Tuatua Poto No Runga I
Te Puka A Momoni

E toru tu akapapaanga tei akakiteia i runga i te kapi mua o te Puka a Momoni.

1. Te au papa a Niphai. E rua tuanga i roto i teia puka nei, koia oki (a) Te au Papa Mamaata, (b) te au papa meangiti. Ko te papa mua, no runga te reira i te tua o te au angaanga tei raveia e te tamariki a te tangata, e ko te tuanga rua, no runga ïa i te au angaanga tapu.

2. Te au papa a Mononi. Tei roto i te reira te akapotoanga o te au papa a Niphai, tei maaniia e Momoni ma te au akaraanga e mangaui e te kapitianga mai i ta Moronai, te tamaiti a Momoni.

3. Te au papa a Etera, tei roto i reira te tua o te ngati Iareta, ko ta Moronai i akapoto, e kua kapiti mai oki i tana uaorai au tuatua, e kua topa te katoatoa ki te ingoa, Te Puka a Etera.

   Ka kapiti katoaia mai tetai au papa ke, mei tei taikuia mai i te Puka a Momoni, koia oki,

4. Te papa veo a Labana, tei apainaia mai e te au tangata o Lihai mei Ierusalema, tei roto i reira te Tuatua Tapu no te Ebera e tetai au akapapaanga. E mangnui te au tuatua no reira mai, tei roto rai i te akapapaanga o te ngati Niphai.

E tai ngauru ma rima tuanga mamaata i roto i te Puka a Momoni, tei tuatuaia oki e, e puka, ka kite tatou i te reira ki te ingoa o te aronga tei tata. I roto i nga puka mua e ono, te ingoa Niphai mua, Niphai rua, Iakoba, Enosa, Iaroma, e Omoni, ko te reira kua akauriia mai ïa mei roto i te au Papa Meangiti a Niphai. I rotopu i te puka a Omoni e te puka a Mosiai, ka kite tatou i Te Tuatua a Momoni i te kapiti atu anga i ta Niphai i tata ki runga i te au Papa Meangiti, i te akapotoanga a Momoni i te au Papa Mamaata. Ko Te Tuatua a Momoni, kua riro te reira ei akamaramaanga poto no te au tataanga i mua ake, e te mea tei aru mai.

Ko te maata o te puka, mei a Mosaia kia Momoni pene 7, koia rai te akaurianga no te akapotoanga a Momoni i te au papa a Niphai. Ko te au tuanga o muri ake i te Puka a Momoni, mei te akamataanga mai o Momoni pene 8, e tae atu ki te openga o te puka, na te tamaiti ïa a Momoni i kotikoti, koia a Moronai. Kua na mua aia i te akaoti i te akapapaaanga o te oraanga o tona metua, e kia oti, kua akapoto iora aia i te akapapaanga o te ngati Iareta, koia oki te Puka a Etera. I muri ake i reira, kua kapiti atu aia i tetai au tuanga, tei kitea e tatou ko te Puka a Moronai.

Ko te roa o te tuatau i te Puka Momoni, koia oki mei te mataiti 600 i mua ake i te Mesia ki te mataiti 421 i muri ake. I roto i te mataiti openga, ko Moronai te ngati Niphai tata tua openga, kua topiri aia i teia au akapapaanga, e kua uuna oki i te reira ki te Atua, e kia riro mai te reira i te au rā i muri nei, mei tei totouia e te reo o te Atua, na roto i tona au peroveta taito. I roto i te Mataiti 1827 A.D. ko taua Moronai nei rai, i te kopapa tuakaou, kua oronga atu i te au papa tei kotikotiia kia Iosepha Timete.