JSN, Matthew 21:33. Fa to Matthew 21:32–33 ho
Otwar dɛ nyimpa nu no ho ansaana oetum agye Christ edzi.
33 Na obi a ɔanngye John enndzi wɔ mo ho no, runntum nngye me nndzi, gyedɛ odzi kan nu no ho.
JSN, Matthew 21:47–56. Fa to Matthew 21:45–46 ho
Na Jesus paa mu kã dɛ Nankasa nye kutuwdo-bo tsitsir no. Asɛmpa no wɔdze ma Jewfo nna nkyii Amanamamfo no. Ber a Jesus bɛsan aba no wɔbɛsɛɛ emumuyɛfo no.
47 Na aber a asɔfompanyin nye Phariseefo no tsee ne mbɛ no wohun dɛ ɔkãa hɔn ho asɛm.
48 Na wɔkekãa wɔ hɔn mu dɛ, Ana nyimpa yi dwen dɛ ɔno nkõ botum asɛɛ ahenman kɛse yi? Na hɔn bo fuuw no.
49 Mbom, ber a wɔhwehwɛɛ dɛ wɔkyer no no, wosuroo nyimpadodow no osiandɛ wohun dɛ nyimpadodow no faa no dɛ ɔyɛ nkɔnhyɛnyi.
50 Na afei n’esuafo no baa no hɔ, na Jesus see hɔn dɛ, Mbɛbu nsɛm a mekãa kyerɛɛ hɔn yi yɛ hom ahobow?
51 Nokwar, mese hom dɛ, emi nye ɔbo no, na dɛm emumuyɛfo no poow me.
52 Emi nye kutuwdo-bo ne tsir, Jewfo yinom bɔhwe mo do na wobobubu.
53 Na Nyankopɔn n’ahenman no wɔbɛgye efi hɔn hɔ, na wɔdze bɛma ɔman a ɔdze no mu eduaba ba; (ɔkyerɛ Amanamamfo no).
54 Dɛm ntsi, obiara a ɔbo yi bɔhwe no do no, ɔbɔdwow no dɛ isiam.
55 Na dɛm ntsi aber a wenyin ture no no Wura bɛba no, ɔbɛsɛɛ dɛm ebusuyɛfo, emumuyɛfo no, na ɔdze ne wenyin ture bɛsan afɛm ekuafo fofor, wɔ nda a odzi ekyir no mpo, hɔn na wɔdze eduaba no bɛma no wɔ hɔn hyɛber mu no.
56 Nna nkyii wɔtsee ne mbɛ no a ɔkãa kyerɛɛ hɔn no ase, dɛ Amanamamfo no wɔbɛsɛɛ hɔn so, ber a Ewuradze besian efi sor na oebedzi hen wɔ ne wenyin ture no mu, a ɔyɛ asaase yi na no mu mba.