7 Ihangad ang inyong mga ulo, O kamo nga mga kaliwat ni Jacob; ug magpabayaw kamo; ug ang Ginoo kusgan ug gamhanan; ang Ginoo gamhanan sa pakiggubat, kinsa mao ang hari sa kahimayaan, mopahimutang kaninyo sa kahangturan.

8 Ug siya molukot sa mga langit; ug manaog aron sa pagtubos sa iyang mga katawhan; sa paghimo kaninyo nga usa ka ngalan nga walay katapusan; sa pagpahimutang kaninyo diha sa iyang walay katapusan nga lig-on nga sukaranan.

9 Ihangad ang inyong mga ulo, O kamo nga mga kaliwat ni Jacob; ihangad ang inyong mga ulo, kamo nga mga kaliwat nga walay katapusan, ug ang Ginoo sa mga panon, ang hari sa mga hari;

10 Gani ang hari sa kahimayaan moduol nganha kaninyo; ug motubos sa iyang mga katawhan, ug mopahimutang kanila diha sa pagkamatarung.