13. Fi Kɛse a ɔwɔ Nauvoo
Joseph Smith Kakraba nye n’ebusua kɔree kɛtsenaa Fi Kɛse no mu wɔ Nauvoo Dzifuu 1843 mu. Ekyir no wɔtserɛɛw dan no mu wɔ no boka afamu, mpia no dodow yɛ 22. Sanda n’ahyɛse wɔ 1844 mu no, Ebenezer Robinson dze fie no yɛɛ ahɔho-dan, na Nkɔnhyɛnyi no faa mpia esia dze maa n’ebusua. Wɔdze fie no yɛɛ biribi tse dɛ Nauvoo manmufo agodzibea. Ha na Nkɔnhyɛnyi no hyiaa nkorɔfo ekunyin.
Dza Osisii Tsitsir: Obiradzi 27, 1844 mu no na wɔtoow Nkɔnhyɛnyi Joseph nye no nuabanyin Hyrum na wokum hɔn wɔ Carthage, Illinois, na wɔdze hɔn efun baa fie yi mu bɛdedaa hɔn ansaana worikesie hɔn wɔ ebusua esiei kakraba asaase mu, eetwa Stiitsi Kɛse mu no ara a ɔda nduadan fie dadaw n’anee afamu, bea a Joseph dzii kan tsenae ber a ɔbaa Nauvoo no. Emma Smith tsenaa Fi Kɛse hɔ kesii 1871. Nkyii otui fii hɔ kɛtsenaa Nauvoo Fi no mu, hɔ na owui wɔ 1879 mu.