Mormon Nwoma No

Dɛm ntsi wɔdze Nephi no nkorɔfo ho abakɔsɛm nye Lamanfo so dze abɔmu etwitwa no ntsiatsia akyerɛw—Wɔkyerɛwee dze kɛmaa Lamanfo a wɔyɛ Israelfifo nkaa; nye Jewfo na Amanamamfo no mu biara so—Wɔnam mbrasɛm na nkɔnhyɛ sunsum nye nyikyerɛ kwan do kyerɛwee—Wɔkyerɛwee na wɔsɔɔw ano na wɔdze siei maa Ewuradze amma wɔannsɛɛ no—Ama wɔnam Nyankopɔn n’akyɛdze na no tum do woeyi epue na wɔakyerɛ ase—Moroni dze ne nsa sɔɔw ano na ɔdze siei maa Ewuradze, ama wɔnam Amanamamfo do woeyi epue wɔ n’aber ano—Wɔnam Nyankopɔn no tum akyɛdze do bɛkyerɛ ase.

Ne fã bi so a woyii fii Ether Nwoma mu no so yɛ abakɔsɛm a ɔfa Jared no nkorɔfo a wɔbɔɔ hɔn petsee wɔ aber a nna worisi abantsentsen dze akɔ sor no na Ewuradze totõo hɔn kasaa no ho—Ama wɔdze aakyerɛ Israelfifo nkaa ma woehu ndzɛmba akɛse a Ewuradze yɛe maa hɔn egyanom; na woehu Ewuradze n’ahyɛmu no, dɛ wɔnntow hɔn nnkyenee afebɔɔ—Na afei so ama Jewfo na Amanamamfo no mu biara so aagye edzi dɛ Jesus nye Christ no, Onnyiewiei Nyankopɔn no, reda noho edzi akyerɛ aman nyinara—Na afei sɛ mfom bi wɔ mu a nna ofi nyimpa; dɛm ntsi mma hom nnkasa nntsia ndzɛmba a Nyame ayɛ, amma woeennya hom ho nkekaa wɔ Christ n’atsɛmbu egua no enyim.