9 Na wɔsee no dɛ, Gyina nkyɛn. Na hɔn bo fuuw no.

10 Na wɔkekãe wɔ hɔn mu dɛ, Akowaa kor yi baa ahɔhotsena wɔ hɛn mu, na afei ɔrohwehwɛ ayɛ ɔtsɛmbuafo, afei yɛnye no bedzi no bɔn asen hɔn.

11 Dɛm ntsi, wɔkãe kyerɛɛ ɔbarimba no dɛ, Yɛbɛfa mbarimba na wo mbabaa no so; afei dza yɛhwɛ a oye no yɛdze bɛyɛ hɔn.

12 Afei iyi nye mbrɛ Sodom emumuyɛdze no tse.

13 Na Lot see dɛ, Afei hom nhwɛ, mo wɔ mbabaa beenu a wonnhun banyin, me, meserɛ hom, wɔmma montotɔ nserɛ mo nuanom dɛ mma wɔmma menye hɔn mmpue mmbrɛ hom; na hom nnyɛ hɔn dza hom hwɛ a oye wɔ hom enyiwa do dɛ wɔdze yɛ hɔn;

14 Osiandɛ Nyame rummbu n’akowaa bem wɔ dɛm adze yi ho; dɛm ntsi, wɔmma montotɔ nserɛ hom, mo nuanom, mpɛn kor yi ara, dɛ mma wɔnnyɛ mbarimba yinom hwee, ama woeenya asomdwee wɔ me fie, osiandɛ siantsir yi ntsi na wɔaba me hatsɛw no nwin ase yi.

15 Na wonyaa Lot ho ebufuw, na nkyɛ aka kakra ma woebu abow no, naaso Nyame n’abɔfoe no a wɔyɛ mbarimba krɔnkrɔn no tseen hɔn nsa na wɔtwee Lot baa hɔn nkyɛn wɔ dan no mu na wɔtoow abow no mu.