1 I no gat samting o man i save spolem ol ^awok, mo ol plan, mo ol stamba tingting blong God, mo tu, bae oli no save stopem ol samting ia blong hapen.

2 From ^aGod i no wokbaot long ol rod we oli kruked, mo hem i no stap tanem hem i go long raet o i go long lef, mo hem i no stap jenis long wanem hem i bin talemaot, taswe, ol rod blong hem oli stret gud, mo ^bwei blong hem i olsem wan raon we i no save finis.

3 Tingbaot, tingbaot se i no ^awok blong God we oli spolem, be hem i wok blong man;

4 From nating we wan man i save kasem plante revelesen, mo i gat paoa blong mekem plante bigfala wok, sapos hem i stap ^atokflas abaot paoa blong hemwan, mo i tingting nating long ol ^bwoning blong God, mo i folem wanem we tingting blong hem mo ^drabis filing blong bodi blong hem i talem long hem, nao hem i mas foldaon mo kasem wanem we God, we i wan stret God, bae i ^egivimbak long hem.

5 Luk, mi God mi bin trastem yu wetem olgeta samting ia, be ol komanmen we mi givim long yu oli strong ia; mo tingbaot tu ol promes we mi mekem long yu sapos yu no brekem olgeta komanmen ia.

6 Mo luk, hamas taem nao yu bin ^abrekem ol komanmen mo ol loa blong God, mo yu bin letem yuwan blong gohed blong folem ^btingting blong ol man.

7 From, luk, yu no sapos blong ^afraet long man bitim we yu fraet long God. Nating we ol man oli tingting nating long ol komanmen blong God, mo oli ^bno wantem save long ol toktok blong hem—

8 Yet, yu sapos blong stap fetful; sapos i bin olsem, bae God i save stretem han blong hem i kam long yu mo sapotem yu agensem ol ^aspia blong faea blong ^benemi; mo bae hem i bin save stap wetem yu long evri taem blong ^dtrabol.

9 Luk, yu yu Josef, mo yu nao God i bin jusum blong mekem wok blong Lod, be from se yu bin brekem loa, sapos yu no lukaotgud, bae yu foldaon.

10 Be tingbaot, God i gat fulap sore; from hemia, sakem sin from wanem we yu bin mekem we i agensem komanmen we mi bin givim long yu, mo God i jusum yu yet, mo God i singaotem yu bakegen long wok ia;

11 Sapos yu no mekem samting ia, bae God i livim yu mo bae yu kam olsem ol narafala man, mo bae yu nomo gat presen ia.

12 Mo taem yu bin givimaot wanem we God i bin givim yu blong yu luksave mo gat paoa blong ^atransletem, yu bin givimaot wanem we i tabu i go long ol han blong wan ^bman nogud,

13 we i tingting nating long ol komanmen blong God, mo i bin brekem ol promes we oli moa tabu we hem i bin mekem long fored blong God, mo hem i bin dipen long jajmen blong hem nomo mo i bin ^atokflas long waes blong hem bakegen.

14 Mo hemia nao from wanem yu bin lusum ol gudfala presen ia blong smol taem—

15 From we yu bin letem blong oli wokbaot antap long komanmen blong ^ahem ia we i stap lidim yu, stat long stat blong wok ia finis.

16 Be, wok blong mi i mas gohed, from we long sem fasin we save ia abaot wan ^aSevya i bin kam long wol ia, tru long ^btestemoni blong Ol Man Jiu, nao long sem fasin ia tu bae ^dsave ia abaot wan Sevya bae i kam long ol pipol blong mi—

17 Mo long ol ^alaen blong Nifae, mo ol laen blong Jekob, mo ol laen blong Josef, mo ol laen blong Soram, tru long testemoni blong ol papa blong olgeta—

18 Mo ^atestemoni ia bae i kam long save blong ol ^blaen blong Leman, ol laen blong Lemyul, mo ol laen blong Ismael, we oli ^dkam slak from oli lusum bilif blong olgeta from rabis fasin blong papa blong olgeta, we Lod i bin letem blong oli ^ekilimded ol brata blong olgeta, Ol Man blong Nifae, from ol rabis fasin mo ol rabis sin blong olgeta.

19 From ^astamba tingting ia nao Lod i bin holemtaet ol ^bbuk ia i stap gud, we oli gat ol histri ia insaed long olgeta—blong ol ^dpromes blong Lod, we hem i bin mekem long pipol blong hem, oli save kamtru.

20 Mo blong Ol ^aMan blong Leman oli kasem save blong papa blong olgeta, mo blong oli save ol promes blong Lod, mo blong oli save ^bbilivim gospel ia mo ^ddipen long ol gud wok blong Jisas Kraes, mo ^ekasem glori tru long fasin blong gat fet long nem blong hem, mo we tru long fasin blong sakem sin, bae oli save sef. Amen.