ఈథర్

లేఖనములు

మోర్మన్‌ గ్రంథము

విషయా‌లు
పీఠిక మరియు సాక్ష్యులు
1 నీఫై
2 నీఫై
జేకబ్
ఈనస్
జేరమ్
ఓంనై
మోర్మన్ వాక్యములు
మోషైయ
ఆల్మా
హీలమన్
3 నీఫై
4 నీఫై
మోర్మన్
ఈథర్
మొరోనై

ఈథర్

1వ అధ్యాయము
ఈథర్‌ యొక్క రచనలను, మొరోనై సంక్షేపము చేయును—ఈథర్‌ యొక్క వంశావళి ఇవ్వబడెను—బాబెలు గోపురము వద్ద జెరెడీయుల భాష తారుమారు చేయబడలేదు—వారిని ఒక శ్రేష్ఠమైన దేశమునకు నడిపించి, గొప్ప జనముగా చేసెదనని ప్రభువు వాగ్దానము చేయును.
2వ అధ్యాయము
ఒక వాగ్దానదేశమునకు ప్రయాణించుటకు జెరెడీయులు సిద్ధపడుదురు—అది ఒక శ్రేష్ఠమైన దేశము, అక్కడ మనుష్యులు క్రీస్తును సేవించవలెను లేదా నాశనము చేయబడవలెను—ప్రభువు, జెరెడ్‌ యొక్క సహోదరునితో మూడు గంటలపాటు మాట్లాడును—జెరెడీయులు పడవలను నిర్మించెదరు—పడవల లోపల వెలుతురు కొరకు ప్రతిపాదించవలెనని ప్రభువు జెరెడ్‌ యొక్క సహోదరుడిని అడుగును.
3వ అధ్యాయము
ప్రభువు పదహారు రాళ్ళను తాకినప్పుడు, జెరెడ్‌ యొక్క సహోదరుడు ఆయన వ్రేలును చూచును—క్రీస్తు తన ఆత్మీయ శరీరమును జెరెడ్‌ యొక్క సహోదరునికి చూపును—పరిపూర్ణ జ్ఞానము కలిగిన వారు తెర లోపలివి చూడకుండా నిరోధించబడలేరు—జెరెడీయ వృత్తాంతమును వెలుగులోనికి తెచ్చుటకు అనువాదక సాధనములు ఇవ్వబడినవి.
4వ అధ్యాయము
జెరెడ్‌ యొక్క సహోదరుని వ్రాతలను ముద్ర వేయవలెనని మొరోనై ఆజ్ఞాపించబడెను—జెరెడ్‌ యొక్క సహోదరునివలే మనుష్యులు విశ్వాసము కలిగియుండు వరకు అవి బయలుపరచబడవు—ఆయన మాటలను మరియు ఆయన శిష్యుల మాటలను విశ్వసించమని క్రీస్తు మనుష్యులను ఆజ్ఞాపించును—పశ్చాత్తాపపడి, సువార్తను విశ్వసించి, రక్షింపబడుటకు మనుష్యులు ఆజ్ఞాపించబడిరి.
5వ అధ్యాయము
ముగ్గురు సాక్షులు మరియు ఈ కార్యము దానికదే మోర్మన్‌ గ్రంథము యొక్క సత్యమునకు ఒక సాక్ష్యముగా నిలుచును.
6వ అధ్యాయము
జెరెడీయుల పడవలు వాగ్దానదేశమునకు గాలుల ద్వారా కొనిపోబడును—ఆయన మంచితనమును బట్టి జనులు ప్రభువును స్తుతించెదరు—ఓరిహా వారిపై రాజుగా నియమింపబడెను—జెరెడ్‌ మరియు అతని సహోదరుడు మరణించెదరు.
7వ అధ్యాయము
ఓరిహా నీతియందు పరిపాలించును—బలవంతపు ఆక్రమణ, కలహముల మధ్య షూలే మరియు కొహోర్‌ యొక్క శత్రు రాజ్యములు స్థాపించబడెను—జనుల దుష్టత్వము మరియు విగ్రహారాధనను ప్రవక్తలు ఖండించెదరు, అప్పుడు వారు పశ్చాత్తాపపడెదరు.
8వ అధ్యాయము
