HJS, Mateo 6:14 (itandi sa Mateo 6:13; managsama nga mga kausaban gihimo diha sa Lucas 11:4)
(Ang Ginoo dili modala kanato ngadto sa pagtintal.)
14 Ug dili motugot kanato nga madala ngadto sa pagtintal, apan nagluwas kanato gikan sa dautan.
HJS, Mateo 6:22 (itandi sa Mateo 6:22)
(Kon ang atong mga mata bug-os ngadto sa himaya sa Dios, ang atong tibuok nga mga lawas mapuno sa kahayag.)
22 Ang kahayag sa lawas mao ang mata; busa kon ang imong mata bug-os ngadto sa himaya sa Dios, ang imong tibuok lawas mapuno sa kahayag.
HJS, Mateo 6:38 (itandi sa Mateo 6:33)
(Kita kinahanglan maningkamot sa pagtukod og una sa gingharian sa Dios.)
38 Busa, ayaw pangita sa mga butang niini nga kalibutan apan paninguha kamo sa pagtukod og una sa gingharian sa Dios, ug sa pagpatunhay sa iyang pagkamatarung, ug kining tanan nga mga butang idugang nganha kaninyo.