20 Ut naq yookeb’ chi wa’ak, li Jesus kixchap li kaxlan wa ut kirosob’tesi, ut kixjachi, ut kixk’e reheb’, ut kixye, K’ulumaq, ut wa’omaq.

21 K’ehomaq reetal, wan a’in cheb’aanu re xjultikankil lin tib’el; xb’aan naq a’ yaal chi kok’ aj xsa’ jo’ nekeb’aanu a’in taajultiko’q eere li hoonal a’in li kinwan wi’ eerik’in.

22 Ut kixchap li uk’leb’ sek’, ut chirix naq kib’antioxink, kixk’e reheb’, ut chixjunileb’ ke’uk’ak chire.

23 Ut kixye reheb’, A’in re xjultikankil lin kik’el li nahoyman choq’ re naab’al, ut li ak’ sumwank li nink’e eere; xb’aan naq chiwix laa’in teech’olob’ xyaalal chiru chixjunil li ruchich’och’.

24 Ut a’ yaal chi kok’ aj xsa’ jo’ nekeb’aanu li k’ojob’anb’il k’anjel a’in, jultikaqin eere sa’ li hoonal a’in naq kinwan eerik’in ut kin’uk’ak eerochb’een chire li sek’ a’in, sa’ li roso’jikil sut sa’ lin k’anjel.

25 Chi yaal ninye eere, Chirix a’in teech’olob’ xyaalal; xb’aan naq maajun wa chik tinwuk’ ruuchinihom lix toonal li uva eerik’in, toj sa’ li kutan a’an naq tinwuk’ chi ak’ sa’ li rawa’b’ejihom li Dios.

26 Ut ke’raho’ xch’ool, ut ke’yaab’ak chirix.

36 Ut ke’wulak sa’ jun li na’ajej Getsemani xk’ab’a’, a’an jun awimq; ut eb’ li tzolom q’axal naq ke’ok chi k’oxlak, ut chi aalo’k chi naab’al sa’ raam, ut chi wech’ok sa’ xch’ooleb’, ma yaal naq a’in li Mesias.

37 Ut li Jesus, rik’in naq naxnaw lix ch’ooleb’, kixye reheb’ lix tzolom, K’ojlanqex arin, naq laa’in tintijoq.

38 Ut kixk’am chirix laj Pedro, ut laj Santiago, ut laj Jwan, ut kixch’iilaheb’, ut kixye reheb’, Numtajenaq xrahil li waam, toj reetal ajwi’ li kamk; kanaaqex arin ut yo’lenqex.