6. Kayo a Balay ni Peter Whitmer Sr.

Ti napabaro a kayo a balay ni Peter Whitmer Sr., a nabangon iti disso ti pundasion ti sigud a pagtaengan iti Fayette, Nueva York.

Dagiti Napapateg a Pasamak: Inleppas ni Joseph Smith ti pannakaipatarus ti Libro ni Mormon ditoy iti arinunos ti Hunio 1829. Iti kakaywan nga asideg daytoy a pagtaengan, nakita dagiti Tallo a Saksi ni anghel Moroni ken dagiti pinanid a balitok. Naimaldit itan ti pammaneknekda iti amin a kopia ti Libro ni Mormon. Idi maika-6 ti Abril 1830, agarup 60 a tattao ti naguummong iti pagtaengan ni Peter Whitmer tapno saksianda ti pormal a pannakabukel ti Simbaan ni Jesucristo. Naangay ditoy dagiti umuna a miting ken komperensia ti kabukbukel pay laeng a Simbaan. Naawat iti pagtaengan ni Peter Whitmer ti duapulo kadagiti paltiing a nairaman iti Doktrina ken Katulagan.