1. Tegi Esús sordamar, Pab igarba sunmaidi na kudmala, ibmar ittosmalad, ar taisamalad, teg paudisar imaidemarbali, Esús nuggine, ar ambigudmala, kandigid ba Pabse kodshamala, ar amarga wis ised nasismala.

2. Ar Esús kannar se nonibali, ar Pabse ibmmar egidsamalad ulale; tegi Esús noniki abarsega, ar ga soido: ¿Ibu pehmar ga uibi pela, an, abemala?

3. Tehgine gar soidemala: Tule Tummad ye anmar wisgubimala, igi nuisamaloe we ittoed nega, ar we neggwebur na egis mala, nue wisguhegala we ibi.

4. Ar tule tummad abin imaide: Napira, napiragua pehmarga an soge: ¿Ibigar sunna we neggwebur urwesunna, we ibmar ulale?

5. ¿Kaiya purba narmakaled. Kwen absos surmarsi, ar soge pehmar Cristo nuga sedi samaloe, wede an nuga? Ar we nuiba nuggumaloe, ibagan napidgine.

6. Tegi tule an nug sedihle, ar sogedba nanadihle eperguhedsega, wede pentailegoe ibagan pergudele.

7. Tehgine ib imakalile, an nuggi imakoe weyobi ittoed nega, an nuiba nugguoe; ar Pabse egidele, an nuggine, ittoed ga purba nued ukegala an nuggine.

8. Ar iggudosunna an ittoed nega, anbali nuisulile? Ar ittoed neg sogwen Moises ye nugale, al wede Moises gado ittoed nega; tegi tule wargwen nug, nuidibe ittoed nega ar ahagaddo; tegi an nuiba nugale, ar ittoed nega angaddo, ar an igarmar maidba nue sigisa.

9. Napira, ar napiragua pehmarga an soge, pehmala an igargan maidba dihmala, tegi soggu nugimakele an nuiba nuisamaloe; tehgine ar Pabse egisele ittoed neg gala, Paba pehmar ittomaloe, ar an nuggi imaimalale.

10. Ar ittoed nega an igar maidba sihile, ar Paba eibmala pehmarga oyodoe.

11. Tegi an igarba sihsulile, unni tulemar imakedi, ar nia igardibe, napiragua pehmarga an soge, siguas eigar megidoe, ar wegi eperguhed iba nonikoe, ar pergudoe, mel-ledoe soho abargine, tegi Kannar Kwen siynonikosuli.

12. Ar ibmar imaisad ba naoe, eibmar imaisadba, wiledbaloe; ebinsamala, tegi pehmarga na ibmar soisadi.

13. Wegine pehmarga an igar uisa, ar we Kaiya purba maid pehmarga na uisa; Pab sogedba an napneise noniki, an Eh an parmiali.

14. Ar an Paba, an parmiali nagrusgi purgega turguegala; tegi nagrusgi nai purgisgua kannar turgusa, tegi ani sunna tulemar an se na sedagegala, ar tulemar pela sunna turgumarmogoe, Paba weyob sunna odulogoe, an asabin igar ga amiledoe, eh nanas maladbali, ar nued dibe, ar isguhed dibe.

15. Ar aulale an Kannar turgusa, tehgine Pab purba kanguhedbali, an se pela tulemar sedagoe, eibmar na imaisadba ga igar bar amiledoe.

16. Ar wegihidba na isguhed misale, tegi an nuggi paudisar imaisale, nuguoe; tegi nued kudihi kudele, wegi Pab asabin an ibmar widsulid ga sadoe, ani we ibagan napidgi napnegga igargan napi palamidele.

17. Tegi tule wargwen, igargan maidba nue disulile, pergudoe, ar sohogi parmel-ledoe, wegihidba kwen bar nohosuli, Pab igar innigigua maid ulale.

18. Ar wede we Kaiya purba ehde uisa tulemar mimmigangala; ar tegi Soggu an sunmaisad, imailedoe; ar kwen kagansuli, unnila pela eKaiya purba imailedoe.

19. Tehgine ib isgana nibneise togosuli; ar tegisoggu tule wargwen kwen se togosuli, unnila tule emor an ablisgi enuisadi, eKuage ulubgi pensulid nikadbali, isgusad pela na misale, ar nued soged ba nanadihile.

20. Ar wede igar maidi: Isguhed mimala pela pehmala, napneg tirbirnaidi, ar an se taimala, paudisar samala an nuggine, a nugumala, Purba Nued uiledoe, tegi ibagan pergudele, an asabin Kuisgumalagala sansulidigidgine.

21. Tegi napira, napiragua pehmarga ansoge, wede, an igar maidi; pehmar ibmar wismala, an ittoed neggi ibmar imailegedi, ar pehmar an taisa imake weyobi, imaimarmogoe, ar wehmar an taisamalad pehmar imaimarmogoe.

22. Tegi sogga wede pehmar imaimarmogale, tule nueganga kudoe, ar yohose nibneise namaloe.

23. Narmaimala ibmar taisamalad, ar ittosmaladi, unnila ibmar ised pehmarga nasiysad narmaimalosuli.

24. We neggwebur ibmar imaisad, narmake, yohoe ibmar samaloedi, teyob narmailes bali ibmar imaisamaladi.

25. Tehgine wegi karda narmailesad, ar narmarlebaloed, weba igar ga amiledoe, we neggwebur gala, ar weba wehmarga owisoledoe ibmar imasadbali we tulemar.

26. Wegine, Paba pela ibmar narmaisa; tegi soggu napnega igar napi amiledoe, karda narmailedmaidbali.

27. Tehgine pehmar nue ittomala, we neggwebur tummagan ga pehmar nuisaledoe, an igar ga mesidoe, napiraguad ba uiledoe. Tegisoggu ¿tule igid ga na kumaloe? Napiragua pehmarga an soge an sunna pehmar tamala.

28. Ar emide Pab se na naoe Tegi napiragua pehmarga an soge, an nuggi Pabse ibmar egisele, pehmarga uilegoe.

29. Tegi soggu, egise, ar abingamala; kole, pehmarga egalegoe; ar tule egise abingaoe; tegi se koler ga egalegoe.

30. Ar wegihidba, an na nue yeher ittoe, ar pela guablegua na welidar ittoe, pehmar ulala, ar tulemar we ibaganginedi; eye, ar Paba yeher ittoe, tegi pela kuable angermar nuegan gala, pehmar ulale we pirgaganginedi; ar tule wargwen gid perguosuli.

31. Wegine nue wisgumaloe, ar tule emi tula kudidihidi, ga an soge; tegi wehmar wargwen gid kwen yokuosurmala; ar na nue yeher ittoe wehmarbali.

32. Tegi wegine nue na pugib ittoe, wagan soipakedgine, we ga soiledoe, ar eh se wiledmaloe igi machi isgusadyobi; ar pehmar an uimaloe manigine, ar orgine, pela udubi kuedi, ar tulemar addursamalad addursadoe. Tegi we ibagangine an tainonikoe, pehmar ibmar imaisamalad, kannar pehmarga obinoe.

33. Tehgine Esús weyob sunmaisad sorbali, esordamargala (12) soisa: yawagba peh toige, ar yawag yatada, tegi igar mata pibisule, ahdi neiy tule osuloged se nad sunna, ar aigargine tule pukidar ba nadabbi. Ar yawag osogua, tegine igar ganawaguadi purba keig pergued nikue, ar tule pogua a igardi par amimaloe, ar midukidba nonikile tule wargwen gid bar arbasuli.