Guruy Ni 2
Yesus e piiʼ ngakʼ fare ragag nge lʼagruw i Nephite ni gachalpen gelinginraed ni ngar piiʼed fare tawaʼath ko fare Kan ni Thothup. Napʼan T.Y. 401–421.
1 Ireray e pi thin rokʼ Kristus, ni weliy ngakʼ e pi gachalpen, fare ragag nge lʼagruw ni ke melʼeg raed, u napʼan ni tay paʼ nga dakean loelugraed—
2 Me pining fithingraed, ni gaʼar: Ngam pininged e en Chitamangiy u fithingag, u dakean e meybil ni gel; ma tomuren ni kam rinʼed e biney me yib gelingmed ni ngam tayed paʼmed nga dakean loelugen, e chaʼ ni ngam piiʼed fare Kan ni Thothup ngakʼ; ma fithingag e ngam piiʼed riy, ya aray rogon ni rinʼ e pi apostle rog.
3 Chiney e weliy Kristus e pi thin ney ngoraed ko yan sommʼon ni mʼug ngoraed; ma fare ulung i gidiiʼ e dar rungʼaged, machane fapi gachalpen e rrungʼaged; ma oren e piʼin ni ra tayed paʼaraed nga dakean loelugraed, e aw fare Kan ni Thothup nga dakeanraed.