VJS, Iperiu 7:3. Veidutaitaka Iperiu 7:3
O Melikiseteki e dua na bete ena ivakarau ni Luve ni Kalou. O ira kece era ciqoma na matabete oqo e rawa ni ra yaco me vaka na Luve ni Kalou.
3 Ni ko Melikiseteki oqo a tabaki me bete me vaka na kena ivakarau vua na Luve ni Kalou, ia na ivakarau oqo e sega na tamana, sega na tinana, sega ni soli mai vua e dua, ka sega na itekitekivu ni nona veisiga, se na icavacava ni bula. Ia ko ira kece era sa tabaki ki na matabete oqo era sa caka me vaka na Luve ni Kalou, ka na vauci tu ga kina e dua na bete.
VJS, Iperiu 7:19–21. Veidutaitaka Iperiu 7:19–21
Na lawa e vakarautaki ira na tamata me baleti Jisu, sai koya na “ivakadei ni dua na veiyalayalati vinaka cake.”
19 Ni a sega ni dua na bubului ena kena cakacakataki na lawa ka sega ni vakavinakataki sara kina e dua na ka, ia a vakacurumi ga mai kina e dua na inuinui vinaka cake; o koya eda na toro voleka yani kina vua na Kalou.
20 Me vaka ni a sega ni sega na bubului ni bete levu oqo, sa vakakina na nona yaco ko Jisu me ivakadei ni dua na veiyalayalati vinaka cake.
21 (Ni ra a caka na bete oqori ka sega na kena bubului; ia o koya oqo e dua na kena bubului mai vei koya sa kaya vua, sa bubului na Turaga ka na sega ni veivutuni, O kemudou dou sa bete me tawamudu me vaka na ivakarau i Melikiseteki;)
VJS, Iperiu 7:25–26. Veidutaitaka Iperiu 7:26–27
Sa soli Koya ko Jisu me isoro tawacala ni noda ivalavala ca.
25 Eda sa yaco kina me da bete levu me vakaoqo, ko koya sa savasava, sa sega ni dau veivakararawataki, sa sega ni vakacacani, sa sega ni tiko vata kei ira sa ivalavala ca, sa buli me lewai lomalagi;
26 Ia sa sega ni vakataki ira na bete levu era sa cabora cake na isoro e veisiga, taumada me baleta na nodra ivalavala ca, sa qai baleta na nodra ivalavala ca na tamata; ni sa sega ni gadreva ko koya me cabora na imadrali ni nona ivalavala ca, ni sa sega ni kila e dua na ivalavala ca; ia me baleta ga na nodra ivalavala ca na tamata. Ia oqo sa vakayacora ga vakadua, ena nona cabori koya.