5 Na afei, ɔfa wo mbabanyin beenu ho, Ephraim na Manasseh, a ewoo hɔn wɔ Egypt asaase do, ansaana mereba wo nkyɛn wɔ Egypt no; hwɛ, wɔyɛ medze na m’egyanom hɔn Nyame behyira hɔn, dɛ mbrɛ Reuben na Simeon wobehyira hɔn no mpo, osiandɛ wɔyɛ medze ntsi wɔdze me dzin bɛfrɛ hɔn. (Dɛm ntsi wɔfrɛɛ hɔn Israel.)

6 Na wo mba a ebɔwo hɔn ekyir no na wɔbɛyɛ wodze, wɔdze hɔn nuanom hɔn dzin bɛfrɛ hɔn wɔ hɔn egyapadze mu, wɔ ebusuakuw no mu; dɛm ntsi wɔfrɛɛ hɔn Manasseh na Ephraim ebusuakuw.

7 Na Jacob see Joseph dɛ, Aber a m’egyanom hɔn Nyame yii no ho kyerɛɛ me wɔ Luz, wɔ Canaan asaase do no, ɔkãa me ntam, dɛ ɔdze asaase yi bɛma emi na m’asefo, ma wɔayɛ daapem enyadze.

8 Dɛm ntsi, O mebabanyin, oehyira me ma matsetse wo ma abɛyɛ ɔsomfo ama me, ama aagye me fie efi owu mu;

9 Osian ɔgye a egyee mo nkorɔfo, wo nuanom fii ɔkɔm yaayaayaw mu wɔ asaase no do ntsi; w’egyanom hɔn Nyame behyira wo na eduaba a ofi w’asen mu, ama woenya nhyira ma wɔabor wo nuanom do, ma wɔabor w’egya fie do;

10 Osiandɛ edzi konyim, na w’egya fie abɔ hɔn mu adze ama wo, dɛ mbrɛ wɔdze kyerɛɛ wo no mpo, ansaana ɔnam wo nuanom hɔn nsamu wɔrobɔtɔn wo akɔ Egypt; dɛm ntsi wo nuanom bɔbɔ hɔn mu adze ama wo, efi mbusuasantsen kesi mbusuasantsen dze ama eduaba a wofi w’asen mu afebɔɔ;

11 Na ebɛyɛ kan ama mo nkorɔfo, dze agye hɔn wɔ hɔn ndɔmmum ber mu, efi nkowaasom; na ber a bɔn ama wɔaabɔ hɔn mu adze koraa no, edze nkwagye abrɛ hɔn.