Ilamani 12
    Footnotes

    Wase 12

    Sa yamekemeke na tamata ka lialia ka totolo me vakayacora na ca—Sa totogitaki ira na Nona tamata na Turaga—Sa vakatautauvatani na ka wale ga ni tamata kei na kaukauwa ni Kalou—Ena siga ni lewa, ena rawata na tamata na bula tawavakaiyalayala se na cudruvi tawavakaiyalayala. Rauta na 6 B.K.

    1 O koya eda sa raica kina ni sa sega ni dei se dina na lomadra na luve ni tamata; io, eda sa raica na nona vinaka tawayalani na Turaga ka sa vakalougatataki ira ka avakasaututaki ira kina era sa bvakararavi vua.

    2 Io, eda na rawa ni raica ena veigauna kece sa vakalougatataki ira kina na nona tamata, io, ni sa vuavuai vinaka na nodra iteitei, levu na nodra qele ni sipi kei na bulumakau, na koula kei na siliva kei na veimataqali iyau kei na cakacaka ni liga talei kecega; ka sa vakavotaka na nodra bula, ka sereki ira mai na ligadra na nodra meca; ka vakamalumalumutaka na lomadra na nodra meca mera kakua kina ni mai vakacibi ivalu vei ira; io, na kena ivakalekaleka ga, ni sa cakava tiko na veika kece sara me baleta na nodra tiko vinaka kei na nodra marau na nona tamata; io sa na qai gauna oqori era na avakaukauwataka kina na lomadra ka guilecava na Turaga na nodra Kalou ka bbuturaka e ruku ni yavadra na Yalo Savasava—io ka vakavuna oqo na nodra sa tiko vinaka kei na nodra sa sautu ka torocake vakalevu.

    3 Ia eda raica kina ni kevaka me a sega ni atotogitaki ira na nona tamata na Turaga ena veika rarawa e vuqa, io, me a sega ni sikovi ira ena veivakamatei kei na veika vakarerevaki, kei na dausiga kei na veimataqali mate dauveitauvi, era na sega sara ni bnanumi koya.

    4 Raica na nodra lialia kei na nodra dokadoka, kei na nodra ca kei na nodra vaka na tevoro, era sa akusarawa ni kitaka na caka cala, ka berabera ni kitaka na ka vinaka ko ira na luve ni tamata; io, era sa kusarawa ni muria na nona vosa na vu ni ca ka bdomona na veika wale ni vuravura!

    5 Io, sa totolo na aviavialevu ni yalodra; sa totolo ni ra tukutukuni ira ka kitaka na veimataqali caka cala kecega; era sa berabera ni nanuma na Turaga na nodra Kalou ka berabera ni muria na nona ivakasala, io, era sa berabera ni bmuria na sala ni vuku!

    6 Raica era sa sega ni vinakata me alewai ira ka nodra Turaga na Kalou ka a bbuli ira; e dina ga sa yalovinaka ka yalololoma vei ira ko koya, ia era sa vakawaletaka na nona vosa ka sega ni vinakata me tuberi ira ko koya.

    7 Raica era sa aka wale sara na luve ni tamata; io, era sa lailai sobu mai na kuvu ni soso.

    8 Ia raica, sa lewa na noda Kalou sa cecere ka tawavakaiyalayala, me veitosoyaki na kuvu ni soso me vakayacori kina na nona inaki.

    9 Io, raica ni ena domona, sa sakure ka ayavavala na veidelana kei na veiulunivanua.

    10 Ia ena akaukauwa ni domona era sa talaraki sobu kina ka vakalogalogavinakataki me vaka na buca.

    11 Io, ena kaukauwa ni domona sa yavavala kina ko avuravura taucoko;

    12 Io, ena kaukauwa ni domona sa yavavala kina na yavu kei vuravura.

    13 Io, kevaka sa kaya ki na vuravura—Toso—ena toso ga.

    14 Ia kevaka sa kaya ki na avuravura—Mo bsuka lesu, me cvakabalavutaki na siga ena vica vata na auwa—ena yaco vakakina;

    15 O koya sa suka lesu kina ko vuravura me vaka na nona vosa, ia e ra nanuma na tamata ni sa tu vakadua na matanisiga; io, sa vakadina kina; raica e dina sara ni sa toso ga na vuravura ka sega ni toso na matanisiga.

    16 Ka raica, kevaka sa kaya ko koya ki na awasaliwa titobu—bMo mamaca mai—ena yaco vakakina.

    17 Raica, kevaka sa kaya ko Koya ki na ulunivanua oqo—Mo tubu cake ka atoso mai ka buluta na koro ko ya—raica ena yaco vakakina.

    18 Ka raica, kevaka e dua sa avunitaka e dua na iyau e loma ni qele ka sa kaya na Turaga—Me bcudruvi mada ena vuku ni caka cala nei koya sa buluta—raica, ena cudruvi vakaidina ga.

    19 Ia kevaka sa kaya na Turaga—Ko na cudruvi me kakua ni dua na tamata me kunei iko me tekivu oqo ka lako yani ka sega ni mudu—raica, ena sega ni dua na tamata ena taura rawa me lako yani ka sega ni mudu.

    20 Ia raica, kevaka sa kaya na Turaga vua e dua na tamata—Ena vuku ni nomu caka cala, ko na cudruvi ka sega ni mudu—ena yaco ga vakakina.

    21 Ia kevaka sa kaya na Turaga—Ena vuku ni nomu caka ca ko na muduki tani mai mataqu—ena vakayacora me vakakina.

    22 Ia ena ca ko koya sa tauca vua na vosa oqo, ni na vakakina vei koya sa cakacala, ka na sega ni rawa ni vakabulai ko koya; o koya gona, ena inaki oqo, sa vunautaki kina na veivutuni me rawa ni vakabulai kina na tamata.

    23 O koya sa kalougata kina ko ira sa veivutuni ka muria na domo ni Turaga na nodra Kalou; ni sai ira oqo era na avakabulai.

    24 Ka me yalololoma mada na Kalou ena nona vinaka taucoko, ka solia na gauna me ra veivutuni kina na tamata ka caka vinaka me ra vakalesui ki na ailoloma soli wale ena iloloma soli wale, me vaka na nodra ivalavala.

    25 Au sa gadreva me ra vakabulai na tamata kecega. Ia sa volai tu ni ra na muduki tani e so ena siga sa levu mai muri ko ya, io, era na muduki tani mai na iserau ni Turaga;

    26 Io, sa nodra ivotavota na rarawa tawacava, me vaka na veivosa ka sa volai: Era na rawata na abula tawavakaiyalayala ko ira sa caka vinaka; ia ko ira sa caka ca era na bcudruvi ka tawavakaiyalayala. A sa vakakina. Emeni.