6. Muv blong Jos i Go Wes

Feyet Profet Josef Smit i bin aot long Feyet blong go long Ketlan, Ohaeo, long Jenuware 1831. Ol trifala branj blong Niu Yok (Feyet, Kolesvil, mo Manjesta) oli folem long Epril mo long Mei 1831 folem oda blong Lod blong oli kam tugeta (luk long D&K 37–38).

Ketlan Ol hedkwota blong Jos oli bin stap long Ketlan stat long 1831 i go kasem 1838.

Indipendens Lod i jusum Indipendens (long Jakson Kaonti, Misuri) olsem senta ples blong Saeon long Julae 1831 (luk long D&K 57:3). Grup blong ol rabis man oli fosem olgeta Sent blong aot long Jakson Kaonti long Novemba 1833.

Libeti Olgeta Sent blong Jakson Kaonti oli bin kam tugeta long Klei Kaonti stat long 1833 i go kasem 1836, mo afta long taem ia, oli bin askem olgeta blong oli mas aot bakegen. Oli bin sarem Profet Josef Smit mo faef nara man long kalabus long fasin we i no stret stat long Disemba 1838 i go kasem Epril 1839.

Fa Wes Oli bin setemap wan ples blong olgeta Sent oli haed long hem long ples ia stat long 1836 kasem 1838. Hem i bin hedkwota blong Jos long 1838. Long 1838 kasem 1839, oli fosem olgeta Sent blong oli mas aot i go long Ilinoa.

Nauvu Hedkwota blong Jos 1839–1846. Afta we oli bin kilimded Profet mo brata blong hem, Haeram, from bilif blong tufala, olgeta Sent oli muv i go long Wes.

Kaonsel Blaf Ol paeonia oli kasem ples ia long Jun 1846. Ol memba blong Momon Ami oli aot long 21 Julae 1846 anda long lidasip blong Jemes Alen.

Winta Kwota Impoten ples we ol Sent oli bin stap long hem blong smol taem, long yia 1846–1848. Fas kampani we i go fastaem, mo i bin stap anda long saereksen blong Presiden Brigham Yang; oli aot i go long Wes long Epril 1847.

Stronghaos blong Levenwot Momon Ami i bin rere long ples ia bifo oli statem maj blong olgeta i go long Wes long manis Ogis 1846.

Santa Fe Filip Kuk i bin lidim Momon Ami taem oli maj long ples ia i go long 19 Oktoba 1846.

Pueblo Oli bin givim oda blong tri sik grup blong Momon Ami blong go long Pueblo blong oli kam oraet bakegen; oli bin stap long ples ia long winta blong yia 1846–1847 wetem olgeta Sent blong Misisipi. Ol grup ia oli go insaed long Sol Lek Vale long Julae 1847.

San Diego Momon Ami i bin finisim 3,200 kilometa maj long ples ia long 29 Jenuware 1847.

Los Anjeles Oli givim raet long Momon Ami blong stop blong joenem faet long ples ia long 16 Julae 1847.

Sakremento Samfala memba blong ami we oli nomo stap long wok oli stap blong wok long ples ia mo long mil blong Sata we i stap moa long Is saed blong Reva blong Amerika. Oli bin stap taem oli bin faenem gol long Jenuware 1848.

Sol Lek Siti I stap olsem hedkwota blong Jos stat long 1847 kasem tedei. Brigham Yang i kasem Sol Lek Vale long 24 Julae 1847.