Kusuminishiwa kwa kuya kwi Tempele

1. Bushe mwalikwata icicetekelo no bunte muli Lesa, Shifwe wa Muyayaya, Umwana wakwe, Yesu Klistu; na Mupashi Wamushilo?

2. Bushe mwalikwata ubunte bwa cikonsolwelo cakwa Yesu Klistu no bwa mulimo nga Umupusushi kabili no Mulubushi wenu?

3. Bushe mwalikwata ubunte bwa Kubekeshiwa kwa mbilansuma yakwa Yesu Klistu?

4. Bushe mulesimina ukutila Kateka mukalamba uwa Cilonganino cakwa Yesu Klistu ica Basambi Mushinku sha kulekelesha e kasesema, kaamona, kabili e kasokolwela kabili e muntu fye eka pano isonde uwa peelwa amaka yaku bomfya shonse infungulo sha bushimapepo?

   Bushe mulesumina ukutila aba mu butungulshi bwantashi, na ba mukabungwe ka basole ikumi limo na babili nga ba kasesema, ba kamona, kabili na ba kasokolwela?

   Bushe mulesumina abalashi bambi abamubuketko ne ntungulushi shimbi sha mu cilonganino?

5. Lesa atile Fyonse fili noku citwa “mu busaka” ku cinso Cakwe (Amafunde nefi Pangano 42:41).

   Bushe mulesha namaka yonse ukuba aba busaka mu mano na mu micitile?

   Bushe mula sungilila ifunde ilya kuisunga?

6. Bushe mulakonka amasambilisho ya mu Cilonganino cakwa Yesu Klistu mu mikalile yenu iya mubumfisolo na kucintubwingi no lupwa lwenu na bakunse?

7. Bushe mulatungilila amasambilisho, imisango, nangula amafunde ayapusane ne fya mu Cilonganino cakwa Yesu Klistu ica Basambi Mushinku sha kulekelesha?

8. Bushe mulesha namaka yonse ukusungilila isabata, ku nga’nda na kucalici; ukusangwa ku kulongana konse; ukuipekanya kumupashi muku lya icibukisho; no kwikala imikalile ukulingana na mafunde ya mbila nsuma?

9. Bushe mulesha ukuba abacishinka mulifyonse mule cita?

10. Bushe mulapeela icekumi conse?

    Kuli balya bonse abale poka insambu ishakuya bomba imlimo kwitempele palubali lwa bambi, mubepushe ukutila :Bushe muli abaipeelesha ukusungilila ifunde lyaku peela icekumi?

11. Bushe mwalilishiba ifunde ilya kusunga umubili?

12. (Ici icipusho cilafumapo nga cakweba ati mwana nangula umusepela muleipusha) Bushe mwalikwata indalama nelyo ifintu fimbi ifyo mwalingile ukupeela abena mwenu aba kale nelyo abana?

    Nga ba sumina, ipusheni nga bale fikilisha?

13. (Ici icipusho cilafumapo nga cakweba ati tabalayapo kwitempele.) Bushe mulesungilila ifipangano mwapangile mwitempele?

14. (Ici icipusho cilafumapo nga cakweba ati tabalayapo kwitempele.) Bushe mulecindika ishuko ilya mushilo ilya kufwala icakufwala ca mushilo nga efyo mwafundwa mwitempele? (Belengeni “Ukufwala kwa ca kufala ca Mushilo”)

15. Bushe mu bumi bwenu mwaliba imembu ishikalamba ishilefwaikwa ukupwishishiwa na bashimapepo nge ciputulwa ca kulapila kwenu?

16. Bushe muletontonkanya ukuti mwalilinga ukwingila mu ng’anda ya kwa Shikulu no kucitako imilimo ya mwi tempele?

Ifi ifyebo fyakonkapo fya lembwa no Buteko Bwatanshi pa fyakufala fya Mushilo.

“Ifyakufwala fya Mushilo ifya bushimapepo bwamushilo fitwibukisha pekatani lya mwitempele, kabili ili ikatani cimpashanya kuli Yesu Klistu. Nga mwafwala ica kufwala ca mushilo, ninshi mwafwala icishibilo ca mushilo ica kwa Yesu Klistu. Ukucifwala cilanga kunse ubufwayo mwakwata mu mutima ubwa ku mukonka. Kabili, ica kufwala ca mushilo cilamibukisha ifipangano mwapangile mwitempele. Muli no kufifwala akasuba no bushiku mubumi bwenu bonse. Tamulingila ukufula pakubomba incito iinga bombwa ninshi na mufifwala. Nga cakweba ati teti mu bombe nafyo, mulingile ukufifwala palyapena mwapwisha ukubomba. Ilyo mule sugilila ifipangano fyenu, ukubikapo nokufwala ica kufwala ca mushilo nga efyo bami londolwela, mukakwata ukufikapo ukwa pulamo kuluse lwa Mupusushi, ukucingililwa, ukukosa na maka.

Shimapepo alalondolwela umuntu ukutila alingile ukusunga bwino akatupa kakwingilila mwitempele. Tamulingile ukwashimisha kabili muli nokwishibisha shimapepo nga kaluba nangula bakeeba.