Aj Tnejil Uʼj Te Nefi
Te Twiʼxanil Bix Takʼan
Aj t-xilen Lehi tucʼ t-xuʼjal Saríah ix cyucʼke cyaja tcʼwal atzan cybi, (ckebil tiʼj tnejal cʼwal) Lamán, Lemuel, Sam ix Nefi. Xiʼ tmaʼn Kajaw te Lehi tuʼn tetz tuj tnam te Jerusalén, porque atzanju npacban tkanil tiʼj cynachal tnam ix cyajbʼil tuʼn tel twiʼ. Nbet ox kʼij tuj desyert cyucʼx tfamilya. Meʼltzaj Nefi cyucʼxke termana tuʼn cypon tuj tnam Jerusalén cyiʼjke storya cyeke xjal Judiy. Aj yolbil te tiʼj cycyimlen. O chi najan cyucʼke tmeʼjal Ismael. Ijeʼx tuʼn cypon tuj desyert cyucʼxke familye cʼixbʼil, ke cybis tuj desyert aj tuj cybe.
Capítulo 1
Aj tilbilal te Lehi nqueyin jun tkan kʼakʼ tzaj tuj cyaj bix uj te profecia yol baj kʼamat jun tyempca. N pacban que segur cbel tilpaj aj tnam Jerusalén bix at tulel Mesías. Nim cyajbil ke Judiy tuʼn tcub cybyon Lehi.
1. Akina, Nefi, in itzʼje cyiʼj tbanl mambaj bix o ncʼame, cyjaʼtzan jluʼ, at jun cawbil tuj cyakil baʼn tuʼn nmana bix banwtla maʼ wila taʼw tuj cyakil wankʼbila, milay baj ncʼuʼja que oʼ chin tzaj xtaʼlina tuʼn Kajaw cyuj cyakil nkʼija, icytzanju, oʼ chin nebena tiʼj jun matij tchi-al bix takʼan Dios, bix cyjaʼtzan cbel ntzʼibana aj storya ma baj tuj wankʼbila.
2. Ictzan, cbantel jun t-xilen wuʼna, tuj tyol nmana, ix atzan jun t-xilen aj cyximbatz xjal Judiy ix cyyolke xjal Ejipcio.
3. Ix baʼn wuʼne que aj storya cbel ntzʼibana ax toc; ix cyuʼn nkʼaba cbel ntzʼibana, cyuʼnke nximbatza.
4. Banttzan jluʼ taj tkeʼ tnejal abkʼi twiʼxanil Sedecías aj rey te Judá, (otok ankʼin nmane Lehi cyakil tankʼibil tuj Jerusalén) ictzan, ipon nimke profetas te Dios tuj ax abʼkʼi aju, nchi kʼamantak cye tnam tuʼn tajtz tiʼj cyanma, bixmo cbel tilpaj cyakil tnam te Jerusalén.
5. Bajtzan jluʼ, cyjatzan, etz nmane Lehi ix octen nal Dios twitz Kman, ictzan, tuʼn cyakil tanmi, te jun baʼn te ttanma.
6. Ix bajtzan jluʼ, matok nnan Dios twitz Kman, ul let twitz tibaj jun xak jun tkan kʼaʼkʼ, ix nimca til ix tbʼi ix tzaj tchi ix luʼlinxix wena tuʼnju otok til ix otok tbʼi.
7. Ix bajtzan jluʼ, taj tmeltzʼaj tja tuj Jerusalén, cuʼ tzʼak twiʼ twatbil, najsaʼn tuʼn tchi Xewbaj ix cyuʼnke cosas aj otok chitil.
8. Ix najsaʼntzan tuʼn tchi Xewbaj, oc yecʼan jun tilbilal tuj twitz, jatuma til tjaket tzi cyaʼj, ix xiʼ tocslaʼn, que tilonte tutzʼl Dios tuj tcubil, camoʼntok tiʼj cyuʼn txkan angel nchi bitzan ix nchi nan cyDios.
9. Ix til cyjaʼ tcuʼtz jun tuj cyaʼj ix icy tkan ncʼant más te tkan kʼij chilcajkʼij.
10. Ax icx til lepchix cablajke, icy cykan ncʼant más te tkan cheʼw te twitz cyaʼj.
11. Ix cycuʼtzlentzan, ijeʼx bet twitz txʼotxʼ ix atzanj tnejal pon jatuma taʼ nmane ix xiʼ tkʼoʼn jun uʼj te, tuʼn tjaw tschʼiʼn.
