1 Me chelechang e morrenges, ak mo melekoi el mo er a mo rengelekir tirkael chad el mlo medechel, alsekum a Dios a mo sebechel mesterir a tikingek, me bo lodengei a teletelir a redemerir; oi, ak melekoi er kemiu, kemiu el blachel er a blai er a Israel; me a ikakid a tekoi el kulekoi:

2 Bo modengei el kmo kemiu a chad er a blai er a Israel.

3 Bo modengei el kmo ngkiriu el mo mekngit a rengmiu el kirel a kentmiu le lak eng diak bomsobel.

4 Bo modengei el kmo, ngkiriu el momechei a klekedall er a mekemad, e lak bol somiu a lmuut el chitel a rasech, kele mluut el mo melai el di merekmo Dios a le dung er kemiu.

5 Ko medengei el kmo ngkiriu el mo er ngii a klemedengei er kemiu er a redemmiu, e mo mekngit a rengmiu er a kentmiu me a delngerngeriu, e mo oumerang er a Jesus Kristo, el kmo ngii a ngelekel a Dios, el lulkodir a rechad er a Jews, meng klisiichel a Edam eng liluut el mekiis, meng mlo mesisiich er a debull, meng direk el Ngii a uchul ea klisiichel a kodall a dikeang.

6 Me Ngii a uchul okiis er a remla mad, meng kirel a chad el mekiis el mo dechor er medal a kingellel er a kerrekeriil.

7 Meng Ngii a mlo uchul osobelel a bluulechad, me ngikei el mo chemolt el klikiid er medal er a kerrekeriil sils, a mla mo sebechel mo kiei er medal a Dios er a rengedel, el mo mengitakl a diak el medeb lodanges lobenterir a remengitakl er bab, el mo er a Edam, me a mo er a Ngalk me a mo er a Edaol Reng, el ditang el Dios, el ngar er a deuelreng el diak a ulebngelel.

8 Me bo louuchel a rengmiu er a kentmiu e bo metecholb er a ngklel a Jesus, ebo morreked er kau er a osisecheklel a Kristo, el mo meked er medam, el diak di le ngar er a chelsel tiael rekord, leng direk el ngar er a chelsel a rekord el mei er a reIsentael el mla er a re chiJews, el ngii el rekord oeak a reIsentael e mei er kemiu.

9 Le kamosang, tiang a melluches el kirel el kmo, boel sebechiu el mo oumerang erisei; me a lsekum ko mo oumerang erngii, eko direk el mo choumerang er tiang; ea lsekum ko mo oumerang er tiang; e kemiu a mo medengei a teletelir a redemmiu, me a betok longasireng el tekoi el mloerngii er a dlongelir el klisiichel a Dios a uchul.

10 Me kemiu a direk el mo medengei el kmo kemiu a ta er a blachel er a rengelekel a Jakob; me a le uaisei e kemiu a ulecherangel er a rechad er a kot el telbiil; me a lsekum kemiu a mo oumerang er a Kristo, e mo metecholb, el kot, er a ralm, e solang eng mo ngau me a Edaol Reng, el di mo oltirakl omerellel Osobeled, el di uaia ikei el blaldung er kid, e kemiu a mo ungil er a sils er a kerrekeriil. Boluaisei.