Kwadi edia hahevahu

1 Iehova ena hereva Ioel Petuel enai e kau. Ini e gwau toma:

2 Iahu e, ina na a kamonai!Tano inoholaina taumui iboumui ai, taiamui a hakala!Umui emui nega ai eiava tamamui edia nega aikara inihetomana vada e vara a?

3 Natumui ba hamaorolaidia,bena idia ese natudia ma bae hamaorolaidia,gabeai unu natudia ese uru ta ma bae hamaorolaidia.

4 Rau-ani kwadidia ese e rakatani ḡaudia nakwadi tabatabadia ese vada e ani;bona kwadi tabatabadia ese e rakatani ḡaudia naroho kwadidia ese vada e ani;bona roho kwadidia ese e rakatani ḡaudia nahahevahu kwadidia ese vada e ani.

5 Kekero taumui e, a noga, ba taitai;vine ranuna o inumu taumui, ba tai lolololo;vine ranuna gaihona dainai ba tai,badina be udumui amo vada eme heabi oho.

6 Badina be bese ta vada e tore isi, lauegu tano ihadikana totona,mai siahudia bona diaḡau;isedia na leona isedia na heheto,gadigadidia na leona hahinena gadigadina na heheto.

7 Egu vine audia vada e havahudia,egu suke audia vada e hakwaidudia;kopidia vada e vakadia oho, vada e negedia dobi;rigidia vada e hakurokurodia.

8 Ba taitai, hane-ulato rami-hebouna na heto;puse dabuana e rioamu, maohenina taina e taimu.

9 Flaoa boubouna bona inuinu boubouna ḡaudia naIehova ena dubu amo vada eme heabi oho.Helaḡa taudia, Iehova ena hesiai taudia,na e taitaimu.

10 Biru gabudia vada e vahu,tano na e taimu;badina be uit vada e dika vaitani,vine ranuna e oremu, dehoro na e-dodomu.

11 Biru taumui e, daramui bae doko;vine ireḡudia taumui e, ba tai;uit bona bali daidiai,uma anidia vada e dika dainai.

12 Vine auna e maraimu,suke auna e kakoromu;rimono, pamu, apolo,bona imea audia iboudiai e maraimu;bona moale e oremutaunimanima natudia ediai.

13 Hahelaḡa taumui e, puse dabuadia ba rio, ba tai;ihaboulaina patadia ireḡudia taumui e, ba tai lolololo.Egu Dirava isiaina ilao-henina taumui e,a raka vareai, mai puse dabuamui, ba noho rani.Badina be flaoa boubouna bona inuinu boubouna ḡaudia naemui Dirava ena dubu amo vada e herumu.

14 Anivaga ta ba hahelagaia;hebou helaḡana ta ba boilaia.Hanua tau-badadia ba haboudia,bona tano inoholaina taudia iboudiai danu;Iehova, emui Dirava, ena dubu ai bae hahebou,Iehova bae tai henia.

15 Dina madi ihabaina!badina be Iehova ena dina vada eme kahikahi;hahebua-tari, Siahu-idoinai Diravana ena amo,unu e mai tomamu.

16 Aniani na ita vairada amovada eme heabi oho ani?Moale bona lalo-namo na eda Dirava ena dubu amovada eme heabi oho ani?

17 Uhe na tano baruadia henudiai e masemu;habou-habou rumadia vada e ḡaḡae;roge vada e dika,badina be uma na asi anidia.

18 Ubu-ubu ḡaudia na e ḡanaganamu,boromakau seridia na e daradaramu,badina be asi adia rei;mamoe seridia danu kudoudia e hetahamu.

19 Iehova e, lau oi na tai henimumu;badina be tano ḡaḡaena ena rei gabudia nalahi ese vada e aradia ore;bona tano paka audia iboudiai nalahi hururu-hururuna ese vada e aradia.

20 Uda boromadia ese danu oi e tai henimumu,badina be sinavai-sinavai vada e kororo,bona tano ḡaḡaena ena rei gabudia nalahi ese vada e aradia ore.