Meybil rok Habakkuk

1 Ba meybil ni tay Habakkuk ni profet.

2 A SOMOL, kug rung’ag e n’en kam rin’,ma ke balyang an’ug ngay.Kkum rin’ bayay ko ngiyal’neyfapi maang’ang ni um rin’.Yugu ra kam damumuw, ma ngar mu runguymad.

3 Got e be yib u Edom;Got nib thothup e be yib ko yochi burey u Paran.Rama’en ni be galgal e ke sug nag lanelang;fayleng e ke sug ko pi lam ni be pining e sorok ngak.

4 Be yib ni yow ram’en e uluch;be matmat e tamilang u pa’,aram e gin bay gelngin riy ni be par nib mith.

5 Ke l’oeg e liliy ke yib ni be m’on rok;ma ke non ngak e yam’ ni nge lek.

6 Ra tal, me rur e fayleng;ra sap, me t’on e pi nam.Fapi burey nike kakrom e ke puth;ma yochi burey nike kakrom e ke aw nga but’,ni fa yochi burey ni i yan u daken kakrom.

7 Kug guy e girdi’ nu Kushan ni kar rus gad;ma girdi’ nu Midian e yad be t’on.

8 SOMOL mog, pi lul’ e kar k’aringed e puwan’ ngom?Mog, day e ke k’aring e damumuw ngom?Kam af nga daken e manileng ka mub;manileng ni yoko’ e chariot rom,ni fa’an mu gagiyegnag e tirom e girdi’ ngar gelgad.

9 Mu fal’eg rogom ni ngam maruwel ko gat’ing rom,tafen gan e gat’ing rom e sug nag gan e gat’ing.Uluch rom e tareg e fayleng.

10 Fa’ani guyem e pi burey miyad durru’;me map’ e ran u lanelang nga but’.Me chub lingan e ran u tan e but’,me puw e n’ew rorad nge tolang.

11 Nap’an ni mat ram’en gan e gat’ing rom ni thay nib machreg,me galgal e sarey rom,me tal e yal’ nge pul u tagil’.

12 Ma ga yan u fayleng ni kam damumuw;ma ga yot’yot’ e pi nam nga but’ u fithik’ e damumuw rom nib gel.

13 Ma ga yan ni ngam ayuweg e girdi’ rom u pa’ e to’ogor,ni ngam ayuweg fare pilung ni gur e mmel’eg.Kam li’ e en ni be yog e thin rok e girdi’ ni kireb,ma kam thang owchen e tirok e girdi’.

14 Pi gan e gat’ing rom e aw ngak e en tagafaliy e salthaw rokko fa ngiyal’nem nrabad ni bod ba yoko’ ni ngar wereged gamad,ni yad be migrig ni bod e pi’in yad ma chuchuy nga but’ e pi’in gafgow ni yad be rin’ nib mith.

15 Pi os rom e i yot’yot’ lan e day,me cham e day me m’ag e wuth daken e day.

16 Gu rung’ag e pin’ey ni gubin, mu gu t’on;me da’da’ dap’il’ugunag ko marus.Me m’ay yileg,me m’ing e bug u eg.Bay gu sonnag u fithik’ e gumaen’ e ngiyal’ ni bayi taw ngayme gechignag Got e pi’in kar maelgad ngomad.

17 Yugra yan i par ndariy wom’ngin e gek’iy ni fig,ma dariy wom’ngin e grape;Yugra de k’uf e gek’iy ni olive,ma de k’uf e grain;mus nra yim’ urngin e saf,ma yugra par tafen e garbaw ndakuriy e garbaw riy;

18 ma kug ra par ni gub felfelan’ni bochan e SOMOL ni Got e ir e be ayuwegneg.

19 I SOMOL ni Th’abi Tolang e ma pi’ gelngig.Ir e ma machregnag tungun eg ni bod ba gamanman ni deer,me teg ni dabi buch ban’en rog u daken e pi burey.