ປຈສ, ປະຖົມມະການ 19:9–15. ປຽບທຽບໃສ່ກັບ ປະຖົມມະການ 19:8–10
ໂລດຕໍ່ຕ້ານຄວາມຊົ່ວຮ້າຍຂອງເມືອງໂຊໂດມ, ແລະ ທູດປົກປ້ອງລາວ.
9 ແລະ ພວກເຂົາໄດ້ກ່າວກັບລາວວ່າ ຖອຍໄປ. ແລະ ພວກເຂົາໄດ້ໃຈຮ້າຍໃຫ້ລາວ.
10 ແລະ ພວກເຂົາໄດ້ເວົ້າໃນບັນດາພວກເຂົາເອງວ່າ ຊາຍຄົນນີ້ໄດ້ມາພັກຢູ່ນຳພວກເຮົາ, ແລະ ບັດນີ້ ເຂົາຈະຕັ້ງຕົນເອງໃຫ້ເປັນຜູ້ຕັດສິນ; ບັດນີ້ພວກເຮົາຈະຈັດການກັບລາວໃຫ້ໜັກກວ່າພວກເຂົາ.
11 ດັ່ງນັ້ນ ພວກເຂົາຈຶ່ງໄດ້ກ່າວກັບຊາຍຄົນນັ້ນວ່າ ພວກເຮົາຈະພາພວກຜູ້ຊາຍໄປ, ແລະ ພວກລູກສາວຂອງເຈົ້ານຳອີກ; ແລະ ພວກເຮົາຈະຈັດການກັບພວກເຂົາ ຕາມແຕ່ພວກເຮົາເຫັນວ່າສົມຄວນ.
12 ບັດນີ້ ນີ້ເປັນໄປຕາມຄວາມຊົ່ວຮ້າຍຂອງເມືອງໂຊໂດມ.
13 ແລະ ໂລດໄດ້ກ່າວວ່າ ຈົ່ງເບິ່ງ, ຂ້ອຍມີລູກສາວຢູ່ສອງຄົນ ທີ່ຍັງບໍ່ເຄີຍຜ່ານຜູ້ຊາຍຈັກເທື່ອ; ຂ້ອຍຂໍຮ້ອງນຳພວກເຈົ້າ, ຂ້ອຍຂໍວິງວອນກັບພວກອ້າຍນ້ອງຂອງຂ້ອຍວ່າ ຂໍບໍ່ໃຫ້ຂ້ອຍເອົາເຂົາເຈົ້າອອກມາໃຫ້ພວກເຈົ້າ; ແລະ ພວກເຈົ້າຈະບໍ່ຈັດການກັບພວກເຂົາ ຕາມທີ່ພວກເຈົ້າເຫັນວ່າສົມຄວນ ໃນສາຍຕາຂອງພວກເຈົ້າ;
14 ເພາະພຣະເຈົ້າຈະບໍ່ຮັບຮອງຜູ້ຮັບໃຊ້ຂອງພຣະອົງໃນສິ່ງນີ້; ດັ່ງນັ້ນ, ຂ້ອຍຂໍວິງວອນກັບພວກອ້າຍນ້ອງຂອງຂ້ອຍ, ເທື່ອດຽວນີ້ເທົ່ານັ້ນ, ວ່າພວກເຈົ້າຈະບໍ່ເຮັດຫຍັງກັບຜູ້ຊາຍເຫລົ່ານີ້, ເພື່ອວ່າພວກເຂົາຈະໄດ້ຢູ່ໃນບ້ານຂອງຂ້ອຍດ້ວຍຄວາມສະຫງົບ; ເພາະສະນັ້ນພວກເຂົາຈຶ່ງໄດ້ມາຢູ່ໃຕ້ຮົ່ມເງົາຫລັງຄາບ້ານຂອງຂ້ອຍ.
15 ແລະ ພວກເຂົາໄດ້ໃຈຮ້າຍໃຫ້ໂລດ ແລະ ເຂົ້າມາໃກ້ເພື່ອຈະພັງປະຕູເຂົ້າໄປ, ແຕ່ທູດຂອງພຣະເຈົ້າ ຜູ້ຊຶ່ງເປັນຊາຍທີ່ບໍລິສຸດໄດ້ເດ່ມືອອກໄປ ແລະ ໄດ້ດຶງໂລດເຂົ້າມາໃນເຮືອນ ມາຫາພວກເພິ່ນ, ແລະ ໄດ້ປິດປະຕູ.