12. Ix bajtzan jluʼ, matok nschʼin tiʼj, biʼx noj tucʼ nim Xewbaj te Kajaw.
13. Ix jaw tschʼiʼn, cyjaʼw: ¡Becyʼbila becyʼbila Jerusalén, porque owila ttzʼila! Ictzan, jaw tschʼiʼn nmane aj t-xilen tiʼj Jerusalén: Que cbajal kʼuchat cyucʼaxkej najl twitz; nimcake chi cymel tuʼn spada bix nimke chi xel kʼiʼn pres tuʼn cypon max tuj tnam Babilonia.
14. Ix bajtzan jluʼ, taj tjaw tschʼiʼn nmane ix taj tilonte nimcake cosas maʼxixke ix luʼxixke, xiʼ tmaʼn nimca te Kajaw, cyjaʼw: ¡Maʼxix bix luʼxix ke tbinchbena, aya Kajaw Kdios Cyakil Tipamala! Cyakil aj tcubila lekʼchxix njaw tuj cyaʼj, ix tipumala, aj baʼnxix t-xilena ix tpasensa nxiʼ tsipana cyxol cyakilke xjal twitz txʼotxʼ; ix porque pur baʼna, miʼn cucx txi chi cyimkej chul tiʼja!
15. Jeʼtzan tten xiʼ tmaʼn nmane tuj bʼitzbʼil te Dios; porque nkeʼ tcʼuʼj ix bix nnoj cyakil tanma cyuʼn cylajke cosas otok chitil, ictzan, ajke cosas otok tzaj yecʼan te tuʼn Kajaw.
16. Atzan wecyʼ kina, Nefi, nlay txiʼ nkʼoʼna cyakil tajlal aj cub t-tzʼibʼan nmane, porque ocuʼ t-tzʼiban nimca cosas tiʼj twitzicʼ ix aj otil tuj twitz; ax icx ocuʼ t-tzʼiban nimca cosas tiʼj otxiʼ tmaʼn ix otxiʼ tyoʼlan cyeke tcʼwaʼl, ajoʼ ntiʼx ncub ntzʼibana tzalu.
17. Sino que cbel ntzʼibana aj bʼant wuʼne ntyempa. Lutzn luʼ, cbantel jun storya junx chmoʼn tiʼj nmana cywitzke sleʼw cʼuxbil aj ma chi bʼant cyuʼnke nkʼaba; ix octzan cybaj nchmoʼna cbel ntzʼibana storya tiʼj wecyʼ wankʼbʼila.
18. Cyjuʼtzan, waja tuʼn cybinteye que despwes que tilonte nmane Lehi cyakilke ix maʼxix ixke luʼxix cosas que tzaj tyecʼan Kajaw te, tiʼj aj tuʼn tcuʼ kʼuchan cyakil tnam Jerusalén, lutzn luʼ etz bet cyxolke tnam ix oc ten pacbal ix kʼamal tkanil tiʼj aj otok til ix aj otok tbʼi.
19. Ix bajtzan jluʼ, ijoʼc ten Judiy xmoʼcchal tiʼj tuʼn cylajke cosas ax toc xiʼ tkʼamaʼn, porque axix toclen xiʼ tmaʼn tiʼj cyplojal bix cytzʼilil tnam, ix xiʼ tmaʼn axix toclen que ajke cosas otok chi til ix otok tbi, icx tiʼj aj otok jaw tschʼiʼn tuj uʼj, ncymaʼntok tiʼj tulel Mesías bix Clol te twitz txʼotxʼ.
20. Ix tajtzan cybinte Judiy jluʼ, ijaw kʼojl tucʼl; icx tzaʼn otok baj cyuʼn cyucʼke profetas te ojtxa, ajke el cyicʼan oc cyxoʼn tuʼn xak ix ajke otok chi baj biyoʼn; ix cyajbetzn tuʼn tel twiʼ. Atzanwe kin Nefi, cxel nyecʼana aj aʼlaj t-xtalbil Kajaw ncwentan cyiʼj cyakilke aj tuʼn tlaj cyocslabʼl ojaw tjyoʼn, ix cxeʼl tkʼoʼn cyipumal tuʼntzan cycolpaj.