra yib e yal’ ngalang, miyad changag ngranod, ndariy be’ nim nang ko uw e karsorgad ngay.

18 Pilung nu Assyria, pi governor rom e karm’ad, ma pi pilung e kar moled ni dariy n’umngin nap’an! Girdi’ rom e kar wearweargad u daken e pi burey, ma dariy be’ ni ku ra fulwegrad bayay nga tabnaw.

19 Dariy falayin e pi maad’ad rom, ma pi maad’ad rom e dabi fos. Gubin e pi’in yad ra rung’ag murung’agen e gafgow ni kam tay mar waywaygad ko fel’felan’. I mini’ e yag rok ni thay u tan pa’am ni dariy tungun e kireb ni um rin’ ngak?