Buk bilong Momon

1 Na nau mi, Momon, raitim wanpela rekot long ol samting mi bin lukim na harim, na kolim dispela em rekot Buk bilong Momon.

2 Na klostu long taim Amaron i bin haitim ol rekot bilong Bikpela, em i kam long mi, (mi bin klostu wanpela ten krismas, na mi i stat long skul liklik olsem ol pipol bilong mi save skul), na Amaron tokim mi: Mi lukim olsem yu em wanpela gutpela pikinini tru, na yu skul long ol samting hariap tru,

3 Olsem na, taim krismas bilong yu kamap klostu long tupela ten foa krismas, mi laikim olsem yu mas tingim ol samting yu bin skul long ol dispela pipol, na taim yu kamap long dispela krismas, go long graun Antum, na long wanpela liklik maunten ol bai kolim Sim, na mi bin haitim bilong Bikpela olgeta holi rekot bilong dispela pipol long dispela hap.

4 Na lukim, yu bai kisim ol plet bilong Nifai, na lusim ol narapela plet i stap long dispela ples, na yu bai katim na raitim long ol plet bilong Nifai olgeta samting yu bin skul long ol dispela pipol.

5 Na mi, Momon, bikos mi wanpela tumbuna pikinini bilong Nifai, (na nem bilong papa bilong mi i Momon) mi tingim ol samting em Amaron i bin tokim mi.

6 Na em i kamap we taim krismas bilong mi kamap wanpela ten wan krismas, papa bilong mi i bin kisim mi go long graun long hap bilong saut, tru tumas, long graun bilong Jarahemla.

7 Na olgeta pes bilong graun i bin karamap wantaim ol haus, na ol pipol kamap planti tumas, klostu wankain olsem waisan long solwara.

8 Na em i kamap we bikpela pait i stat long kamap insait long dispela krismas, namel long ol lain bilong Nifai, em ol lain bilong Nifai, ol lain bilong Jekop, ol lain bilong Josep na ol lain bilong Joram, na ol lain Leman em ol lain bilong Leman, ol lain bilong Lemuel na ol lain bilong Ismael.

9 Nau ol lain bilong Leman, ol lain bilong Lemuel na ol lain bilong Ismael ol i bin kamap ol lain bilong Leman, na bikpela pait i bin kamap namel long ol tupela lain em ol lain bilong Nifai na ol lain bilong Leman.

10 Na em i kamap we bikpela pait i stat long kamap namel long ol long ol arere bilong Jarahemla, long wara Saidon.

11 Na em i kamap we ol lain bilong Nifai ol i bin bung wantaim wanpela bikpela namba tru long ol man, inap long abrusim namba tripela ten tausen. Na em i kamap we sampela pait i bin kamap insait long dispela krismas yet, we ol lain bilong Nifai ol i bin winim ol lain bilong Leman, na planti long ol lain bilong Leman ol i bin kilim ol.

12 Na em i kamap we ol lain bilong Leman ol i bin lusim plen bilong ol, na bel isi bin kamap long graun, na bel isi bin i stap long graun long klostu fopela krismas, na nogat blut i bin kapsait.

13 Tasol pasin nogut i bin kamap bikpela tru long pes bilong graun, inap long Bikpela i bin kisim go awe ol disaipel bilong em, em lavim, na wok bilong mirakel na mekim gut gen i pinis bikos long pasin nogut bilong ol pipol.

14 Na nogat wanpela presen i bin kam long Bikpela, na Holi Spirit i no kam long wanpela man, bikos long pasin nogut na pegen pasin bilong ol.

15 Na bikos, mi bin kamap wanpela ten faiv krismas na mi bin gat liklik gutpela tingting, olsem na Bikpela i bin visitim mi, na mi bin traim na save long gutpela pasin tru bilong Jisas.

16 Na mi traim long autim ol toktok bilong God long ol dispela pipol, tasol maus bilong mi i bin pas, na mi bin tambu long toktok long ol, long wanem, lukim, ol i bin laikim long sakim tok long God bilong ol, na ol disaipel em Bikpela i bin lavim ol em i bin kisim ol go aut long graun, bikos long pasin nogut bilong ol.

17 Tasol, mi bin i stap wantaim ol, tasol mi bin tambu long toktok long ol, bikos ol pipol bin kamapim belhat bilong ol, na bikos ol pipol kamapim belhat bilong ol, kes i bin kamap long graun bikos long ol.

18 Na ol dispela stil lain bilong Gadianton, ol i bin i stap namel long ol lain bilong Leman, ol i bin karamapim graun, inap long ol pipol bilong graun i stat long haitim ol moni samting bilong ol long graun, na moni samting bilong ol i paul, bikos Bikpela i bin kesim graun, olsem ol pipol bai i no inap lukautim ol, o kipim ol gen.

19 Na em i kamap we pasin sanguma, pasin masalai wantaim pasin blak pawa i bin kamap, na pawa bilong wanpela nogut man tasol ol i bin yusim long olgeta pes bilong graun, inap long mekim kamap tru olgeta toktok bilong Abinadai, na tu Samuel, wanpela long ol lain bilong Leman.