JSN, Matthew 16:25–29. Fa to Matthew 16:24–26 ho
Jesus kyerɛkyerɛ “ebɛfa wo mbeamudua” n’asekyerɛ mu: dɛ ebɛpa dza ɔnnyɛ nyamesu nye wiadze akɔndɔdze biara na ibesie Ne mbrasɛm no.
25 Nna Jesus see n’esuafo no dɛ, sɛ obi pɛ dɛ odzi m’ekyir a, ɔmpa no ho, na ɔmfa me mbeamudua na ɔnkã mo do.
26 Na afei obi afa ne mbeamudua no nye dɛ, ɔbɛpa dza ɔnnyɛ nyamesu, wiadze akɔndɔbɔn nyinara, na obesie me mbrasɛm.
27 Mma hom mmbu me mbrasɛm do mfa ngye hom nkwa; na obiara ɔbɛgye no nkwa wɔ wiadze yi mu no, ɔbɛyew no wɔ wiadze a ɔbɛba no mu.
28 Na obiara a ɔbɛyew no nkwa wɔ wiadze yi mu, wɔ emi ntsi no, obohu no wɔ wiadze a ɔbɛba no mu.
29 Dɛm ntsi, hom mpa wiadze no, na hom ngye hom akra; na sɛ nyimpa nya wiadze nyina, ma ɔhwer nankasa ne kra a, ebɛn mfaso na obenya? Anaa ebɛnadze na nyimpa bɛma dze asesã ne kra?