రాజ్యమును గూర్చి కలహము మరియు వివాదము ఉండెను—రాజును సంహరించుటకు అకిష్‌ ఒక ప్రమాణమునకు కట్టుబడిన రహస్య కూడికను రూపొందించును—రహస్య కూడికలు అపవాదికి సంబంధించినవి మరియు జనముల యొక్క నాశనమును కలుగజేయును—సమస్త భూభాగములు, జనములు మరియు దేశముల యొక్క స్వాతంత్ర్యమును పడగొట్టుటకు చూచు రహస్య కూడికలను గూర్చి ఆధునిక అన్యజనులు హెచ్చరింపబడియున్నారు.
9వ అధ్యాయము
వంశపారంపర్యము, కుట్ర మరియు హత్య ద్వారా రాజ్యము ఒకరి నుండి మరియొకరికి సంక్రమించును—ఎమెర్‌, నీతి కుమారుని చూచును—అనేకమంది ప్రవక్తలు పశ్చాత్తాపమును ప్రకటించుదురు—కరువు మరియు విషసర్పములు జనులను బాధించును.
10వ అధ్యాయము
ఒక రాజు తరువాత ఇంకొకరు వచ్చును—రాజులలో కొంతమంది నీతిమంతులైయుండిరి; ఇతరులు దుష్టులైయుండిరి—నీతి ప్రబలినప్పుడు జనులు ప్రభువు చేత ఆశీర్వదింపబడి, వర్థిల్లజేయబడిరి.
11వ అధ్యాయము
యుద్ధములు, విభేదములు మరియు దుష్టత్వము జెరెడీయుల జీవనమును ప్రభావితము చేయును—వారు పశ్చాత్తాపపడని యెడల, జెరెడీయులు పూర్తిగా నాశనమగుదురని ప్రవక్తలు ముందుగా చెప్పెదరు—జనులు ప్రవక్తల మాటలను తిరస్కరించెదరు.
12వ అధ్యాయము
దేవునియందు విశ్వసించమని ప్రవక్తయైన ఈథర్‌ జనులకు ఉద్భోధించును—విశ్వాసము ద్వారా చేయబడిన ఆశ్చర్యకార్యములను, అద్భుతకార్యములను మొరోనై చెప్పును—విశ్వాసము, జెరెడ్‌ యొక్క సహోదరుడు క్రీస్తును చూడగలుగునట్లు చేసెను—మనుష్యులు వినయము కలిగియుండునట్లు ప్రభువు వారికి బలహీనతనిచ్చును—విశ్వాసము ద్వారా జెరెడ్‌ యొక్క సహోదరుడు జెరిన్‌ కొండను కదిలించెను—రక్షణ కొరకు విశ్వాసము, నిరీక్షణ మరియు దాతృత్వము ఆవశ్యకము—మొరోనై, యేసును ముఖాముఖిగా చూచెను.
13వ అధ్యాయము
యోసేపు సంతానము ద్వారా అమెరికాలో నిర్మించబడవలసిన క్రొత్త యెరూషలేమును గూర్చి ఈథర్‌ చెప్పును—అతడు ప్రవచించును, బయటకు త్రోసివేయబడును, జెరెడీయుల చరిత్రను వ్రాయును మరియు జెరెడీయుల నాశనమును ముందుగా చెప్పును—దేశమంతటా యుద్ధము తీవ్రమగును.
14వ అధ్యాయము
జనుల దోషము దేశముపై శాపమును తెచ్చును—కోరియాంటమర్‌ గిలాదుతో, తరువాత లిబ్‌తో, ఆ తరువాత షిజ్‌తో యుద్ధము చేయును—రక్తపాతము మరియు మారణహోమము దేశమును ఆవరించును.
15వ అధ్యాయము
లక్షలమంది జెరెడీయులు యుద్ధమందు సంహరింపబడిరి—మరణము వరకు పోరాడుటకు షిజ్ మరియు కోరియాంటమర్‌ జనులందరినీ సమావేశపరచుదురు—ప్రభువు యొక్క ఆత్మ వారితో పోరాడుట మానును—జెరెడీయ జాతి పూర్తిగా నాశనము చేయబడును—కేవలము కోరియాంటమర్‌ మిగులును.