Hahemaoro Babulono latanai

1 Babulono hane-ulato rami-hebouna e,aoma, gahu ai ba helai.Kaldea natuna hahinena e,tano ai ba helai, asi emu lohia helai ḡauna.Badina be tau-anina manada-manada bona aniani inonoḡadia ianidia hahinena nabasie gwauraimu lou.

2 Huro nadidia avabi, uit ba idi patapata;vairamu iḡovalaina dabuana ba kokia;emu hahedoki ba doki oho, aemu bae ḡaḡae,sinavai amo ba turu hanai.

3 Asi ramimu bae itamu,emu hemarai baine hedinarai.Dava baina abia,tau ta basina bogaia hisi.

4 Ihamaurida Diravana ladana na Iehova Sabaota;ia na Israel ena Helaga Diravana.

5 Kaldea natuna hahinena e, asi reḡereḡemu a helai,dibura lalonai baola;badina be basileia ilohiadia hahinena nabasie gwauraimu lou.

6 Egu bese taudia na badu henidia,ahugu na hamiroa;oi imamu ai na atodia,oi ese so bogadia hisi;emu maduna o hametaua herea,iahu latadiai.

7 Oi oto “Baina lohia hanaihanai”,taunabunai ini gau so lalodia,bona dokodia so lalo tao.

8 Taunabunai, moale iura-henina hahinemu e,ina hereva ba kamonaia.O helai namonamomu,lalomu ai o tomamu“Lau binai, idauna ta na lasi;lau na basina vabu, bona natugu ta basine mase”.

9 A ini ḡau rua na emu ai bae kau,nega tamona ai, dina tamona ai:ena be emu mea karadia na momo,bona emu babalau karadia na siahu-herea,to natumu edia mase bona emu vabu esebae hametaumu herea.

10 Emu kara havara ai o noho namonamova oto;oto “Ta ese se itagumu”;emu aonega bona emu lalo-parara esee hakaumu kerere;bona lalomu ai oto“Lau binai, idauna ta na lasi”.

11 A dika na oi latamu ai baine kau,basio hamamaia ahu diba;ala-ala na latamu ai baine diho,basio hamamaia ahu diba;hahebua-tari ese baine lasimu tao taku,asi dibamu ḡauna.

12 Emu babalau karadia ba kara balaheni,bona emu mea karadia danu, kekenimu negana amo vada o goadalai ḡaudia,bena readia anidia bae vara,bena taunimanima na ba hagaridia.

13 Emu hahealo taudia na hutuma dainai lalomu na e hekwarahimu;vada bae gini tore, bena bae hamaurimu.Idia ese guba e hahetohoamu,bona hisiu e orodiamu,bona hua matamata negadia ai e gwaurai hatamu,dahaka na emu ai baine vara.

14 A itaia, idia na rei kakoro na heto,lahi ese e aradia oremu;idia na lahi hururu-hururudia amosibodia irauadia asi dibadia.Ina na dia gida, bena bae hegana;eiava lahi, bena badibadinai bae helai.

15 Oi ida vada o hekwarahi hebou taudia,kekenimu negana amo oi ida vada o gaukara hebou taudia,oiemu ai na unu heheto.Idia na e loa eva-evamu, ta ta ena dala ena dala ai,a oi na asi ihamaurimu ta.