Fare
Babyor ku Mormon

Ere, bake babyor ni kan ngochngocheg i yoloey ni chipin fapi gidiiʼ rokʼ Nephi, nge ku morngaʼagen fapi Lamanites—Nni yoloey ni nge yaen ngakʼ fapi Lamanites, ni yaed e piʼin ni kar magaey gaed ko fapi gidiiʼ ku Israel; nge ku ngakʼ e pi Jew nge Gentile—Nni yoloey u rogon e motochiyel, ngu rogon e nangaenʼ ko prophecy nge yiʼiy—Nni yoloey min chaʼariy ngakʼ fare Somoel, me yog ni nge paer ni dab ni gathaey—Ni nge yog nni pilyeg e thin riy u dakean e tawaʼath nge gelngin Got nib tamilang fan—Ni chaʼariy Moroni u paaʼ, me mitheag ngakʼ fare Somoel, ni nge yibi mʼug ko ngiyalʼ ni kan dugliy u rogon e Gentile—Min pilyeg fan u dakean fare tawaʼath rokʼ Got.

Bake babyor ni kun ngochngocheg i yoloey nni fek ko fare ke babyor rokʼ Ether, niʼir chipin fapi gidiiʼ rokʼ Jared, nra garer gaed u napʼan ni thilyeg Somoel e thin ko fapi gidiiʼ, u napʼan ni yaed be toey ba wulyang ni nga ranoed riy nga tharmiy—ni ire nge dag ngakʼ e piʼin ni ke magaey ko gidiiʼ ku Israel ko mang e pinʼen nrib felʼ ni ke rinʼ Somoel ni fan ngakʼ e pi chitmangraed; ma nge yog ni ngar nanged fapi mʼag rokʼ fare Somoel, me siy ni ngan tharbograed ni dariy nʼumngin i napʼan—Ma ngki yog ni ngan micheg u waenʼ fapi Jew nge Gentile ni Yesus e ir Kristus, ni fare Got ni Manechubog, ni ke yib i mʼug ngakʼ gubin e pinam—Ere chiney e, faʼanra bay e tagan ma bogi oloboch ko gidiiʼ; ere, dab ni gay thibngin e tirokʼ Got banʼen, me yog ni ngan pirʼeg med ni dariy thibngimed u tagilʼ e pufthin rokʼ Kristus.